1Forsothe Joob answeride, and seide, Y `herde ofte siche thingis;

stylus

2alle ye ben heuy coumfortouris.

stylus

3Whether wordis ful of wynd schulen haue an ende? ether ony thing is diseseful to thee, if thou spekist?

stylus

4Also Y myyte speke thingis lijk to you, and `Y wolde, that youre soule were for my soule;

stylus

5and Y wolde coumfort you by wordis, and Y wolde moue myn heed on you;

stylus

6Y wolde make you stronge bi my mouth, and Y wolde moue lippis as sparynge you.

stylus

7But what schal Y do? If Y speke, my sorewe restith not; and if Y am stille, it goith not awei fro me.

stylus

8But now my sorewe hath oppressid me, and alle my lymes ben dryuun in to nouyt.

stylus

9My ryuelyngis seien witnessyng ayens me, and a fals spekere is reisid ayens my face, and ayenseith me.

stylus

10He gaderide togidere his woodnesse in me, and he manaasside me, and gnastide ayens me with his teeth; myn enemye bihelde me with ferdful iyen.

stylus

11Thei openyden her mouthis on me, and thei seiden schenschip, and smytiden my cheke; and thei ben fillid with my peynes.

stylus

12God hath closid me togidere at the wickid, and hath youe me to the hondis of wickid men.

stylus

13Y thilke riche man and famouse sum tyme, am al to brokun sudeynli; `he helde my nol; he hath broke me, and hath set me as in to a signe.

stylus

14He hath cumpasside me with hise speris, he woundide togidere my leendis; he sparide not, and schedde out myn entrails in to the erthe.

stylus

15He beet me with wounde on wounde; he as a giaunt felde in on me.

stylus

16Y sewide togidere a sak on my skyn; and Y hilide my fleisch with aische.

stylus

17My face bolnyde of wepynge, and myn iyeliddis wexiden derke.

stylus

18Y suffride these thingis with out wickidnesse of myn hond, `that is, werk, whanne Y hadde cleene preieris to God.

stylus

19Erthe, hile thou not my blood, and my cry fynde not in thee a place of hidyng.

stylus

20`For, lo! my witnesse is in heuene; and the knowere of my consience is in hiye places.

stylus

21A! my frendis, ful of wordis, myn iye droppith to God.

stylus

22And `Y wolde, that a man were demed so with God, as the sone of man is demed with his felowe.

stylus

23`For lo! schorte yeeris passen, and Y go a path, bi which Y schal not turne ayen.

stylus