1Therfor Dauid, whanne the puple `was biholdun, ordeynede tribunes and centuriouns on hem.

stylus

1 Samuel 8:12, Joshua 8:10, Exodus 17:9, 1 Samuel 8:12, Joshua 8:10

2And he yaf the thridde part of the puple vndur the hond of Joab; and the thridde part vndur the hond of Abisai, sone of Saruye, brother of Joab; and the thridde part vndur the hond of Ethai, that was of Geth. And the kyng seide to the puple, Also Y schal go out with you.

stylus

Judges 7:16, Judges 7:16, 2 Samuel 15:19, 2 Samuel 15:22, 2 Samuel 15:19

3And the puple answeride, Thou schalt not go out; for whether we fleen, it schal not perteyne to hem bi greet werk of vs; whether half the part fallith doun of vs, thei schulen not recke ynow, for thou art rekynyd for ten thousynde; therfor it is betere, that thou be to vs in the citee in stronge hold.

stylus

2 Samuel 21:17, 2 Samuel 21:17, 2 Samuel 10:11, Zechariah 13:7, Lamentations 4:20

4`To whiche the kyng seide, Y schal do this, that semeth riytful to you. Therfor the kyng stood bisidis the yate, and the puple yede out bi her cumpenyes, bi hundridis and bi thousyndis.

stylus

2 Samuel 18:24, 2 Samuel 18:24, 2 Samuel 18:1, 1 Samuel 29:2, Isaiah 28:6

5And the king comaundide to Joab, and to Abisai, and Ethai, and seyde, Kepe ye to me the child Absolon. And al the puple herde the kyng comaundinge to alle the princes for Absolon.

stylus

Deuteronomy 21:18, Deuteronomy 21:21, Deuteronomy 21:18, Deuteronomy 21:21, 2 Samuel 17:14

6Therfor the puple yede out in to the feeld ayens Israel; and the batel was maad in the forest of Effraym.

stylus

Joshua 17:18, Joshua 17:18, Joshua 17:15, Joshua 17:15, Judges 12:4

7And the puple of Israel was slayn there of the oost of Dauid, and a greet sleyng of twenti thousynde was maad in that dai.

stylus

Proverbs 24:21, Proverbs 24:21, Proverbs 11:21, 2 Chronicles 13:16, 2 Chronicles 13:17

8Forsothe the batel was scaterid there on the face of al erthe, and many mo weren of the puple whiche the forest wastide, than thei whiche the swerd deuourid in that dai.

stylus

Exodus 15:10, Exodus 15:10, Psalms 3:7, Judges 5:20, Judges 5:21

9Sotheli it bifeld, that Absalon sittinge on a mule, cam ayens the seruauntis of Dauid; and whanne the mule hadde entrid vndur a thicke ook, and greet, the heed of Absolon cleuyde to the ook; and whanne he was hangid bitwixe heuene and erthe, the mule, on which he sat, passide.

stylus

2 Samuel 14:26, 2 Samuel 14:26, Proverbs 30:17, Job 31:3, Proverbs 30:17

10Sotheli `sum man siy this, and telde to Joab, and seide, Y siy Absolon hange on an ook.

stylus

11And Joab seide to the man that `hadde telde to hym, If thou siyest, whi persidist thou not hym to the erthe, and Y schulde haue youe `to thee ten siclis of siluer, and a girdil?

stylus

12And he seide to Joab, Thouy thou paiedist in myn hondis a thousynde platis of siluer, Y nolde sende myn hond in to the sone of the king; for the while we herden, the kyng comaundide to thee, and to Abisai, and to Ethai, and seide, Kepe ye to me the child Absolon.

stylus

2 Samuel 18:5, 2 Samuel 18:5

13But and if Y hadde do ayens my lijf hardili, this myyte not be hid fro the kyng, and thou woldist stonde on the contrarye side.

stylus

2 Samuel 14:19, 2 Samuel 14:20, 2 Samuel 14:19, 2 Samuel 14:20, Hebrews 4:13

14And Joab seide, Not as thou wolt, `Absolon schal be kept, but Y schal asaile hym bifor thee. Therfore Joab took thre speris in his hond, and fitchide tho in the herte of Absolon. And whanne he spraulide, yit cleuynge in the ook,

stylus

Matthew 12:40, 2 Samuel 18:5, Judges 5:31, 2 Samuel 14:30, Psalms 45:5

15ten yonge squieris of Joab runnen, and smytiden, and killiden hym.

stylus

16Sotheli Joab sownede with a clarioun, and withhelde the puple, lest it pursuede Israel fleynge, and he wolde spare the multitude.

stylus

2 Samuel 20:22, 2 Samuel 2:28, 2 Samuel 20:22, 2 Samuel 2:28, 1 Corinthians 14:8

17And thei token Absolon, and castiden forth him in to a greet dich in the forest, and baren togidere a ful greet heep of stoonys on hym; forsothe al Israel fledde in to his tabernaclis.

stylus

Joshua 8:29, Joshua 7:26, Joshua 8:29, Joshua 7:26, 2 Samuel 19:8

18Forsothe Absolon, while he lyuyde yit, hadde reisid to hym a memorial, which is in the valey of the kyng; for he seide, Y haue no sone, and this schal be the mynde of my name; and he clepide `the memorial bi his name, and it is clepid the Hond, `that is, werk, of Absolon `til to this dai.

stylus

Genesis 14:17, 2 Samuel 14:27, Daniel 4:30, 1 Samuel 15:12, Genesis 14:17

19Forsothe Achymaas, sone of Sadoch, seide, Y schal renne, and Y schal telle to the kyng, that the Lord hath maad doom to hym of the hond of hise enemyes.

stylus

2 Samuel 15:36, 2 Samuel 15:36, 2 Samuel 18:31, 2 Samuel 18:31, Psalms 9:16

20To whom Joab seide, Thou schalt not be messanger in this dai, but thou schalt telle in another dai; I nyle that thou telle to dai, for the sone of the kyng is deed.

stylus

2 Samuel 17:16, 2 Samuel 17:21, 2 Samuel 18:33, 2 Samuel 18:29, 2 Samuel 18:5

21And Joab seide to Chusi, Go thou, and telle to the kyng tho thingis that thou hast seyn. Chusi worschypide Joab, and ran.

stylus

22Eft Achymaas, sone of Sadoch, seide to Joab, What lettith, if also Y renne aftir Chusi? And Joab seide to hym, What wolt thou renne, my sone? Come thou hidur, thou schalt not be a berere of good message.

stylus

Romans 1:28, Ephesians 5:4, Romans 1:28, Ephesians 5:4

23Which answeride, `What sotheli if Y schal renne? And Joab seide to hym, Renn thou. Therfor Achymaas ran bi the weie of schortnesse, `and sped, and passide Chusi.

stylus

John 20:4, John 20:4

24Forsothe Dauid sat bitwixe twei yatis; sotheli the spiere, that was in the hiynesse of the yate on the wal, reiside the iyen, and siy a man aloone rennynge;

stylus

2 Samuel 19:8, 2 Samuel 19:8, 2 Samuel 18:4, 2 Samuel 13:34, 1 Samuel 4:13

25and the spiere criede, and schewide to the kyng. And the kyng seide to hym, If he is aloone, good message is in his mouth.

stylus

26Sotheli while he hastide, and neiyede neer, the spiere siy another man rennynge; and the spiere criede `in the hiynesse, and seide, Another man rennynge aloone apperith to me. And the kyng seide to hym, And this man is a good messanger.

stylus

27Sotheli the spiere seide, Y biholde the rennyng of the formere, as the rennyng of Achymaas, sone of Sadoch. And the kyng seide, He is a good man, and he cometh bryngynge a good message.

stylus

2 Kings 9:20, 2 Kings 9:20, 1 Kings 1:42, 1 Kings 1:42, Romans 10:15

28Forsothe Achymaas criede, and seide to the kyng, Heil kyng! And he worschipide the kyng lowli bifor hym to erthe, and seide, Blessid be thi Lord God, that closide togidere the men, that reisyden her hondis ayens my lord the kyng.

stylus

2 Samuel 14:4, Genesis 14:20, 2 Samuel 14:4, Genesis 14:20, 2 Chronicles 20:26

29And the kyng seide, Whether pees is to the child Absolon? And Achymaas seide, Y siy, `that is, Y herde, a great noise, whanne Joab, thi seruaunt, thou kyng, sente me thi seruaunt; Y kan noon othir thing.

stylus

2 Samuel 18:22, 2 Samuel 18:22, 2 Samuel 18:19, 2 Samuel 18:20, 2 Samuel 20:9

30To whom the kyng seide, Passe thou, and stonde here. And whanne he hadde passid, and stood, Chusi apperide;

stylus

31and he cam and seide, My lord the kyng, Y brynge good message; for the Lord hath demed to dai for thee of the hond of alle men that risiden ayens thee.

stylus

2 Samuel 18:19, 2 Samuel 18:19, Luke 18:7, Luke 18:8, 2 Samuel 18:28

32Forsothe the kyng seide to Chusi, Whether pees is to the child Absolon? To whom Chusi answeride, and seide, The enemyes of my lord the kyng, and alle men that risiden ayens hym in to yuel, be maad as the child.

stylus

Judges 5:31, Judges 5:31, 1 Samuel 25:26, 1 Samuel 25:26, Psalms 68:1

33Therfor the kyng was sory, and stiede in to the soler of the yate, and wepte, and spak thus goynge, My sone, Absolon! Absolon, my sone! who yyueth to me, that Y die for thee? Absolon, my sone! my sone, Absolon!

stylus

2 Samuel 19:4, 2 Samuel 19:4, Psalms 103:13, 2 Samuel 12:10, 2 Samuel 12:23