1And whanne Dauid hadde passid a litil the cop of the hil, Siba, the child of Mysphobosech, apperide in to his comyng, with tweyne assis, that weren chargid with twei hundrid looues, and with an hundrid bundels of dried grapis, and with an hundrid gobetis of pressid figus, and with twei vessels of wyn.

stylus

1 Samuel 25:18, 1 Samuel 25:18, 2 Samuel 15:32, 2 Samuel 15:32, 1 Samuel 16:20

2And the kyng seide to Siba, What wolen these thingis to hem silf? And Siba answeride, My lord the kyng, the assis ben to the meyneals of the kyng, that thei sitte; the looues and `figis pressid ben to thi children to ete; forsothe the wyn is, that if ony man faile in deseert, he drynke.

stylus

2 Samuel 17:29, 2 Samuel 17:29, Judges 10:4, Judges 10:4, Judges 5:10

3And the kyng seide, Where is the sone of thi lord? And Siba answeride to the kyng, He dwellide in Jerusalem, `and seide, To dai the Lord of the hows of Israel schal restore to me the rewme of my fadir.

stylus

2 Samuel 9:9, 2 Samuel 9:10, 2 Samuel 9:9, 2 Samuel 9:10, Proverbs 1:19

4And the kyng seide to Siba, Alle thingis that weren of Mysphibosech ben thine. And Siba seide, Y preye, fynde Y grace bifor thee, my lord the kyng.

stylus

Proverbs 18:13, Proverbs 18:17, Proverbs 18:13, Proverbs 18:17, Proverbs 19:2

5Therfor kyng Dauid cam `til to Bahurym, and lo! a man of the meynee of the hows of Saul, Semey bi name, sone of Gera, yede out fro thennus; he yede forth goynge out, and curside.

stylus

2 Samuel 3:16, 2 Samuel 3:16, 1 Samuel 17:43, 1 Kings 2:8, 1 Kings 2:9

6And he sente stoonys ayens Dauid, and ayens alle seruauntis of kyng Dauid; forsothe al the puple, and alle fiyteris yeden at the riytside and at the left side of the king.

stylus

7Sotheli Semey spak so, whanne he curside the kyng, Go out, go out, thou man of bloodis, and man of Belial!

stylus

2 Samuel 3:37, 1 Samuel 2:12, Psalms 51:14, 1 Kings 21:10, 1 Kings 21:13

8The Lord hath yolde to thee al the blood of the hows of Saul, for thou rauyschedist the rewme fro hym; and the Lord yaf the rewme in to the hond of Absolon, thi sone; and lo! thin yuels oppressen thee, for thou art a man of blodis.

stylus

2 Samuel 1:16, 2 Samuel 1:16, 1 Kings 2:32, 1 Kings 2:33, Judges 9:56

9Forsothe Abisay, the sone of Saruye, seide to the kyng, Whi cursith this dogge, that schal die, my lord the kyng? Y schal go, and Y schal girde of his heed.

stylus

Exodus 22:28, Exodus 22:28, 2 Samuel 9:8, 2 Samuel 9:8, 2 Samuel 3:8

10And the kyng seide, Ye sones of Saruye, what is to me and to you? Suffre ye hym, that he curse; for the Lord comaundide to hym, that he schulde curse Dauid; and who is he that dare seie, Whi dide he so?

stylus

2 Samuel 19:22, 2 Samuel 19:22, Romans 9:20, Romans 9:20, John 18:11

11And the kyng seide to Abysay, and to alle hise seruauntis, Lo! my sone, that yede out of my wombe, sekith my lijf; hou myche more now this sone of Gemyny? Suffre ye hym, that he curse bi comaundement of the Lord;

stylus

Isaiah 10:5, Isaiah 10:7, Genesis 15:4, Matthew 10:21, Genesis 45:5

12if in hap the Lord biholde my turmentyng, and yelde good to me for this `cursyng of this dai.

stylus

Deuteronomy 23:5, Hebrews 12:10, Deuteronomy 23:5, Hebrews 12:10, Exodus 2:24

13Therfor Dauid yede, and hise felowis, bi the weie with hym; forsothe Semey yede bi the slade of the hil `bi the side ayens hym; and curside, and sente stoonus ayens him, and spreynte erthe.

stylus

Acts 23:23, Acts 23:23, 2 Samuel 16:5, 2 Samuel 16:6, 2 Samuel 16:5

14And so `Dauid the king cam, and al the puple weery with hym, and thei weren refreischid there.

stylus

15Forsothe Absolon, and al the puple of Israel entriden in to Jerusalem, but also Achitofel with hym.

stylus

2 Samuel 15:37, 2 Samuel 15:37, 2 Samuel 15:12, 2 Samuel 15:12

16Sotheli whanne Chusi of Arath, the frend of Dauid, hadde come to Absolon, he spak to Absolon, Heil, kyng! heil, kyng!

stylus

1 Samuel 10:24, 2 Kings 11:12, 1 Samuel 10:24, 2 Kings 11:12, 1 Kings 1:25

17To whom Absolon seide, This is thi grace to thi freend; whi yedist thou not with thi freend?

stylus

2 Samuel 19:25, 2 Samuel 19:25, Proverbs 17:17, 2 Samuel 15:32, 2 Samuel 15:37

18And Chusi answeride to Absolon, Nay, for Y shal be seruaunt of hym, whom the Lord hath chose, and al this puple, and al Israel; and Y schal dwelle with him.

stylus

1 Samuel 16:13, 1 Samuel 16:13, 2 Samuel 5:1, 2 Samuel 5:3, 2 Samuel 5:1

19But that Y seie also this, to whom schal Y serue? whethir not to the sone of the kyng? as Y obeiede to thi fadir, so Y schal obeie to thee.

stylus

2 Samuel 15:34, 2 Samuel 15:34, Psalms 55:21, Psalms 55:21, Galatians 2:13

20Forsothe Absolon seide to Achitofel, Take ye counsel, what we owen to do.

stylus

Proverbs 21:30, Acts 4:23, Acts 4:28, Exodus 1:10, Isaiah 29:15

21And Achytofel seide to Absolon, Entre thou to the concubyns of thi fadir, whiche he lefte to kepe the hows; that whanne al Israel herith, that thou hast defoulid thi fadir, the hondis of hem be strengthid with thee.

stylus

2 Samuel 20:3, 2 Samuel 20:3, 2 Samuel 15:16, 2 Samuel 15:16, Leviticus 18:8

22Therfor thei tildeden Absolon a tabernacle in the soler, and he entride to the concubyns of his fadir bifor al Israel.

stylus

2 Samuel 12:11, 2 Samuel 12:12, 2 Samuel 15:16, 2 Samuel 12:11, 2 Samuel 12:12

23Sotheli the counsel of Achitofel, which he yaf in tho daies, was as if a man counselide God; so was al the counsel of Achitofel, bothe whanne he was with Dauid, and whanne he was with Absolon.

stylus

2 Samuel 15:12, 2 Samuel 15:12, 2 Samuel 17:14, 2 Samuel 17:23, 2 Samuel 17:14