1Manasses was of twelue yeer, whanne he bigan to regne, and he regnyde fyue and fifti yeer in Jerusalem; the name of his modir was Asiba.

stylus

Isaiah 62:4, Isaiah 62:4, 2 Chronicles 32:33, 2 Chronicles 33:9, 1 Chronicles 3:13

2And he dide yuel in the siyt of the Lord, bi the idols of hethene men, whiche hethene men the Lord dide awei fro the face of the sones of Israel.

stylus

Ezekiel 16:51, 2 Kings 21:7, Jeremiah 15:4, 2 Chronicles 33:2, 2 Chronicles 33:4

3And he was turned, and bildide hiye thingis, whiche Ezechie, his fadir, distriede; and he reiside auteris of Baal, and he made woodis, as Achab kyng of Israel hadde do; and he worschipide `with out forth al the knyythod of heuene, and worschipide it in herte.

stylus

2 Kings 17:16, 2 Kings 18:4, 2 Kings 17:16, 2 Kings 18:4, Deuteronomy 17:3

4And he bildide auteris in the hows of the Lord, of which the Lord seide, Y schal sette my name in Jerusalem.

stylus

2 Samuel 7:13, 1 Kings 8:29, 2 Samuel 7:13, 1 Kings 8:29, Jeremiah 32:34

5And he bildide auteris to al the knyythod of heuene in the twei large places of the temple of the Lord;

stylus

1 Kings 7:12, 1 Kings 7:12, 1 Kings 6:36, 2 Kings 23:12, 2 Kings 23:4

6and he `ledde ouer his sone thorouy the fier; and he vside false dyuynyngis in auteris, on whiche sacrifice was maad to feendis, and he kepte false dyuynyngis bi chiteryng of bryddis; and he made men to haue yuele spiritis spekynge in the wombe, and he multipliede false dyuynours in entraylis of beestis sacrified to feendis, that he schulde do yuel bifor the Lord, and terre hym to ire.

stylus

2 Kings 17:17, 2 Kings 17:17, Leviticus 18:21, Leviticus 19:31, Leviticus 18:21

7And he settide an ydol of wode, which he hadde maad, in the temple of the Lord, `of which temple the Lord spak to Dauid, and to Salomon, his sone, Y schal sette my name withouten ende in this temple, and in Jerusalem which Y chees of alle the lynagis of Israel.

stylus

2 Chronicles 7:16, 2 Chronicles 7:16, 1 Kings 8:29, 1 Kings 9:3, 2 Samuel 7:13

8And Y schal nomore make the foot of Israel to be moued fro the lond which Y yaf to the fadris of hem; so netheles if thei kepen in werk alle thingis whiche Y comaundide to hem, and al the lawe whiche Moises, my seruaunt, comaundide to hem.

stylus

2 Samuel 7:10, 2 Samuel 7:10, 2 Kings 18:11, 2 Kings 18:12, 2 Chronicles 33:8

9Sotheli thei herden not, but weren disseyued of Manasses, that thei diden yuel ouer hethene men, whiche the Lord al to-brak fro the face of the sones of Israel.

stylus

Proverbs 29:12, Proverbs 29:12, Nehemiah 9:29, Nehemiah 9:30, Luke 13:34

10And the Lord spak in the hond of his seruauntis prophetis, and seide,

stylus

2 Chronicles 33:10, Nehemiah 9:26, 2 Chronicles 36:15, Matthew 23:34, Matthew 23:37

11For Manasses, kyng of Juda, dide these worste abhomynaciouns ouer alle thingis which Ammorreis diden bifor hym, and maden also the puple of Juda to do synne in hise vnclennessis;

stylus

2 Kings 24:3, 2 Kings 24:4, 1 Kings 21:26, 2 Kings 24:3, 2 Kings 24:4

12therfor the Lord God of Israel seith these thingis, Lo! Y schal brynge in yuelis on Jerusalem and Juda, that who euer herith, bothe hise eeris tyngle;

stylus

Jeremiah 19:3, Jeremiah 19:3, 1 Samuel 3:11, 1 Samuel 3:11, Amos 3:2

13and Y schal holde forth on Jerusalem the corde of Samarie, and the birthun of the hows of Achab, and Y schal do awei Jerusalem, as tablis ben wont to be doon awei; and Y schal do awey and turne it, and Y schal lede ful ofte the poyntel on the face therof.

stylus

Amos 7:7, Amos 7:8, Amos 7:7, Amos 7:8, Lamentations 2:8

14Forsothe Y schal leeue relikis of myn eritage, and Y schal bitake hem in to the hond of enemyes therof; and thei schulen be in distriynge, and in raueyn to alle her aduersaries;

stylus

Jeremiah 23:33, Jeremiah 23:33, 2 Kings 19:4, Psalms 89:38, Psalms 89:45

15for thei diden yuel bifor me, and thei continueden terrynge me to ire, fro the dai in which her fadris yeden out of the lond of Egipt `til to this day.

stylus

Ezekiel 20:13, Ezekiel 23:3, Ezekiel 16:15, Ezekiel 16:22, Deuteronomy 9:21

16Ferthermore also Manasses schedde ful myche ynnocent blood, til he fillide Jerusalem `til to the mouth, with outen hise synnes bi whiche he made Juda to do synne, to do yuel bifor the Lord.

stylus

2 Chronicles 33:9, Numbers 35:33, 2 Kings 21:11, 2 Chronicles 33:9, Numbers 35:33

17Forsothe the residue of the wordis of Manasses, and alle thingis whiche he dide, and his synne whiche he synnede, whether these ben not writun in the book of wordis of daies of the kyngis of Juda?

stylus

2 Kings 20:20, 2 Kings 20:21, 2 Chronicles 33:1, 2 Chronicles 33:20, 2 Kings 20:20

18And Manasses slepte with hise fadris, and was biried in the gardyn of his hows, in the gardyn of Azam; and Amon, his sone, regnyde for hym.

stylus

2 Chronicles 33:20, 2 Chronicles 33:20, 2 Kings 21:26, 2 Kings 21:26, 2 Chronicles 24:25

19He was of two and twenti yeer, whanne he bigan to regne; and he regnede twei yeer in Jerusalem; the name of his modir was Mesalamech, the douyter of Arus of Gethela.

stylus

2 Chronicles 33:21, 2 Chronicles 33:23, 2 Chronicles 33:21, 2 Chronicles 33:23, 2 Kings 15:23

20And he dide yuel in the siyt of the Lord, as Manasses, his fader, hadde do.

stylus

2 Kings 21:2, 2 Kings 21:7, Matthew 23:32, 2 Kings 21:11, 2 Chronicles 33:22

21And he yede in al the weie, bi which his fader hadde go, and he seruide to vnclennessis, to whiche his fadir hadde seruyd, and he worschipide tho; and he forsook the Lord God of hise fadris,

stylus

22and he yede not in the weye of the Lord.

stylus

1 Kings 11:33, 2 Kings 22:17, 1 Kings 11:33, 2 Kings 22:17, 1 Chronicles 28:9

23And hise seruauntis settiden tresouns to hym, and killiden the kyng in hise hows.

stylus

2 Kings 12:20, 2 Kings 12:20, 2 Chronicles 33:24, 2 Chronicles 33:25, 2 Kings 14:19

24Sothely the puple of the Lord smoot alle men, that hadden conspirid ayens kyng Amon, and thei ordeyneden to hem a kyng, Josias, `his sone, for hym.

stylus

2 Kings 14:5, 2 Kings 14:5, 2 Chronicles 22:1, 2 Samuel 5:3, 2 Kings 14:21

25Forsothe the residue of wordis of Amon, whiche he dide, whether these ben not writun in the book of wordis of daies of the kyngis of Juda?

stylus

2 Kings 21:17, 2 Kings 20:20, 2 Kings 21:17, 2 Kings 20:20

26And he slepte with hise fadris, and thei birieden hym in his sepulcre in the gardyn of Azam; and Josias, his sone, regnede for him.

stylus

2 Kings 21:18, 2 Kings 21:18, Matthew 1:10, Matthew 1:10, 1 Kings 13:5