1In tho daies Ezechie was sijk `til to the deeth; and Isaie, the prophete, sone of Amos, cam to hym, and seide to hym, The Lord God seith these thingis, Comaunde to thin hows, for thou schalt die, and thou schalt not lyue.

stylus

Isaiah 38:1, Isaiah 38:22, Isaiah 38:1, Isaiah 38:22, Philippians 2:27

2Which Ezechie turnyde his face to the wal, and worschipide the Lord,

stylus

Psalms 50:15, Psalms 50:15, Isaiah 38:2, Isaiah 38:3, 1 Kings 8:30

3and seide, Y biseche, Lord, haue mynde, hou Y yede bifor thee in treuthe, and in a parfit herte, and Y dide that, that was plesaunt bifor thee. Therfor Ezechie wepte bi greet wepyng.

stylus

Nehemiah 13:14, Nehemiah 13:22, Nehemiah 13:14, Nehemiah 13:22, Nehemiah 5:19

4And bifor that Ysaie yede out half the part of the court, the word of the Lord was maad to Isaie, and seide,

stylus

2 Kings 22:14, 1 Kings 7:8, 2 Kings 22:14, 1 Kings 7:8

5Turne thou ayen, and seie to Ezechie, duyk of my puple, The Lord God of Dauid, thi fadir, seith thes thingis, Y herde thi preiere, and Y siy thi teer, and, lo! Y heelide thee. In the thridde dai thou schalt stie in to the temple of the Lord,

stylus

Psalms 66:19, Psalms 66:20, Psalms 66:19, Psalms 66:20, 1 Samuel 9:16

6and Y schal adde fiftene yeer to thi daies; but also Y schal delyuere thee and this citee fro the hond of the kyng of Assiriens, and Y schal defende this citee for me, and for Dauid, my seruaunt.

stylus

2 Kings 19:34, 2 Kings 19:34, Isaiah 10:24, Psalms 116:15, Acts 27:24

7And Ysaie seide, Brynge ye to me a gobet of figis. And whanne thei hadden brouyte it, and hadde putte on `his botche, he was heelid.

stylus

Isaiah 38:21, Isaiah 38:21, 2 Kings 4:41, 2 Kings 2:20, 2 Kings 2:22

8Forsothe Ezechie seide to Isaie, What schal be the signe, that the Lord schal heele me, and that in the thridde dai Y schal stie in to the temple of the Lord?

stylus

Isaiah 7:11, Judges 6:17, Isaiah 7:11, Judges 6:17, 2 Kings 20:5

9To whom Ysaie seide, This schal be `a signe of the Lord, that the Lord schal do the word which he spak; wolt thou, that the schadewe stie by ten lynes, ethir turne ayen bi so many degrees?

stylus

Isaiah 38:7, Isaiah 38:8, Isaiah 38:7, Isaiah 38:8, Matthew 16:1

10And Ezechie seide, It is esy that the schadewe encreesse bi ten lynes, nethir Y wole that this be doon, but that it turne ayen bacward bi ten degrees.

stylus

2 Kings 3:18, 2 Kings 2:10, John 14:12, Isaiah 49:6, Mark 9:28

11Therfor Ysaie, the prophete, clepide inwardli the Lord, and brouyte ayen bacward bi ten degrees the schadewe bi lynes, bi whiche it hadde go doun thanne in the orologie of Achaz.

stylus

Isaiah 38:8, Isaiah 38:8, 2 Chronicles 32:24, Joshua 10:12, Joshua 10:14

12In that tyme Beradacbaladan, sone of Baladam, the kyng of Babiloyne, sente lettris and yiftis to Ezechie; for he hadde herd that Ezechie was sijk, and hadde couerid.

stylus

2 Chronicles 32:31, Isaiah 39:1, Isaiah 39:8, 2 Chronicles 32:31, Isaiah 39:1

13Forsothe Ezechie was glad in the comyng of hem, and he schewide to hem the hows of spyceries, and gold, and siluer, and dyuerse pymentis, also oynementis, and the hows of hise vessels, and alle thingis whiche he myyte haue in hise tresouris; `no word was, `which Ezechie schewide not to hem in his hows, and in al his power.

stylus

Proverbs 23:5, Isaiah 39:2, 2 Chronicles 32:25, 2 Chronicles 32:27, 1 Kings 10:2

14Sotheli Ysaie, the prophete, cam to the kyng Ezechie, and seide to hym, What seiden these men, ether fro whennus camen thei to the? To whom Ezechie seide, Thei camen to me fro a fer lond, fro Babiloyne.

stylus

Deuteronomy 28:49, 2 Chronicles 25:7, 2 Chronicles 25:9, 2 Chronicles 25:15, 2 Chronicles 25:16

15And he answeride, What `sien thei in thin hows? Ezechie seide, Thei sien alle thingis, what euer thingis ben in myn hows; no thing is in my tresouris, which Y schewide not to hem.

stylus

Job 31:33, 2 Kings 20:13, Proverbs 28:13, Joshua 7:19, 1 John 1:8

16Therfor Isaie seide to Ezechie, Here thou the word of the Lord.

stylus

1 Kings 22:19, Isaiah 1:10, 2 Kings 7:1, Amos 7:16, 1 Kings 22:19

17Lo! dayes comen, and alle thingis that ben in thin hows, and `whiche thingis thi fadris maden til in to this dai, schulen be takun awey into Babiloyne; `not ony thing schal dwelle, seith the Lord.

stylus

2 Kings 24:13, 2 Kings 24:13, 2 Chronicles 36:10, 2 Chronicles 36:10, Jeremiah 52:17

18But also of thi sones, that schulen go out of thee, whiche thou schalt gendere, schulen be takun, and thei schulen be geldyngis in the paleis of the king of Babiloyne.

stylus

2 Chronicles 33:11, 2 Chronicles 33:11, 2 Kings 24:12, 2 Kings 24:12, Daniel 1:3

19Ezechie seide to Isaie, The word of the Lord, `which he spak, is good; ooneli pees and treuthe be in my daies.

stylus

1 Samuel 3:18, 1 Samuel 3:18, Luke 2:10, Lamentations 3:39, Job 1:21

20Forsothe the residue of wordis of Ezechie, and al his strengthe, and hou he made a cisterne, and a watir cundijt, and brouyte watris, `in to the citee, whether these ben not writun in the book of wordis of daies of the kyngis of Juda?

stylus

Nehemiah 3:16, 2 Chronicles 32:32, Nehemiah 3:16, 2 Chronicles 32:32, 2 Chronicles 32:4

21And Ezechie slepte with hise fadris, and Manasses, his sone, regnyde for hym.

stylus

2 Chronicles 32:33, 2 Chronicles 32:33, 2 Chronicles 26:23, 2 Kings 21:1, 1 Kings 2:10