1And whanne Dauid and hise men hadden come `in to Sichelech in the thridde dai, men of Amalech hadden maad asauyt on the south part in Sichelech; and thei smytiden Sichelech, and brenten it bi fier.

stylus

1 Samuel 15:7, 1 Samuel 29:11, 1 Samuel 15:7, 1 Samuel 29:11, Joshua 11:6

2And thei ledden the wymmen prisoneris fro thennus, fro the leeste `til to the grete; and thei hadden not slayn ony, but thei ledden with hem, and yeden in her weie.

stylus

1 Samuel 27:11, 1 Samuel 27:11, Psalms 76:10, 1 Samuel 30:19, Isaiah 27:8

3Therfor whanne Dauid and hise men hadde come to the citee, and hadden founde it brent bi fier, and that her wyues, and her sones, and douytris weren led prisoneris,

stylus

Psalms 34:19, Psalms 34:19, 1 Peter 1:6, 1 Peter 1:7, Hebrews 12:6

4Dauid and the puple that was with hym reisiden her voices, and weiliden, til teeris failiden in hem.

stylus

1 Samuel 11:4, 1 Samuel 11:4, Genesis 37:33, Genesis 37:35, Judges 2:4

5Forsothe also twei wyues of Dauid weren led prisoneris, Achynoem of Jezrael, and Abigail, the wijf of Nabal of Carmele.

stylus

1 Samuel 25:42, 1 Samuel 25:43, 2 Samuel 2:2, 1 Samuel 25:42, 1 Samuel 25:43

6And Dauid was ful sori; forsothe al the puple wold stone hym, for the soule of ech man was bittir on her sones and douytris. Forsothe Dauid was coumfortid in his Lord God.

stylus

Psalms 56:3, Psalms 56:4, Psalms 56:3, Psalms 56:4, Psalms 56:11

7And he seide to Abiathar, preest, the sone of Achymelech, Bringe thou ephoth to me. And Abiathar brouyte ephoth to Dauid; and Dauid councelide the Lord,

stylus

1 Kings 2:26, 1 Samuel 22:20, 1 Samuel 22:21, 1 Kings 2:26, 1 Samuel 22:20

8and seide, Schal Y pursue, ether nay, `these theues? and schal Y take hem? And the Lord seide to hym, Pursue thou; for with out doute thou schalt take hem, and thou schalt take awey the prey.

stylus

1 Samuel 30:18, 1 Samuel 30:18, Proverbs 3:5, Proverbs 3:6, 1 Samuel 23:2

9Therfor Dauid yede, he and sixe hundrid men that weren with hym, and thei camen `til to the stronde of Besor; and sotheli the wery men abididen.

stylus

1 Samuel 27:2, 1 Samuel 27:2

10Forsothe Dauid pursuede, he and foure hundrid men; for twei hundrid abididen, that weren weeri, and myyten not passe the stronde of Besor.

stylus

1 Samuel 30:9, 1 Samuel 30:21, 1 Samuel 30:9, 1 Samuel 30:21, Judges 8:4

11And thei founden a man of Egipte in the feeld, and thei brouyten hym to Dauid; and thei yauen `breed to hym, that he schulde ete, and `schulde drynke watir;

stylus

Deuteronomy 23:7, Deuteronomy 23:7, Deuteronomy 15:7, Deuteronomy 15:11, Matthew 25:35

12but also thei yauen to hym a gobet of a bundel of drye figis, and twei byndyngis of dried grapis. And whanne he hadde ete tho, his spirit turnede ayen, and he was coumfortid; for he hadde not ete breed, nether hadde drunk watir in thre daies and thre nyytis.

stylus

Judges 15:19, Judges 15:19, 1 Samuel 14:27, 1 Samuel 14:27, Isaiah 40:29

13Therfor Dauid seide to hym, Whos man art thou, ethir fro whennus and whidur goist thou? And he seide, Y am a child of Egipt, the seruaunt of a man of Amalech; forsothe my lord forsook me, for Y bigan to be sijk the thridde dai ago.

stylus

James 2:13, Proverbs 12:10, James 2:13, Proverbs 12:10, Job 31:13

14Sotheli we braken out to the south coost of Cerethi, and ayens Juda, and to the south of Caleb, and we brenten Sichelech bi fier.

stylus

1 Kings 1:44, Ezekiel 25:16, 2 Samuel 8:18, 1 Kings 1:38, Zephaniah 2:5

15And Dauid seide to hym, Maist thou lede me to this cumpeny? Which seide, Swere thou to me bi God, that thou schalt not sle me, and schalt not bitake me in to the hondis of my lord; and Y schal lede thee to this cumpeny. And Dauid swoor to hym.

stylus

Ezekiel 17:19, Ezekiel 17:16, Deuteronomy 23:15, Deuteronomy 23:16, Joshua 9:19

16And whanne the child hadde ledde hym, lo! thei saten at the mete, on the face of al the erthe, etynge and drynkynge, and as halewynge a feeste, for al the prey and spuylis whiche thei hadden take of the lond of Filisteis, and of the lond of Juda.

stylus

Revelation 11:10, Revelation 11:13, Revelation 11:10, Revelation 11:13, Luke 12:19

17And Dauid smoot hem fro euentid `til to euentid of the tothir dai, and not ony of hem escapide, no but foure hundrid yonge men, that stieden on camels, and fledden.

stylus

1 Samuel 11:11, 1 Samuel 11:11, Psalms 18:42, Psalms 18:42, 1 Kings 20:29

18Forsothe Dauid delyuerede alle thingis whiche the men of Amalech token, and he delyuerede hise twei wyues;

stylus

Genesis 14:16, Genesis 14:16

19nether ony of hem failide fro litil `til to greet, as wel of sones as of douytris, and of spuylis; and what euer thingis thei hadden rauyschid, Dauid ledde ayen alle thingis;

stylus

Psalms 91:9, Psalms 91:10, 1 Samuel 30:8, Psalms 91:9, Psalms 91:10

20and he took alle flockis and grete beestis, and droof bifor his face. And thei seiden, This is the prey of Dauid.

stylus

1 Samuel 30:26, 1 Samuel 30:26, Romans 8:37, Numbers 31:9, Numbers 31:12

21Forsothe Dauid cam to twei hundrid men, that weren weeri, and abididen, and myyten not sue Dauid; and he hadde comaundid hem to sitte in the stronde of Besor; whiche yeden out ayens Dauid, and the puple that was with hym. Forsothe Dauid neiyede to the puple, and grette it pesibli.

stylus

Hebrews 13:1, 1 Samuel 30:10, Judges 8:15, Hebrews 13:1, 1 Samuel 30:10

22And o man, the werste and vniust of the men that weren with Dauid, answeride, and seide, For thei camen not with vs, we schulen not yyue to hem ony thing of the prey, which we rauyschiden, but his wijf and children `suffice to ech man; and whanne thei han take hem, go thei awei.

stylus

Deuteronomy 13:13, Matthew 7:12, Deuteronomy 13:13, Matthew 7:12, 1 Kings 21:10

23Forsothe Dauid seide, My britheren, ye schulen not do so of these thingis, whiche the Lord yaf to vs, and kepte vs, and yaf the theues, that braken out ayens vs, in to oure hondis;

stylus

Deuteronomy 8:18, Psalms 44:2, Psalms 44:7, Deuteronomy 8:18, Psalms 44:2

24nether ony man schal here vs on this word. For euene part schal be of him that goith doun to batel, and of hym that dwellith at the fardelis; and in lijk maner thei schulen departe.

stylus

Joshua 22:8, Joshua 22:8, Numbers 31:27, Numbers 31:27, Psalms 68:12

25And this was maad a constitucioun and doom fro that dai and afterward, and as a lawe in Israel til in to this dai.

stylus

1 Samuel 16:13, 1 Samuel 16:13

26Therfor Dauid cam in to Sichelech, and sente yiftis of the prey to the eldere men of Juda, hise neiyboris, and seide, Take ye blessyng of the prey of enemyes of the Lord;

stylus

1 Samuel 25:27, 1 Samuel 25:27, Psalms 68:18, 2 Kings 5:15, Proverbs 18:16

27to hem that weren in Bethel, and that weren in Ramoth, at the south,

stylus

Joshua 15:48, Joshua 15:48, Joshua 19:8, Joshua 19:8, Joshua 21:14

28and that weren in Jether, and that weren in Aroer, and that weren in Sephamoth, and that weren in Escama, and that weren in Rethala,

stylus

Joshua 15:50, Joshua 13:16, Joshua 15:50, Joshua 13:16, Joshua 21:14

29and that weren in the citees of Jeramel, and that weren in the citees of Ceny,

stylus

Judges 1:16, 1 Samuel 27:10, Judges 1:16, 1 Samuel 27:10, 1 Samuel 15:6

30and that weren in Arama, and that weren in Lautuasam, and that weren in Athec,

stylus

Judges 1:17, Judges 1:17, Joshua 19:4, Joshua 19:4, Numbers 14:45

31and that weren in Ebron, and to othere men, that weren in these places, in whiche Dauid dwellide and hise men.

stylus

2 Samuel 2:1, 2 Samuel 2:1, 2 Samuel 2:4, 2 Samuel 15:10, 2 Samuel 4:1