1Therfor Dauid yede fro thennus, and fledde in to the denne of Odollam; and whanne hise britheren, and al the hows of his fadir hadden herd this, thei camen doun thidur to hym.

stylus

Psalms 57:1, Psalms 57:11, Psalms 57:1, Psalms 57:11, 1 Chronicles 11:15

2And alle men that weren set in angwisch, and oppressid with othere mennus dette, and in bittir soule, camen togidere to hym; and he was maad the prince `of hem, and as foure hundrid men weren with hym.

stylus

1 Samuel 30:22, 1 Samuel 30:24, Matthew 11:28, 1 Samuel 30:22, 1 Samuel 30:24

3And Dauid yede forth fro thennus in to Masphat, which is of Moab; and he seide to the kyng of Moab, Y preye, dwelle my fadir and my modir with you, til Y wite what thing God schal do to me.

stylus

1 Samuel 14:47, 2 Samuel 15:25, 2 Samuel 15:26, 1 Samuel 3:18, Philippians 2:23

4And he lefte hem bifor the face of the kyng of Moab; and thei dwelliden at hym in alle daies, `in whiche Dauid was in `the forselet, ether stronghold.

stylus

Psalms 11:1, Psalms 11:1, 1 Chronicles 29:29, 2 Samuel 24:11, 1 Chronicles 12:16

5And Gad, the profete, seide to Dauid, Nyle thou dwelle in `the forselet; go thou forth, and go in to the lond of Juda. And Dauid yede forth, and cam in to the forest of Areth.

stylus

1 Chronicles 21:9, 2 Chronicles 29:25, 1 Chronicles 29:29, 1 Chronicles 21:9, 2 Chronicles 29:25

6And Saul herde, that Dauid apperide, and the men that weren with hym. Forsothe whanne Saul dwellide in Gabaa, and was in the wode which is in Rama, and `helde a spere in the hond, and alle hise seruauntis stoden aboute hym,

stylus

1 Samuel 20:33, 1 Samuel 19:9, 1 Samuel 18:10, Genesis 21:33, Judges 4:5

7he seide to hise seruauntis that stoden nyy hym, The sones of Gemyny, here me now; whether the sone of Ysai schal yyue to alle you feeldis and vyneris, and schal make alle you tribunes and centuriouns?

stylus

1 Samuel 8:14, 1 Samuel 8:15, 1 Kings 12:16, 1 Samuel 8:14, 1 Samuel 8:15

8For alle ye han swore, ether conspirid, togidere ayens me, and noon is that tellith to me; moost sithen also my sone hath ioyned boond of pees with the sone of Ysai; noon is of you, that sorewith `for my stide, nether that tellith to me, for my sone hath reisid my seruaunt ayens me, settynge tresoun to me `til to dai.

stylus

1 Samuel 18:3, 1 Samuel 18:3, 1 Samuel 23:21, 1 Samuel 23:21, 1 Samuel 20:42

9Sotheli Doech of Ydumye answeride, that stood nyy, and was the firste among `the seruauntis of Saul, and seide, Y siy `the sone of Ysai in Nobe, at Achymelech, preest, the sone of Achitob;

stylus

Psalms 52:1, Psalms 52:9, Psalms 52:1, Psalms 52:9, Proverbs 29:12

10which counseilide the Lord for Dauid, and yaf meetis `to hym, but also he yaf to Dauid the swerd of Goliath Filistei.

stylus

Numbers 27:21, Numbers 27:21, 1 Samuel 30:8, 1 Samuel 23:4, 1 Samuel 23:2

11Therfor the kyng sente to clepe Achymelech, the preest, `the sone of Achitob, and al the hows of his fadir, of preestis that weren in Nobe; whiche alle camen to the kyng.

stylus

Romans 3:15, Romans 3:15

12And Saul seide to Achymelech, Here, thou sone of Achitob.

stylus

Isaiah 65:1, 1 Samuel 22:7, 2 Samuel 9:6, 1 Samuel 22:13, Isaiah 65:1

13Which answeride, Lord, Y am redi. And Saul seide to hym, Whi hast thou conspirid ayens me, thou, and the sone of Ysai, and yauest looues and a swerd to hym, and councelidist the Lord for hym, that he schulde rise ayens me, and he dwellith a tretour `til to dai?

stylus

1 Samuel 22:8, 1 Samuel 22:8, Luke 23:2, Luke 23:5, Psalms 119:69

14And Achymelech answeride to the kyng, and seide, And who among alle thi seruauntis is as Dauid feithful, and the sone in lawe `of the kyng, and goynge at thi comaundement, and gloriouse in thin hows?

stylus

1 Samuel 19:4, 1 Samuel 19:5, 1 Samuel 20:32, 1 Samuel 19:4, 1 Samuel 19:5

15Whether Y bigan to dai to counsele the Lord for hym? Fer be this fro me; suppose not the kyng ayens his seruaunt `siche a thing in al `the hows of my fadir; for thi seruaunt knew not ony thing, ether litil ethir greet, of this cause.

stylus

1 Samuel 25:36, 1 Peter 3:16, 1 Peter 3:17, 1 Samuel 25:36, 1 Peter 3:16

16And the kyng seide, Achymelech, thou schalt die bi deeth, thou, and al the hows of thi fadir.

stylus

Proverbs 28:15, Proverbs 28:15, 1 Samuel 20:31, 1 Kings 18:4, 1 Kings 19:2

17And the kyng seide to men able to be sent out, that stoden aboute hym, Turne ye, and sle the preestis of the Lord, for the hond of hem is with Dauid; and thei wisten that he fledde, and thei schewiden not to me. Sotheli the seruauntis of the kyng nolden holde forth her hond in to the preestis of the Lord.

stylus

Exodus 1:17, Exodus 1:17, 1 Samuel 14:45, 1 Samuel 14:45, 2 Kings 1:13

18And the kyng seide to Doech, Turne thou, and hurle in to the preestis of the Lord. And Doech of Ydumee turnede, and hurlide in to the preestis, and stranglide in that dai foure score and fyue men, clothid with `ephoth of lynnun cloth.

stylus

Acts 26:10, Acts 26:11, Acts 26:10, Acts 26:11, 1 Samuel 2:18

19Forsothe he smoot Nobe, the citee of preestis, by the scharpnesse of swerd, men and wymmen, litle children and soukynge, and oxe, and asse, and sheep, bi the scharpnesse of swerd.

stylus

1 Samuel 15:3, 1 Samuel 15:3, Isaiah 10:32, Nehemiah 11:32, 1 Samuel 15:9

20Forsothe o sone of Achymelech, sone of Achitob, ascapide, of which sone the name was Abiathar; and he fledde to Dauid,

stylus

1 Samuel 23:6, 1 Samuel 23:6, 1 Samuel 30:7, 1 Samuel 30:7, 1 Kings 2:26

21and telde to hym that Saul hadde slayn the preestis of the Lord.

stylus

22And Dauid seide to Abiathar, Sotheli Y wiste, `that is, Y coniectide, ether dredde, in that dai, that whanne Doech of Ydumee was there, he wolde telle with out doute to Saul; Y am gilti of alle the lyues of thi fadir.

stylus

1 Samuel 21:1, 1 Samuel 21:9, 1 Samuel 21:1, 1 Samuel 21:9, Psalms 44:22

23Dwelle thou with me, drede thou not; if ony man sekith thi lijf, he schal seke also my lijf, and thou schalt be kept with me.

stylus

Hebrews 12:1, Hebrews 12:3, 1 Kings 2:26, John 10:28, John 10:30