1Forsothe Saul spak to Jonathas, his sone, and to alle hise seruauntis, that thei schulden sle Dauid; certis Jonathas, the sone of Saul, louyde Dauid greetli.

stylus

1 Samuel 18:1, 1 Samuel 18:1, 1 Samuel 18:9, 1 Samuel 18:9

2And Jonathas schewide to Dauid, and seide, Saul, my fadir, sekith to sle thee, wherfor, Y biseche, kepe `thou thee eerli; and thou schalt dwelle priueli, and thou schalt be hid.

stylus

Proverbs 17:17, Proverbs 17:17, Acts 9:24, Acts 9:24, Psalms 16:3

3Sotheli Y schal go out, and stonde bisidis my fadir in the feeld, where euer he schal be; and Y schal speke of thee to my fadir, and what euer thing Y shal se, Y schal telle to thee.

stylus

1 Samuel 20:9, 1 Samuel 20:13, 1 Samuel 20:9, 1 Samuel 20:13

4Therfor Jonathas spak good thingis of Dauid to Saul, his fadir, and seide to hym, Kyng, do thou not synne ayens thi seruaunt Dauid, for he `synnede not to thee, and hise werkis ben ful good to thee;

stylus

Jeremiah 18:20, Jeremiah 18:20, Genesis 42:22, Proverbs 31:8, Proverbs 31:9

5and he puttide his lijf in his hond, and he killide the Filistei. And the Lord made greet heelthe to al Israel; thou siy, and were glad; whi therfor synnest thou in giltles blood, and sleest Dauid, which is with out gilt?

stylus

1 Samuel 11:13, 1 Chronicles 11:14, 1 Samuel 11:13, 1 Chronicles 11:14, 1 Samuel 20:32

6And whanne Saul hadde herd this, he was plesid with the vois of Jonathas, and swoor, `The Lord lyueth, `that is, bi the Lord lyuynge, for Dauid schal not be slayn.

stylus

Proverbs 26:24, Proverbs 26:25, Proverbs 26:24, Proverbs 26:25, Jeremiah 5:2

7Therfor Jonathas clepide Dauid, and schewide to hym alle these wordis. And Jonathas brouyte in Dauid to Saul, and he was bifor hym as `yistirdai and the thridde dai ago.

stylus

1 Samuel 18:2, 1 Samuel 16:21, 1 Samuel 18:13, 1 Samuel 18:2, 1 Samuel 16:21

8Forsothe batel was moued eft; and Dauyd yede out, and fauyt ayens Filisteis, and he smoot hem with a greet wounde, and thei fledden fro his face.

stylus

Psalms 18:32, Psalms 18:50, Psalms 27:3, Psalms 18:32, Psalms 18:50

9And the yuel spirit of the Lord was maad on Saul; sotheli he sat in his hows, and helde a spere; certis Dauid harpide in his hond.

stylus

1 Samuel 16:14, 1 Samuel 16:14, 1 Samuel 16:16, 1 Samuel 18:10, 1 Samuel 18:11

10And Saul enforside to prene with the spere Dauid in the wal; and Dauid bowide fro `the face of Saul; forsothe the spere `with voide wounde was borun in to the wal; and Dauid fledde, and was saued in that niyt.

stylus

1 Samuel 18:11, 1 Samuel 20:33, 1 Samuel 18:11, 1 Samuel 20:33, Proverbs 21:30

11Therfor Saul sente hise knyytis in the nyyt in to the hows of Dauid, that thei schulden kepe hym, and that he `schulde be slayn in the morewtide. And whanne Mychol, the wijf of Dauid, hadde teld this to Dauid, and seide, If thou sauest not thee in this nyyt, thou schalt die to morew;

stylus

Psalms 59:1, Psalms 59:17, Psalms 59:1, Psalms 59:17, Judges 16:2

12sche puttide hym doun bi a wyndow. Forsothe he yede, and fledde, and was sauyd.

stylus

Joshua 2:15, Joshua 2:15, Acts 9:24, Acts 9:25, Acts 9:24

13Sotheli Mychol took an ymage, and puttide it on the bed, and puttide `an heeri skyn of geet at the heed therof, and hilide it with clothis.

stylus

Genesis 31:19, Genesis 31:19, Judges 18:14, Judges 18:17, Judges 18:14

14Forsothe Saul sente sergeauntis, `that schulden rauysche Dauid, and it was answeride, that he was sijk.

stylus

Joshua 2:5, Joshua 2:5, 2 Samuel 17:20, 2 Samuel 16:17, 2 Samuel 16:19

15And eft Saul sente messangeris, that thei schulden se Dauid, and he seide, Brynge ye hym to me in the bed, that he be slayn.

stylus

Romans 3:15, 1 Samuel 19:6, Job 31:31, Psalms 37:12, Proverbs 27:3

16And whanne the messangeris hadden come, `a symylacre was foundun on the bed, and `skynnes of geet at the heed therof.

stylus

17And Saul seide to Mychol, Whi scornedist thou me so, and `delyueredist myn enemy, that he fledde? And Mychol answeride to Saul, For he spak to me, and seide, Delyuere thou me, ellis Y schal slee thee.

stylus

2 Samuel 2:22, 2 Samuel 2:22, 1 Kings 21:20, 1 Samuel 19:14, 1 Samuel 28:12

18Forsothe Dauid fledde, and was sauyd; and he cam to Samuel in to Ramatha, and telde to hym alle thingis which Saul hadde do to hym; and he and Samuel yeden, and dwelliden in Naioth.

stylus

1 Samuel 7:17, 1 Samuel 7:17, James 5:16, 1 Samuel 15:34, 1 Samuel 28:3

19Forsothe it was teld to Saul of men, seiynge, Lo! Dauid is in Naioth in Ramatha.

stylus

1 Samuel 26:1, 1 Samuel 23:19, 1 Samuel 22:9, 1 Samuel 22:10, Proverbs 29:12

20Therfor Saul sente sleeris, that thei schulden rauysche Dauid; and whanne thei hadden seyn the cumpeny of profetis profeciynge, and Samuel stondynge ouer hem, the Spirit of the Lord, `that is, the spirit of deuocioun, was maad in hem, and thei also bigunnen to prophecie.

stylus

Joel 2:28, John 7:32, Joel 2:28, John 7:32, 1 Samuel 10:5

21And whanne this was teld to Saul, he sente also othere messangeris; `sotheli and thei profesieden. And eft Saul sente the thridde messangeris, and thei prophecieden. And Saul was wrooth `with irefulnesse;

stylus

Proverbs 27:22, Joel 2:28, 2 Kings 1:9, 2 Kings 1:13, Jeremiah 13:23

22and he also yede in to Ramatha, and he cam `til to the greet cisterne, which is in Socoth, and he axide, and seide, In what place ben Samuel and Dauid? And it was seid to hym, Lo! thei ben in Naioth in Ramatha.

stylus

23And he yede in `to Naioth in Ramatha; and the Spirit of the Lord was maad also on him; and he `yede, and entride, and propheciede, `til the while he cam `in to Naioth in Ramatha.

stylus

Proverbs 16:9, 1 Samuel 10:10, Proverbs 16:9, 1 Samuel 10:10, 1 Samuel 19:20

24And `he also dispuylide him silf of hise clothis, and propheciede with othere men bifor Samuel, and he profeciede nakid in al that dai and nyyt. Wherfor `a prouerbe, that is, a comyn word, yede out, Whether and Saul among prophetis?

stylus

1 Samuel 10:10, 1 Samuel 10:12, 2 Samuel 6:20, Micah 1:8, Isaiah 20:2