1And it was don as aftir a monethe, Naas of Amon stiede, and bigan to fiyte ayens Jabes of Galaad. And alle the men of Jabes seiden to Naas, Haue thou vs boundun in pees, and we schulen serue thee.

stylus

1 Samuel 12:12, 1 Samuel 12:12, 1 Kings 20:34, Ezekiel 17:13, Genesis 26:28

2And Naas of Amon answeride to hem, In this Y schal smyte boond of pees with you, that Y putte out the riyt iyen of alle you, and that Y sette you schenschip in al Israel.

stylus

1 Samuel 17:26, 1 Samuel 17:26, Genesis 34:14, Numbers 16:14, Genesis 34:14

3And the eldere men of Jabes seiden to him, Graunte thou to vs seuene daies, that we senden messangeris to alle the termes of Israel; and if noon be that defende vs, we schulen go out to thee.

stylus

4Therfor messangeris camen in to Gabaad of Saul, and spaken these wordis, `while the puple herde; and al the puple reiside her vois, and wepte.

stylus

1 Samuel 10:26, Judges 2:4, 1 Samuel 10:26, Judges 2:4, Judges 21:2

5And lo! Saul cam, `and suede oxis fro the feeld; and he seide, What hath the puple, for it wepith? And thei telden to hym the wordis of men of Jabes.

stylus

1 Kings 19:19, 1 Kings 19:19, 1 Samuel 9:1, Genesis 21:17, Judges 18:23

6And the Spirit of the Lord skippide in to Saul, whanne he hadde herd these wordis, and his woodnesse was `wrooth greetli.

stylus

1 Samuel 10:10, 1 Samuel 10:10, 1 Samuel 16:13, Judges 6:34, 1 Samuel 16:13

7And he took euer either oxe, and kittide in to gobetis, and sente in to alle the termes of Israel, bi the hondis of messangeris; and seide, Who euer goith not out, and sueth not Saul and Samuel, so it schal be don to hise oxun. Therfor the drede of the Lord asailide the puple, and thei yeden out as o man.

stylus

Judges 19:29, Judges 19:29, Judges 20:1, Judges 20:1, Judges 21:5

8And he noumbride hem in Besech; and thre hundrid thousynd weren of the sones of Israel; forsothe of the men of Juda weren thretti thousynde.

stylus

2 Samuel 24:9, Judges 1:4, Judges 1:5, 2 Samuel 24:9, Judges 1:4

9And thei seiden to the messangeris that camen, Thus ye schulen seie to the men that ben in Jabes of Galaad, To morew schal be helthe to you, whanne the sunne is hoot. Therfor the messangeris camen, and telden to the men of Jabes; whiche weren glad,

stylus

Psalms 18:17, Psalms 18:17

10and seiden, Eerli we schulen go out to you, and ye schulen do to vs al that plesith you.

stylus

1 Samuel 11:2, 1 Samuel 11:3, 1 Samuel 11:2, 1 Samuel 11:3

11And it was don, whanne the morewe dai cam, Saul ordeynede the puple in to thre partis; and he entride in to the myddil tentis `in the wakyng of the morewtid, and he smoot Amon til the dai `was hoot; `forsothe the residues weren scaterid, so that tweyne togidere weren not left in hem.

stylus

Judges 7:16, Judges 7:16, James 2:13, James 2:13, 1 Samuel 30:17

12And the puple seide to Samuel, Who is this, that seide, Saul schal not regne on vs? Yyue ye the men, and we schulen sle hem.

stylus

1 Samuel 10:27, 1 Samuel 10:27, Luke 19:27, Luke 19:27, Psalms 21:8

13And Saul seide, No man schal be slayn in this dai, for to dai the Lord made helthe in Israel.

stylus

Exodus 14:13, 1 Samuel 19:5, 2 Samuel 19:22, Exodus 14:13, 1 Samuel 19:5

14Forsothe Samuel seide to the puple, Come ye, and go we in to Galgala, and renule we there the rewme.

stylus

1 Samuel 10:8, 1 Samuel 10:8, 1 Samuel 7:16, 1 Samuel 7:16, 1 Samuel 10:24

15And al the puple yede in to Galgala, and there thei maden Saul kyng bifor the Lord `in Galgala; and thei offriden pesible sacrifices bifor the Lord. And Saul was glad there, and alle the men of Israel greetli.

stylus

1 Samuel 10:8, 1 Samuel 10:8, 1 Samuel 10:17, 1 Samuel 10:17, Hosea 13:10