1But of the gaderyngis of money that ben maad in to seyntis, as Y ordeynede in the chirchis of Galathie, so also do ye o dai of the wouke.

stylus

2Ech of you kepe at hym silf, kepynge that that plesith to him, that whanne Y come, the gaderyngis ben not maad.

stylus

3And whanne Y schal be present, whiche men ye preuen, Y schal sende hem bi epistlis to bere youre grace in to Jerusalem.

stylus

4That if it be worthi that also Y go, thei schulen go with me.

stylus

5But Y schal come to you, whanne Y schal passe bi Macedonye; for whi Y schal passe bi Macedonye.

stylus

6But perauenture Y schal dwelle at you, or also dwelle the wynter, that and ye lede me whidir euere Y schal go.

stylus

7And Y wole not now se you in my passyng, for Y hope to dwelle with you awhile, if the Lord schal suffre.

stylus

8But Y schal dwelle at Efesi, `til to Witsuntide.

stylus

9For a grete dore and an opyn is openyd to me, and many aduersaries.

stylus

10And if Thimothe come, se ye that he be with out drede with you, for he worcheth the werk of the Lord, as Y.

stylus

11Therfor no man dispise hym; but lede ye hym forth in pees, that he come to me; for Y abide hym with britheren.

stylus

12But, britheren, Y make knowun to you of Apollo, that Y preiede him myche, that he schulde come to you, with britheren. But it was not his wille to come now; but he schal come, whanne he schal haue leiser.

stylus

13Walke ye, and stonde ye in the feith; do ye manli, and be ye coumfortid in the Lord,

stylus

14and be alle youre thingis don in charite.

stylus

15And, britheren, Y biseche you, ye knowen the hous of Stephan, and of Fortunati, and Acaicy, for thei ben the firste fruytis of Acaie, and in to mynystrie of seyntis thei han ordeyned hem silf;

stylus

16that also ye be sugetis to suche, and to ech worchynge togidere and trauelynge.

stylus

17For Y haue ioie in the presence of Stephan, and of Fortunate, and Acaici;

stylus

18for thei filliden that thing that failide to you; for thei han refreischid bothe my spirit and youre. Therfor knowe ye hem, that ben suche maner men.

stylus

19Alle the chirchis of Asie greten you wel. Aquila and Prisca, with her homeli chirche, greten you myche in the Lord, at the whiche also Y am herborid.

stylus

20Alle bretheren greten you wel. Grete ye wel togidere in hooli cos.

stylus

21My gretyng bi Poulis hoond.

stylus

22If ony man loueth not oure Lord Jhesu Crist, be he cursid, Maranatha.

stylus

23The grace of oure Lord Jhesu Crist be with you.

stylus

24My charite be with you alle in Crist Jhesu oure Lord. Amen.

stylus