1Forsothe Jacob reiside hise iyen, and seiy Esau comynge, and foure hundrid men with hym; and he departide the sones of Lia, and of Rachel, and of bothe seruauntessis.

stylus

Genesis 32:6, Genesis 32:7, Genesis 32:6, Genesis 32:7, Genesis 27:41

2And he puttide euer either handmaide, and the fre children of hem, in the bigynnyng; sotheli he puttide Lia, and her sones, in the secounde place; forsothe he puttide Rachel and Joseph the laste.

stylus

Genesis 30:22, Genesis 30:24, Genesis 29:30, Genesis 37:3, Malachi 3:17

3And Jacob yede bifore, and worschipide lowli to erthe seuensithis, til his brothir neiyede.

stylus

Genesis 42:6, Genesis 42:6, Genesis 18:2, Genesis 18:2, Genesis 43:26

4And so Esau ran ayens his brothir, and collide hym, and Esau helde his necke, and kisside, and wepte.

stylus

Genesis 45:14, Genesis 45:15, Genesis 45:14, Genesis 45:15, Psalms 34:4

5And whanne the iyen weren reisid, he seiy the wymmen, and the litle children of hem, and seide, What wolen these to hem silf? and wher thei pertenen to thee? Jacob answeride, Thei ben the litle children, whiche God hath youe to me, thi seruaunt.

stylus

Psalms 127:3, Psalms 127:3, Isaiah 8:18, Isaiah 8:18, Genesis 48:9

6And the handmaydis and her sones neiyeden, and weren bowid.

stylus

7Also Lya neiyede with hir fre children; and whanne thei hadden worschipid in lijk maner, Joseph and Rachel the laste worschipeden.

stylus

8And Esau seide, What ben these cumpanyes, whiche Y mette? Jacob answerde, That Y schulde fynde grace bifore my lord.

stylus

Genesis 32:5, Genesis 32:5, Genesis 39:5, Esther 2:17, Genesis 32:13

9And he seide, My brother, Y haue ful many thingis, thi thingis be to thee.

stylus

Genesis 27:39, Genesis 27:39, Philemon 1:7, Philemon 1:7, Genesis 27:41

10And Jacob seide, Y biseche, nyle thou so, but if Y foond grace in thin iyen, take thou a litil yifte of myn hondis; for Y seiy so thi face as I seiy the cheer of God;

stylus

Job 33:26, Job 33:26, Revelation 22:4, Revelation 22:4, Genesis 32:30

11be thou merciful to me, and resseyue the blessyng which Y brouyte to thee, and which blessyng God yyuynge alle thingis yaf to me. Vnnethis, while the brothir compellide,

stylus

Philippians 4:18, 1 Samuel 25:27, Philippians 4:18, 1 Samuel 25:27, Genesis 30:43

12he resseyuede, and seide, Go we to gidere, and Y schal be felowe of thi weie.

stylus

13And Jacob seide, My lord, thou knowist that Y haue litle children tendre, and scheep, and kien with calue with me, and if Y schal make hem for to trauele more in goynge, alle the flockis schulen die in o dai;

stylus

Isaiah 40:11, Isaiah 40:11, Ezekiel 34:15, Ezekiel 34:16, Ezekiel 34:15

14my lord go bifore his seruaunt, and Y schal sue litil and litil hise steppis, as I shal se that my litle children mown, til Y come to my lord, in to Seir.

stylus

Isaiah 40:11, Genesis 32:3, Isaiah 40:11, Genesis 32:3, Romans 15:1

15Esau answeride, Y preie thee, that of the puple which is with me, nameli felowis of thi weie dwelle. Jacob seide, It is no nede; Y haue nede to this o thing oneli, that Y fynde grace in thi siyt, my lord.

stylus

Ruth 2:13, Ruth 2:13, Genesis 47:25, Genesis 34:11, Genesis 47:25

16And so Esau turnede ayen in that dai in the weie bi which he cam, in to Seir.

stylus

17And Jacob cam in to Sochot, where whanne he hadde bildid an hows, and hadde set tentis, he clepide the name of that place Sochot, that is, tabernaclis.

stylus

Psalms 60:6, Joshua 13:27, Judges 8:5, Psalms 60:6, Joshua 13:27

18And Jacob passide in to Salem, a citee of Sichimis, whiche is in the lond of Canaan, aftir that he turnede ayen fro Mesopotanye of Sirie, and he dwellide besidis the citee.

stylus

Acts 7:16, Joshua 24:1, Judges 9:1, Acts 7:16, Joshua 24:1

19And he bouyte for an hundrid lambren a part of the feeld, in which he settide tabernaclis, of the sones of Emor, fadir of Sichem.

stylus

Acts 7:16, John 4:5, Acts 7:16, John 4:5, Joshua 24:32

20And whanne he hadde reisid an auter there, he inwardly clepide on it the strongeste God of Israel.

stylus

Genesis 21:33, Genesis 35:7, Genesis 32:28, Genesis 21:33, Genesis 35:7