1Forsothe Jacob wente forth in the weie in which he began, and the aungels of the Lord metten him.

stylus

Psalms 91:11, Psalms 91:11, 1 Corinthians 3:22, 2 Kings 6:16, 2 Kings 6:17

2And whanne he hadde seyn hem, he seide, These ben the castels of God; and he clepide the name of that place Manaym, that is, castels.

stylus

2 Samuel 2:8, 2 Samuel 2:8, Joshua 21:38, Joshua 5:14, Joshua 21:38

3Sotheli Jacob sente bifore him also messangeris to Esau, his brother, in to the lond of Seir, in the cuntrey of Edom;

stylus

Joshua 24:4, Genesis 25:30, Joshua 24:4, Genesis 25:30, Genesis 14:6

4and comaundide to hem, and seide, Thus speke ye to my lord Esau, Thi brothir Jacob seith these thingis, Y was a pilgrym at Laban, `and Y was `til in to present dai;

stylus

1 Peter 3:6, 1 Peter 3:6, Proverbs 6:3, Genesis 27:37, Genesis 23:6

5Y haue oxun, and assis, and scheep, and seruauntis, and hand maydis, and Y sende now a message to my lord, that Y fynde grace in thi siyt.

stylus

Genesis 33:8, Genesis 33:8, Genesis 33:15, Genesis 33:15, Genesis 30:43

6And the messageris turneden ayen to Jacob, and seiden, We camen to Esau, thi brother, and lo! he hastith in to thi comyng, with foure hundrid men.

stylus

Genesis 33:1, Genesis 33:1, Genesis 27:40, Genesis 27:41, Amos 5:19

7Jacob dredde greetli, and he was aferd, and departide the puple that was with hym, and he departide the flockis, and scheep, and oxun, and camels, in to twei cumpenyes;

stylus

Genesis 35:3, Genesis 35:3, Psalms 55:4, Psalms 55:5, Psalms 18:4

8and seide, If Esau schal come to o cumpeny, and schal smyte it, the tothir cumpeny which is residue schal be saued.

stylus

Genesis 33:1, Genesis 33:3, Matthew 10:16, Genesis 33:1, Genesis 33:3

9And Jacob seide, A! God of my fadir Abraham, and God of my fadir Isaac, A! Lord, that seidist to me, Turne thou ayen in to thi lond, and in to the place of thi birthe, and Y schal do wel to thee,

stylus

Genesis 31:42, Genesis 31:42, Genesis 31:13, Genesis 28:13, Genesis 31:13

10Y am lesse than alle thi merciful doyngis, and than thi treuthe which thou hast fillid to thi seruaunt; with my staf Y passide this Jordan, and now Y go ayen with twei cumpanyes;

stylus

Psalms 18:35, Psalms 18:35, Genesis 24:27, Genesis 24:27, 1 Timothy 1:12

11delyuere thou me fro the hond of my brothir Esau, for Y drede him greetli, lest he come and sle the modris with the sones.

stylus

Psalms 59:1, Psalms 59:2, Proverbs 18:19, Psalms 59:1, Psalms 59:2

12Thou spakist that thou schuldist do wel to me, and shuldist alarge my seed as the grauel of the see, that mai not be noumbrid for mychilnesse.

stylus

Genesis 28:13, Genesis 28:15, Genesis 28:13, Genesis 28:15, Hebrews 6:17

13And whanne Jacob hadde slept there in that nyyt, he departide of tho thingis whiche he hadde yiftis to Esau, his brothir,

stylus

Genesis 43:11, Genesis 43:11, Proverbs 18:16, Proverbs 18:16, Proverbs 21:14

14two hundrid geet, and twenti buckis of geet, two hundrid scheep, and twenti rammys,

stylus

Deuteronomy 8:18, Job 1:3, Job 42:12, Deuteronomy 8:18, Job 1:3

15camels fulle with her foolis thretti, fourti kyen, and twenti boolis, twenti sche assis, and ten foolis of hem.

stylus

16And he sente bi the hondis of his seruauntis alle flockis bi hem silf; and he seide to hise children, Go ye bifore me, and a space be betwixe flok and flok.

stylus

Genesis 32:20, Matthew 10:16, Proverbs 2:11, Psalms 112:5, Isaiah 28:26

17And he comaundide to the formere, and seide, If thou schalt mete my brothir Esau, and he schal axe thee, whos man thou art, ether whidir thou goist, ether whos ben these thingis whiche thou suest,

stylus

Genesis 33:3, Genesis 33:3

18thou schalt answere, Of thi seruaunt Jacob, he hath sent yiftis to his lord Esau, and he cometh aftir vs.

stylus

Genesis 32:4, Genesis 32:5, Genesis 32:4, Genesis 32:5

19In lijk maner, he yaf comaundementis to the secounde, and to the thridde, and to alle that sueden flockis; and seide, Speke ye bi the same wordis to Esau,

stylus

20whanne ye fynden hym, and ye schulen adde, Also Jacob hym silf thi seruaunt sueth oure weie. For Jacob seide, Y schal plese Esau with yiftis that goon bifore, and aftirward Y schal se hym; in hap he schal be mercyful to me.

stylus

Job 42:8, Job 42:9, Job 42:8, Job 42:9, Proverbs 21:14

21And so the yiftis yeden bifore hym; sotheli he dwellide in that nyyt in the tentis.

stylus

22And whanne Jacob hadde arise auysseli, he took hise twei wyues, and so many seruauntessis with enleuen sones, and passide the forthe of Jaboth.

stylus

Deuteronomy 3:16, Deuteronomy 2:37, Deuteronomy 3:16, Deuteronomy 2:37, 1 Timothy 5:8

23And whanne alle thingis that perteyneden to hym weren led ouer, he dwellide aloone, and, lo!

stylus

24a man wrastlide with him til to the morwetid.

stylus

Hosea 12:3, Hosea 12:5, Hosea 12:3, Hosea 12:5, Ephesians 6:12

25And whanne the man seiy that he miyte not ouercome Jacob, he touchide the senewe of Jacobis hipe, and it driede anoon.

stylus

2 Corinthians 12:7, 2 Corinthians 12:9, 2 Corinthians 12:7, 2 Corinthians 12:9, Hosea 12:3

26And he seide to Jacob, Leeue thou me, for the morewtid stieth now. Jacob answeride, Y schal not leeue thee, no but thou blesse me.

stylus

Hosea 12:4, Hosea 12:4, Psalms 115:12, Psalms 115:13, Psalms 115:12

27Therfore he seide, What name is to thee? He answeride, Jacob.

stylus

28And the man seide, Thi name schal no more be clepid Jacob, but Israel; for if thou were strong ayens God, hou miche more schalt thou haue power ayens men.

stylus

Revelation 2:17, Revelation 2:17, Genesis 35:10, Genesis 35:10, Isaiah 62:2

29Jacob axide him, Seie thou to me bi what name thou art clepid? He answerde, Whi axist thou my name, whiche is wondirful? And he blesside Jacob in the same place.

stylus

Judges 13:16, Judges 13:18, Isaiah 9:6, Job 11:7, Judges 13:16

30And Jacob clepide the name of that place Fanuel, and seide, Y siy the Lord face to face, and my lijf is maad saaf.

stylus

Numbers 12:8, Exodus 24:10, Exodus 24:11, Numbers 12:8, Exodus 24:10

31And anoon the sunne roos to hym, aftir that he passide Fanuel; forsothe he haltide in the foot.

stylus

2 Corinthians 12:7, 2 Corinthians 12:7, Genesis 32:25, Genesis 19:15, 2 Corinthians 12:9

32For which cause the sones of Israel eten not `til in to present day the senewe, that driede in the hipe of Jacob; for the man touchide the senewe of Jacobs hipe, and it driede.

stylus

1 Samuel 5:5, 1 Samuel 5:5