1Also the Lord seide to Moises, Entre thou to Farao, and thou schalt seie to hym, The Lord seith these thingis, Delyuere thou my puple, that it make sacrifice to me; sotheli if thou nylt delyuere, lo!

stylus

Exodus 3:18, Exodus 3:18, Exodus 3:12, Exodus 3:12, Exodus 5:1

2Y schal smyte alle thi termys with paddoks;

stylus

Psalms 78:45, Exodus 9:2, Exodus 7:14, Psalms 78:45, Exodus 9:2

3and the flood schal buyle out paddokis, that schulen stie, and schulen entre in to thin hows, and in to the closet of thi bed, and on thi bed, and in to `the hous of thi seruauntis, and in to thi puple, and in to thin ouenes, and in to the relyues of thi metis;

stylus

Psalms 105:30, Psalms 105:30, Exodus 12:34, Exodus 12:34

4and the paddoks schulen entre to thee, and to thi puple, and to alle thi seruauntis.

stylus

Psalms 107:40, Isaiah 19:11, Daniel 4:37, Isaiah 23:9, Acts 12:22

5And the Lord seide to Moises, Seie thou to Aaron, Hold forth thin hond on the floodis, and on the streemes, and mareis; and bryng out paddoks on the lond of Egipt.

stylus

Exodus 7:19, Exodus 7:19

6And Aaron helde forth the hond on the watris of Egipt; and paddoks stieden, and hileden the lond of Egipt.

stylus

Psalms 78:45, Psalms 105:30, Psalms 78:45, Psalms 105:30, Leviticus 11:12

7Forsothe and the witchis diden in lijk maner bi her enchauntementis; and thei brouyten forth paddoks on the lond of Egipt.

stylus

Exodus 7:11, Exodus 7:11, Exodus 7:22, Exodus 7:22, Matthew 24:24

8Forsothe Farao clepide Moises and Aaron, and seide to hem, Preie ye the Lord, that he do a wei the paddoks fro me, and fro my puple; and Y schal delyuere the puple, that it make sacrifice to the Lord.

stylus

Exodus 10:17, Exodus 10:17, Exodus 9:28, Exodus 8:25, Exodus 8:28

9And Moises seide to Farao, Ordeyne thou a tyme to me, whanne Y schal preie for thee, and for thi seruauntis, and for thi puple, that the paddokis be dryuun awei fro thee, and fro thin hows, and fro thi seruauntis, and fro thi puple; and dwelle oneli in the flood.

stylus

Isaiah 10:15, 1 Kings 18:25, Judges 7:2, Isaiah 10:15, 1 Kings 18:25

10And he answeride, To morewe. And Moises seide, Y schal do bi thi word, that thou wite, that noon is as oure Lord God; and the paddoks schulen go awei fro thee,

stylus

1 Chronicles 17:20, Psalms 86:8, 2 Samuel 7:22, Isaiah 46:9, 1 Chronicles 17:20

11and fro thin hous, and fro thi children, and fro thi seruauntis, and fro thi puple; and tho schulen dwelle oneli in the flood.

stylus

Exodus 8:9, Exodus 8:3, Exodus 8:9, Exodus 8:3

12And Moises and Aaron yeden out fro Farao. And Moises criede to the Lord, for the biheest of paddoks, which he hadde seid to Farao.

stylus

James 5:16, James 5:18, James 5:16, James 5:18, Exodus 32:11

13And the Lord dide bi the word of Moises; and the paddoks weren deed fro housis, and fro townes, and fro feeldis;

stylus

Deuteronomy 34:10, Deuteronomy 34:12, Deuteronomy 34:10, Deuteronomy 34:12

14and thei gaderiden tho in to grete heepis, and the lond was rotun.

stylus

Isaiah 34:2, Exodus 8:24, Ezekiel 39:11, Exodus 7:21, Joel 2:20

15Sotheli Farao seiy that reste was youun, and he made greuous his herte, and herde not hem, as the Lord comaundide.

stylus

Isaiah 26:10, Isaiah 26:10, Hebrews 3:8, Ecclesiastes 8:11, Exodus 7:4

16And the Lord seide to Moises, Spek thou to Aaron, Holde forth thi yerde, and smyte the dust of erthe, and litle flies, ether gnattis, be in al the lond of Egipt.

stylus

Exodus 8:5, Exodus 8:5, Exodus 8:17, Exodus 8:17

17And thei diden so; and Aaron helde forth the hond, and helde the yerde, and smoot the duste of erthe; and gnattis weren maad in men, and in werk beestis; al the dust of erthe was turned in to gnattis bi al the lond of Egipt.

stylus

Psalms 105:31, Psalms 105:31, Isaiah 23:9, Acts 12:23, Isaiah 23:9

18And witchis diden in lijk maner bi her enchauntementis, that thei schulden brynge forth gnattis, and thei miyten not; and gnattis weren as wel in men as in werk beestis.

stylus

Exodus 7:11, Exodus 7:11, Exodus 9:11, Exodus 9:11, Daniel 5:8

19And the witchis seiden to Farao, This is the fyngur of God. And the herte of Farao was maad hard, and he herde not hem, as the Lord comaundide.

stylus

Luke 11:20, Luke 11:20, Psalms 8:3, Psalms 8:3, Exodus 7:5

20And the Lord seide to Moises, Rise thou eerli, and stonde bifore Farao, for he schal go out to the watris; and thou schalt seie to hym, The Lord seith these thingis, Delyuere thou my puple, that it make sacrifice to me;

stylus

Exodus 7:15, Exodus 7:15, Exodus 9:13, Exodus 9:13, Exodus 8:1

21that if thou schalt not delyuere the puple, lo! Y schal sende in to thee, and in to thi seruauntis, and in to thi puple, and in to thin housis, al the kynde of flies ; and the housis of Egipcians schulen be fillid with flies of dyuerse kyndis, and al the lond in which thei schulen be.

stylus

Psalms 105:31, Psalms 78:45, Isaiah 7:18, Psalms 105:31, Psalms 78:45

22And in that dai Y schal make wondurful the lond of Gessen, in which my puple is, that flies be not there; and that thou wite that Y am the Lord in the myddis of erthe;

stylus

Exodus 9:4, Exodus 9:4, Malachi 3:18, Exodus 10:23, Malachi 3:18

23and Y schal sette departyng bitwixe my puple and thi puple; this signe schal be to morewe.

stylus

24And the Lord dide so. And a moost greuouse flie cam in to the hows of Farao, and of hise seruauntis, and in to al the lond of Egipt; and the lond was corrupt of siche flies.

stylus

Psalms 105:31, Psalms 78:45, Psalms 105:31, Psalms 78:45, Exodus 8:21

25And Farao clepide Moises and Aaron, and seide to hem, Go ye, make ye sacrifice to `youre Lord God in this lond.

stylus

Exodus 9:27, Exodus 8:8, Exodus 9:27, Exodus 8:8, Exodus 12:31

26And Moises seide, It may not be so, for `we schulen offre to oure God the abhomynaciouns of Egipcians; that if we schulen sle bifore Egipcians tho thingis whiche thei worschipen, thei schulen `ouerleie vs with stoonus.

stylus

Genesis 43:32, Genesis 46:34, Genesis 43:32, Genesis 46:34, Exodus 3:18

27We schulen go the weie of thre daies in to wildirnesse, and we schulen make sacrifice to oure Lord God, as he comaundide vs.

stylus

Exodus 3:18, Exodus 3:18, Exodus 3:12, Exodus 3:12, Exodus 5:1

28And Farao seide, Y schal delyuere you, that ye make sacrifice to `youre Lord God in deseert; netheles go ye not ferthere; preie ye for me.

stylus

Exodus 8:8, Exodus 8:8, Exodus 9:28, Exodus 9:28, 1 Kings 13:6

29And Moises seide, Y schal go out fro thee, and Y schal preie the Lord; and the fli schal go awei fro Farao, and fro hise seruauntis, and puple to morewe; netheles nyle thou more disseyue me, that thou delyuere not the puple to make sacrifice to the Lord.

stylus

Exodus 8:15, Exodus 8:15, Exodus 8:8, Jeremiah 42:20, Jeremiah 42:21

30And Moises yede out fro Farao, and preiede the Lord, whiche dide bi the word of Moyses,

stylus

Exodus 8:12, Exodus 8:12, James 5:16, Exodus 9:33, James 5:16

31and took awei flies fro Farao, and fro hise seruauntis, and puple; noon lefte, `sotheli nether oon.

stylus

32And the herte of Farao was maad hard, so that he delyueride not the puple, sothli nethir in this tyme.

stylus

Exodus 8:15, Exodus 8:15, Exodus 4:21, Exodus 4:21, Romans 2:5