1And the Lord seide to Moises, Lo! Y haue maad thee the god of Farao; and Aaron, thi brother, schal be thi prophete.

stylus

Exodus 4:15, Exodus 4:16, Exodus 4:15, Exodus 4:16, Psalms 82:6

2Thou schalt speke to Aaron alle thingis whiche Y comaunde to thee, and he schal speke to Farao, that he delyuere the sones of Israel fro his hond.

stylus

Exodus 4:15, Exodus 4:15, Exodus 6:29, Exodus 6:29, Acts 20:27

3But Y schal make hard his herte, and Y schal multiplie my signes and merueils in the lond of Egipt, and he schal not here you;

stylus

Exodus 4:21, Exodus 4:21, Exodus 11:9, Exodus 11:9, Acts 7:36

4and Y schal sende myn hond on Egipt, and Y schal lede out myn oost, and my puple, the sones of Israel, fro the lond of Egipt bi mooste domes;

stylus

Exodus 11:9, Exodus 6:6, Exodus 11:9, Exodus 6:6, Exodus 12:51

5and Egipcians schulen wite, that Y am the Lord, which haue holde forth myn hond on Egipt, and haue led out of the myddis of hem the sones of Israel.

stylus

Exodus 14:18, Exodus 14:18, Exodus 7:17, Exodus 8:22, Exodus 7:17

6And so Moises dide and Aaron; as the Lord comaundide, so thei diden.

stylus

Exodus 7:2, Exodus 7:2, Genesis 6:22, Exodus 7:10, Genesis 6:22

7Forsothe Moyses was of fourescoor yeer, and Aaron was of fourescoor yeer and thre, whanne thei spaken to Farao.

stylus

Deuteronomy 34:7, Deuteronomy 31:2, Acts 7:30, Acts 7:23, Deuteronomy 34:7

8And the Lord seide to Moises and to Aaron,

stylus

9Whanne Farao schal seie to you, Schewe ye signes to vs, thou schalt seie to Aaron, Take thi yerde, and caste forth it before Farao, and be it turned into a serpent.

stylus

John 2:18, Isaiah 7:11, Exodus 4:2, John 2:18, Isaiah 7:11

10And so Moises and Aaron entriden to Farao, and diden as the Lord comaundide; and Aaron took the yeerde, and castide forth bifore Farao and hise seruauntis, which yerde was turned in to a serpent.

stylus

Exodus 4:3, Exodus 4:3, Luke 10:19, Amos 9:3, Mark 16:18

11Forsothe Farao clepide wise men, and witchis, and thei also diden bi enchauntementis of Egipt, and bi summe priuy thingis in lijk maner;

stylus

Exodus 7:22, Exodus 7:22, 2 Timothy 3:8, Exodus 8:18, Exodus 8:7

12and alle castiden forth her yerdis, whiche weren turned in to dragouns; but the yerde of Aaron deuouride `the yerdis of hem.

stylus

1 John 4:4, 1 John 4:4, Exodus 8:18, Exodus 8:19, Exodus 9:11

13And the herte of Farao was maad hard, and he herde not hem, as the Lord comaundide.

stylus

Exodus 4:21, Exodus 4:21, Exodus 8:15, Exodus 8:15, Zechariah 7:11

14Forsothe the Lord seide to Moyses, The herte of Farao is maad greuouse, he nyle delyuere the puple;

stylus

Exodus 10:20, Exodus 10:1, Exodus 8:15, Exodus 10:27, Exodus 10:20

15go thou to hym eerli; lo! he schal go out to the watris, and thou schalt stonde in the comyng of hym on the brynke of the flood; and thou schalt take in thin honde the yerde, that was turned into a dragoun,

stylus

Exodus 8:20, Exodus 8:20, Exodus 2:5, Exodus 7:10, Exodus 2:5

16and thou schalt seie to hym, The Lord God of Ebrews sente me to thee, and seide, Delyuere thou my puple, that it make sacrifice to me in desert; til to present time thou noldist here.

stylus

Exodus 3:18, Exodus 3:18, Exodus 9:1, Exodus 9:1, Exodus 9:13

17Therfor the Lord seith these thingis, In this thou schalt wite, that Y am the Lord; lo! Y schal smyte with the yerde, which is in myn hond, the watir of the flood, and it schal be turned in to blood;

stylus

Exodus 4:9, Exodus 4:9, Exodus 7:5, Exodus 5:2, Exodus 7:5

18and the fischis that ben in the flood schulen die; and the watris schulen wexe rotun, and Egipcians drynkynge the watir of the flood schulen be turmentid.

stylus

Exodus 7:24, Exodus 7:24, Exodus 7:21, Exodus 7:21, Numbers 21:5

19Also the Lord seide to Moises, Seie thou to Aaron, Take thi yerde, and holde forth thin hond on the watris of Egipt, and on the flodis of hem, and on the stremys `of hem, and on the mareis, and alle lakis of watris, that tho be turned in to blood; and blood be in al the lond of Egipt, as wel in vessils of tree as of stoon.

stylus

Exodus 14:21, Exodus 14:21, Exodus 8:16, Exodus 10:12, Exodus 14:26

20And Moises and Aaron diden so, as the Lord comaundide; and Aaron reiside the yerde, and smoot the watir of the flood bifore Farao and hise seruauntis, which watir was turned in to blood;

stylus

Psalms 105:29, Psalms 78:44, Psalms 105:29, Psalms 78:44, Exodus 17:9

21and fischis, that weren in the flood, dieden; and the flood was rotun, and Egipcians myyten not drynke the water of the flood; and blood was in al the lond of Egipt.

stylus

Exodus 7:18, Exodus 7:18, Revelation 8:9, Revelation 8:9

22And the witchis of Egipcians diden in lijk maner by her enchauntementis; and the herte of Farao was maad hard, and he herde not hem, as the Lord comaundide.

stylus

Exodus 7:11, Exodus 7:11, 2 Timothy 3:8, Jeremiah 27:18, Exodus 8:7

23And he turnede awei hym silf, and entride in to his hows, nethir he took it to herte, yhe, in this tyme.

stylus

Proverbs 22:17, Psalms 62:10, Proverbs 24:32, 1 Samuel 4:20, Job 7:17

24Forsothe alle Egipcians diggiden watir `bi the cumpas of the flood, to drinke; for thei myyten not drynke of the `watir of the flood.

stylus

25And seuene daies weren fillid, aftir that the Lord smoot the flood.

stylus

Exodus 10:23, Exodus 8:9, Exodus 8:10, 2 Samuel 24:13, Exodus 10:23