1If a man takith a wijf, and hath hir, and sche fyndith not grace bifor hise iyen for sum vilite, he schal write a `libel, ethir litil book, of forsakyng, and he schal yyue in `the hond of hir, and he schal delyuere hir fro his hows.

stylus

Matthew 19:7, Matthew 19:9, Matthew 19:7, Matthew 19:9, Mark 10:4

2And whanne sche goith out, and weddith anothir hosebonde,

stylus

Matthew 5:32, Leviticus 21:14, Numbers 30:9, Mark 10:11, Ezekiel 44:22

3and he also hatith hir, and yyueth to hir a `litil booke of forsakyng, and delyuereth hir fro his hows, ethir certis he is deed,

stylus

4the formere hosebonde schal not mow resseyue hir in to wijf, for sche is defoulid, and maad abhomynable bifore the Lord; lest thou make thi lond to do synne, which lond thi Lord God yaf to thee to welde.

stylus

Jeremiah 3:1, Jeremiah 3:1, Leviticus 18:24, Leviticus 18:28, Joshua 22:17

5Whanne a man hath take late a wijf, he schal not go forth to batel, nethir ony thing of comyn nede schal be enioyned to hym, but he schal yyue tent with out blame to his hows, that he be glad in o yeer with his wijf.

stylus

Deuteronomy 20:7, Proverbs 5:18, Deuteronomy 20:7, Proverbs 5:18, Genesis 2:24

6Thou schalt not take in the stide of wed the lowere and the hiyere queerne stoon of thi brothir, for he puttide his lijf to thee.

stylus

Deuteronomy 20:19, Luke 12:15, Genesis 44:30, Deuteronomy 20:19, Luke 12:15

7If a man is takun, `that is, conuyct in doom, bisili aspiynge to stele his brothir of the sones of Israel, and whanne he hath seeld hym, takith priys, he schal be slayn; and thou schalt do awey yuel fro the myddis of thee.

stylus

Exodus 21:16, Exodus 21:16, Exodus 22:1, Exodus 22:4, 1 Timothy 1:10

8Kepe thou diligentli, lest thou renne in to the sijknesse of lepre, but thou schalt do what euer thingis the preestis of the kyn of Leuy techen thee, bi that that Y comaundide to hem, and `fille thou diligentli.

stylus

Leviticus 14:2, Leviticus 14:2, Leviticus 13:1, Leviticus 13:46, Matthew 8:4

9Haue ye mynde what thingis youre Lord God dide to Marie, in the weie, whanne ye yede `out of Egipt.

stylus

Numbers 12:10, Numbers 12:15, Numbers 12:10, Numbers 12:15, 1 Corinthians 10:11

10Whanne thou schalt axe of thi neiyebore ony thing which he owith to thee, thou schalt not entre in to his hows, that thou take awei a wed;

stylus

Exodus 22:27, Deuteronomy 15:8, Exodus 22:27, Deuteronomy 15:8

11but thou schalt stonde with out forth, and he schal brynge forth that that he hath.

stylus

12Sotheli if he is pore, the wed schal not dwelle bi nyyt at thee,

stylus

Deuteronomy 24:17, Deuteronomy 24:17, Job 24:9, Job 24:3, Job 22:6

13but anoon thou schalt yelde to hym bifor the goyng doun of the sunne, that he slepe in his cloth, and blesse thee, and thou haue riytfulnesse bifor thi Lord God.

stylus

Daniel 4:27, Deuteronomy 6:25, Daniel 4:27, Deuteronomy 6:25, Exodus 22:26

14Thou schalt not denye the hire of thi brother nedi and pore, ethir of the comelyng that dwellith with thee in thi lond, and is with ynne thi yatis;

stylus

Malachi 3:5, Malachi 3:5, Proverbs 14:31, Proverbs 14:31, Proverbs 22:16

15but in the same dai thou schalt yelde to hym the prijs of his trauel, bifor the goyng doun of the sunne, for he is pore, and susteyneth therof his lijf; lest he crye ayens thee to the Lord, and it be arettid to thee into synne.

stylus

Leviticus 19:13, Leviticus 19:13, Proverbs 3:27, Proverbs 3:28, James 5:4

16The fadris schulen not be slayn for the sones, nether the sones for the fadris, but ech man schal die for hys owne synne.

stylus

Ezekiel 18:20, Ezekiel 18:20, 2 Chronicles 25:4, 2 Chronicles 25:4, Jeremiah 31:29

17Thou schalt not `peruerte, ethir waiwardli turne, the doom of the comelyng, and of fadirles ethir modirles; nethir thou schalt take awei in the stide of wed the cloth of a widewe.

stylus

Deuteronomy 16:19, Deuteronomy 16:19, Exodus 22:21, Exodus 22:22, Deuteronomy 27:19

18Haue thou mynde, that thou seruedist in Egipt, and thi Lord God delyuerede thee fro thennus; therfor Y comaunde to thee that thou do this thing.

stylus

Deuteronomy 5:15, Deuteronomy 5:15, Deuteronomy 16:12, Deuteronomy 24:22, Deuteronomy 15:15

19Whanne thou repist corn in the feeld, and foryetist, and leeuest a repe, thou schalt not turne ayen to take it, but thou schalt suffre that a comelyng, and fadirles, ethir modirles, and a widewe take awei, that thi Lord God blesse thee in al the werk of thin hondis.

stylus

Leviticus 23:22, Leviticus 23:22, Deuteronomy 14:29, Leviticus 19:9, Leviticus 19:10

20If thou gaderist fruytis of olyues, what euer thing leeueth in trees, thou schalt not turne ayen to gadere, but thou schalt leeue to a comelyng, fadirles, ether modirles, and to a widewe.

stylus

Leviticus 19:10, Leviticus 19:10

21If thou gaderist grapis of the vyner, thou schalt not gadere raisyns that leeuen, but tho schulen falle in to the vsis of the comelyng, of the fadirles, ethir modirles, and of the wydewe.

stylus

Leviticus 19:9, Leviticus 19:10, Deuteronomy 24:19, Leviticus 19:9, Leviticus 19:10

22Haue thou mynde that also thou seruedist in Egipt, and therfor Y comaunde to thee, that thou do this thing.

stylus

Deuteronomy 24:18, Deuteronomy 24:18, Deuteronomy 5:14, Deuteronomy 5:15, 1 John 4:10