1These ben the heestis and domes, whiche ye owen to do, in the lond which the Lord God of thi fadrys schal yyue to thee, that thou welde it, in alle daies in whiche thou schalt go on erthe.

stylus

1 Kings 8:40, 1 Kings 8:40, Job 7:1, Job 7:1, Deuteronomy 4:9

2Distrie ye alle the places wherynne hethen men whiche ye schulen welde, worschipiden her goddis, on hiy mounteyns, and litle hillis, and vndur ech tre ful of bowis.

stylus

Deuteronomy 7:5, Deuteronomy 7:5, Deuteronomy 7:25, Deuteronomy 7:26, Numbers 33:51

3Distrie ye `the auteris of hem, and `breke ye the ymagis; brenne ye the wodis with fier, and al to breke ye the idolis; destrie ye `the names of hem fro the places.

stylus

Numbers 33:52, Judges 2:2, Numbers 33:52, Judges 2:2, Zechariah 13:2

4Ye schulen not do so to youre Lord God ;

stylus

Leviticus 20:23, Leviticus 20:23, Deuteronomy 20:18, Deuteronomy 20:18, Deuteronomy 12:30

5but ye schulen come to the place which youre Lord God chees of alle youre lynagis, that he putte his name there, and dwelle therynne;

stylus

Deuteronomy 12:11, Deuteronomy 12:11, Deuteronomy 26:2, Deuteronomy 26:2, 2 Chronicles 7:12

6and ye schulen come, and schulen offre in that place youre brent sacrifices, and slayn sacrifices, the dymes, and firste fruytis of youre hondis, and avowis and yiftis, the firste gendrid thingis of oxun, and of scheep.

stylus

Deuteronomy 15:19, Deuteronomy 15:20, Deuteronomy 15:19, Deuteronomy 15:20, Deuteronomy 14:22

7And ye and youre housis schulen ete there in the siyt of youre Lord God; and ye schulen be glad in alle thingis to whiche ye putten hond, in whiche youre Lord God blesside you.

stylus

Deuteronomy 12:18, Deuteronomy 12:18, Leviticus 23:40, Deuteronomy 14:26, Leviticus 23:40

8Ye schulen not do there tho thingis whiche we don here to dai, ech man that semeth riytful to `hym silf.

stylus

Judges 21:25, Judges 21:25, Judges 17:6, Judges 17:6, Proverbs 21:2

9For `til in to present tyme ye camen not to reste and possessioun, which the Lord God schal yyue to you.

stylus

1 Kings 8:56, 1 Kings 8:56, Deuteronomy 25:19, Psalms 95:11, Deuteronomy 25:19

10Ye schulen passe Jordan, and ye schulen dwelle in the lond which youre Lord God schal yyue to you, that ye reste fro alle enemyes `bi cumpas, and dwelle without ony drede.

stylus

Jeremiah 33:11, Ezekiel 34:28, Jeremiah 33:11, Ezekiel 34:28, Deuteronomy 11:31

11In the place which youre Lord God chees that his name be therynne. Thidur ye schulen bere alle thingis, whiche Y comaunde, brent sacrifices, and sacrifices, and the dymes, and firste fruytis of youre hondis, and what euere is the beste in yiftis, whiche ye auowiden to the Lord.

stylus

Deuteronomy 12:5, Deuteronomy 15:20, Deuteronomy 12:5, Deuteronomy 15:20, John 4:20

12Ther ye schulen ete bifor youre Lord God, ye, and youre sones and douytris, youre seruauntis, and seruauntessis, and the dekenes, that dwellen in youre citees; for thei han not other part and possessioun among you.

stylus

Deuteronomy 12:7, Deuteronomy 12:7, Deuteronomy 26:12, Deuteronomy 10:9, Deuteronomy 26:12

13Be thou war lest thou offre thi brent sacrifices in ech place which thou seest,

stylus

1 Kings 15:34, Leviticus 17:2, Leviticus 17:5, Deuteronomy 12:6, 2 Chronicles 15:17

14but in that place which the Lord chees in oon of thi lynagis thou schalt offre sacrifices, and schalt do what euer thingis Y comaunde to thee.

stylus

Deuteronomy 12:11, 2 Corinthians 5:19, Deuteronomy 12:5, Deuteronomy 12:11, 2 Corinthians 5:19

15Forsothe if thou wolt ete, and the etyng of fleischis delitith thee, sle thou, and ete, bi the blessyng of thi Lord God, which he yaf to thee in thi citees, whether it is vnclene, `that is, spottid ether wemmed and feble, ether clene, `that is, hool in membris and with out wem, which is leueful to be offrid, thou schalt ete as a capret and hert; oneli without etyng of blood,

stylus

Deuteronomy 14:5, Deuteronomy 14:5, Deuteronomy 14:26, Deuteronomy 12:20, Deuteronomy 12:23

16which thou schalt schede out as watir on the erthe.

stylus

Genesis 9:4, Genesis 9:4, Deuteronomy 15:23, Deuteronomy 15:23, Deuteronomy 12:23

17Thou schalt not mowe ete in thi citees the tithis of thi wheete, wyn, and oile, the firste gendrid thingis of droues, and of scheep, and alle thingis whiche thou hast avowid and wolt offre bi fre wille, and the firste fruytis of thin hondis;

stylus

Deuteronomy 26:14, Deuteronomy 26:14, Deuteronomy 12:6, Deuteronomy 14:22, Deuteronomy 14:29

18but thou schalt ete tho bifor thi Lord God, in the place which thi Lord God chees, thou, and thi sone, and douyter, seruaunt, and seruauntesse, and the dekene that dwellith in thi citees; and thou schalt be glad, and schalt be fillid bifor thi Lord God in alle thingis to whiche thou holdist forth thin hond.

stylus

Deuteronomy 12:7, Deuteronomy 12:7, Deuteronomy 14:23, Deuteronomy 14:23, Deuteronomy 12:5

19Be thou war lest thou forsake the dekene in al tyme, `in which thou lyuest in erthe.

stylus

2 Chronicles 31:4, 2 Chronicles 31:21, 2 Chronicles 31:4, 2 Chronicles 31:21, 2 Chronicles 11:13

20Whanne thi Lord God hath alargid thi termes, as he spak to thee, and thou wolt ete fleischis, whiche thi soule desirith,

stylus

Deuteronomy 19:8, Deuteronomy 19:8, Deuteronomy 11:24, Deuteronomy 11:24, Exodus 34:24

21forsothe if the place is fer, which thi Lord God chees, that his name be there, thou schalt sle of thin oxun, and scheep, whiche thou hast, as `the Lord comaundide to thee; and thou schalt ete in thi citees as it plesith thee.

stylus

Deuteronomy 12:5, Deuteronomy 12:5, Ezra 6:12, Deuteronomy 16:6, Deuteronomy 16:11

22As a capret and hert is etun, so thou schalt ete tho; bothe a cleene man and vncleene schulen ete therof in comyn.

stylus

Deuteronomy 12:15, Deuteronomy 12:16, Deuteronomy 12:15, Deuteronomy 12:16

23Oneli eschewe thou this, that thou ete not blood; for the blood `of tho beestis is for the lijf, and therfor thou owist not ete the lijf with fleischis,

stylus

Leviticus 17:11, Leviticus 17:11, Genesis 9:4, Genesis 9:4, Leviticus 17:13

24but thou schalt schede as watir `the blood on the erthe,

stylus

Deuteronomy 12:16, Deuteronomy 15:23, Deuteronomy 12:16, Deuteronomy 15:23

25that it be wel to thee, and to thi sones after thee, whanne thou hast do that, that plesith in the siyt of the Lord.

stylus

Isaiah 3:10, Deuteronomy 4:40, 1 Kings 11:38, Exodus 15:26, Isaiah 3:10

26Sotheli thou schalt take that that thou `auowidist, and halewidist to the Lord, and thou schalt come to the place which the Lord chees;

stylus

Numbers 18:19, Numbers 5:9, Numbers 5:10, Numbers 18:19, Numbers 5:9

27and thou schalt offre thin offryngis, fleischis, and blood, on the auter of thi Lord God; thou schalt schede in the auter the blood of sacrifices; forsothe thou schalt ete the fleischis.

stylus

Leviticus 17:11, Leviticus 1:13, Leviticus 1:9, Leviticus 17:11, Leviticus 1:13

28Kepe thou and here alle thingis whiche Y comaunde to thee, that it be wel to thee, and to thi sones after thee, with outen ende, whanne thou hast do that, that is good and plesaunt in the siyt of thi Lord God.

stylus

John 15:14, John 15:10, Deuteronomy 4:40, John 15:14, John 15:10

29Whanne thi Lord God hath distryed bifor thi face folkis, to whiche thou schalt entre to welde, and thou hast weldid tho folkis, and hast dwellid in `the lond of hem,

stylus

Joshua 23:4, Joshua 23:4, Deuteronomy 19:1, Deuteronomy 19:1, Exodus 23:23

30be thou war lest thou sue hem, aftir that thei ben distried, whanne thou entrist, and thou seke `the cerymonyes of hem, and seie, As these folkis worschipyden her goddis, so and Y schal worschipe.

stylus

Jeremiah 10:2, Ezekiel 20:32, Jeremiah 10:2, Ezekiel 20:32, Deuteronomy 7:16

31Thou schalt not do in lijk manere to thi Lord God; for thei diden to her goddis alle abhomynaciouns whiche the Lord wlatith, and offriden her sones and douytris, and brenten with fier.

stylus

Jeremiah 32:35, Jeremiah 32:35, 2 Kings 21:2, 2 Kings 17:15, 2 Kings 17:17

32Do thou to the Lord this thing oneli which Y comaunde to thee, nethir adde thou ony thing, nether abate.

stylus

Deuteronomy 4:2, Deuteronomy 4:2, Revelation 22:18, Revelation 22:19, Revelation 22:18