1In that tyme the Lord seide to me, Hewe thou twei tablis of stoon to thee, as the formere weren; and stie thou to me `in to the hil. And thou schalt make an arke,

stylus

Exodus 34:1, Exodus 34:2, Exodus 34:1, Exodus 34:2, Exodus 25:10

2`ether a cofere, of tree, and Y schal write in the tablis, the wordis that weren in these tablis whiche thou brakist bifore; and thou schalt putte tho tablis in to the arke.

stylus

1 Kings 8:9, 1 Kings 8:9, Deuteronomy 4:13, Exodus 40:20, Exodus 25:16

3Therfor Y made an ark of the trees of Sechim, and whanne Y hadde hewe twei tablis of stoon, at the licnesse of the formere tablis, Y stiede in to the hil, and hadde the tablis in the hondis.

stylus

Exodus 34:4, Exodus 34:4, Exodus 25:5, Exodus 37:1, Exodus 37:9

4And he wroot in the tablis, bi that that he `hadde writun bifore, ten wordis, whiche the Lord spak to you in the hil, fro the myddis of the fyer, whanne the puple was gaderid, and he yaf the tablis to me.

stylus

Deuteronomy 9:10, Deuteronomy 9:10, Exodus 34:28, Exodus 34:28, Deuteronomy 18:16

5And Y turnide ayen fro the hil, and cam doun, and puttide the tablis in to the arke which Y hadde maad, `whiche tablis ben there hidur to, as the Lord comaundide to me.

stylus

Exodus 40:20, Exodus 34:29, Exodus 40:20, Exodus 34:29, Exodus 25:16

6Forsothe the sones of Israel moueden tentis fro Beroth of the sones of Jachan in to Mosera, where Aaron was deed, and biried, for whom his sone Eleazar was set in preesthod.

stylus

Numbers 33:38, Numbers 33:38, Numbers 20:23, Numbers 20:28, Numbers 20:23

7Fro thennus thei camen in to Galgad; fro which place thei yeden forth, and settiden tentis in Jehabatha, in the lond of watris and of strondis.

stylus

Numbers 33:32, Numbers 33:34, Numbers 33:32, Numbers 33:34

8In that tyme Y departide the lynage of Leuy, that it schulde bere the arke of boond of pees of the Lord, and schulde stonde bifor hym in seruyce, and schulde blesse in his name til in to present dai.

stylus

Deuteronomy 21:5, Deuteronomy 21:5, Numbers 4:15, Deuteronomy 18:5, Numbers 4:15

9For which thing Leuy hadde not part, nether possession with hise brithren, for the Lord hym silf is his possessioun, as thi Lord God bihiyte to hym.

stylus

Numbers 18:20, Numbers 18:24, Ezekiel 44:28, Deuteronomy 18:1, Deuteronomy 18:2

10Forsothe Y stood in the hil as bifore, fourti daies and fourti niytis, and the Lord herde me also in this tyme, and nolde leese thee.

stylus

Exodus 34:28, Deuteronomy 9:18, Deuteronomy 9:19, Deuteronomy 9:25, Exodus 34:28

11And he seide to me, Go thou, and go bifor this puple, that it entre, and welde the lond which Y swoor to her fadris, that Y schulde yeue to hem.

stylus

Exodus 32:34, Exodus 33:1, Exodus 32:34, Exodus 33:1

12And now, Israel, what axith thi Lord God of thee, no but that thou drede thi Lord, and go in hise weies, and that thou loue hym, and serue thi Lord God in al thin herte, and in al thi soule;

stylus

Deuteronomy 6:5, Deuteronomy 6:5, Micah 6:8, Micah 6:8, Luke 10:27

13and that thou kepe the comaundementis of thi Lord God, and the cerymonyes of hym, whiche Y comaunde to thee to dai, that it be wel to thee.

stylus

Jeremiah 32:39, Jeremiah 32:39, Deuteronomy 6:24, Deuteronomy 6:24, James 1:25

14Lo! heuene is of thi Lord God, and heuene of heuene; the erthe and alle thingis that ben ther ynne ben hise;

stylus

Exodus 19:5, Exodus 19:5, Psalms 24:1, Psalms 24:1, Psalms 115:16

15and netheles the Lord was glued to thi fadris, and louede hem, and he chees her seed after hem, and you of alle folkis, as it is preued to dai.

stylus

Deuteronomy 4:37, Deuteronomy 4:37, Deuteronomy 7:7, Deuteronomy 7:8, Numbers 14:8

16Therfor circumcide ye the prepucie, `ethir vnclennesse, of youre herte , and no more make ye harde youre nol.

stylus

Jeremiah 4:4, Jeremiah 4:4, Deuteronomy 30:6, Deuteronomy 30:6, Leviticus 26:41

17For youre Lord God hym silf is God of goddis, and Lord of lordis, `God greet, and miyti, and feerdful, which takith not persoone, nether yiftis.

stylus

Acts 10:34, Acts 10:34, Romans 2:11, Romans 2:11, Nehemiah 9:32

18He makith doom to the fadirles, and modirles, and to the widewe; he loueth a pilgrym, and yyueth to hym lyiflode and clothing.

stylus

Psalms 146:9, Psalms 146:9, Psalms 68:5, Psalms 68:5, Jeremiah 49:11

19And therfor `loue ye pilgryms, for also ye weren comelyngis in the lond of Egipt.

stylus

Exodus 22:21, Leviticus 19:33, Leviticus 19:34, Exodus 22:21, Leviticus 19:33

20Thou schalt drede thi Lord God, and thou schalt serue hym aloone, and thou schalt cleue to hym, and thou schalt swere in his name.

stylus

Deuteronomy 6:13, Deuteronomy 6:13, Deuteronomy 13:4, Deuteronomy 13:4, Luke 4:8

21He is thi preisyng, and thi God, that made to thee these grete dedis, and ferdful, whiche thin iyen siyen.

stylus

Jeremiah 17:14, Jeremiah 17:14, Psalms 106:21, Psalms 106:22, Psalms 106:21

22In seuenti men thi fadris yeden doun in to Egipt, and lo! now thi Lord God hath multiplied thee as the sterris of heuene.

stylus

Genesis 46:27, Genesis 46:27, Genesis 15:5, Exodus 1:5, Genesis 15:5