Psalmi 93 Comparatio: Vulgate vs Clementine Vulgate

Psalmi 93

¹psalmus David quarta sabbati Deus ultionum Dominus Deus ultionum libere egit Deus ultionum Domine Deus ultionum ostendere

²exaltare qui iudicas terram redde retributionem superbis elevare qui iudicas terram redde vicissitudinem superbis

³usquequo peccatores Domine usquequo peccatores gloriabuntur usquequo impii Domine usquequo impii exultabunt

⁴effabuntur et loquentur iniquitatem loquentur omnes qui operantur iniustitiam fluent loquentes antiquum garrient omnes qui operantur iniquitatem

⁵populum tuum Domine humiliaverunt et hereditatem tuam vexaverunt populum tuum Domine conterent et hereditatem tuam adfligent

⁶viduam et advenam interfecerunt et pupillos occiderunt viduam et advenam interficient et pupillos occident

⁷et dixerunt non videbit Dominus nec intelleget Deus Iacob et dixerunt non videbit Dominus et non intelleget Deus Iacob

⁸intellegite qui insipientes estis in populo et stulti aliquando sapite intellegite stulti in populo et insipientes aliquando discite

⁹qui plantavit aurem non audiet aut qui finxit oculum non considerat qui plantavit aurem non audiet aut qui finxit oculum non videbit

¹⁰qui corripit gentes non arguet qui docet hominem scientiam qui erudit gentes non arguet qui docet hominem scientiam

¹¹Dominus scit cogitationes hominum quoniam vanae sunt Dominus novit cogitationes hominum quia vanae sunt

¹²beatus homo quem tu erudieris Domine et de lege tua docueris eum beatus vir quem erudieris Domine et de lege tua docueris eum

¹³ut mitiges ei a diebus malis donec fodiatur peccatori fovea ut quiescat a diebus adflictionis donec fodiatur impio interitus

¹⁴quia non repellet Dominus plebem suam et hereditatem suam non derelinquet non enim derelinquet Dominus populum suum et hereditatem suam non deseret

¹⁵quoadusque iustitia convertatur in iudicium et qui iuxta illam omnes qui recto sunt corde diapsalma quoniam ad iustitiam revertetur iudicium et sequentur illud omnes recti corde

¹⁶quis consurget mihi adversus malignantes aut quis stabit mecum adversus operantes iniquitatem quis stabit pro me adversum malos quis stabit pro me adversum operarios iniquitatis

¹⁷nisi quia Dominus adiuvit me paulo minus habitavit in inferno anima mea nisi quia Dominus auxiliator meus paulo minus habitasset in inferno anima mea

¹⁸si dicebam motus est pes meus misericordia tua Domine adiuvabat me si dicebam commotus est pes meus misericordia tua Domine sustentabat me

¹⁹secundum multitudinem dolorum meorum in corde meo consolationes tuae laetificaverunt animam meam in multitudine cogitationum mearum quae sunt in me intrinsecus consolationes tuae delectabunt animam meam

²⁰numquid aderit tibi sedis iniquitatis qui fingis dolorem in praecepto numquid particeps erit tui thronus insidiarum fingens laborem in praecepto

²¹captabunt in animam iusti et sanguinem innocentem condemnabunt copulabuntur adversus animam iusti et sanguinem innocentem condemnabunt

²²et factus est Dominus mihi in refugium et Deus meus in adiutorem spei meae erit autem Dominus mihi in refugium et Deus meus quasi petra spei meae

²³et reddet illis iniquitatem ipsorum et in malitia eorum disperdet eos disperdet illos Dominus Deus noster et restitues super eos iniquitatem suam et in malitia sua perdes eos perdet eos Dominus Deus noster

Psalmi 93

¹Psalmus ipsi David, quarta sabbati. Deus ultionum Dominus ; Deus ultionum libere egit.

²Exaltare, qui judicas terram ; redde retributionem superbis.

³Usquequo peccatores, Domine, usquequo peccatores gloriabuntur ;

⁴effabuntur et loquentur iniquitatem ; loquentur omnes qui operantur injustitiam ?

⁵Populum tuum, Domine, humiliaverunt, et hæreditatem tuam vexaverunt.

⁶Viduam et advenam interfecerunt, et pupillos occiderunt.

⁷Et dixerunt : Non videbit Dominus, nec intelliget Deus Jacob.

⁸Intelligite, insipientes in populo ; et stulti, aliquando sapite.

⁹Qui plantavit aurem non audiet ? aut qui finxit oculum non considerat ?

¹⁰Qui corripit gentes non arguet, qui docet hominem scientiam ?

¹¹Dominus scit cogitationes hominum, quoniam vanæ sunt.

¹²Beatus homo quem tu erudieris, Domine, et de lege tua docueris eum :

¹³ut mitiges ei a diebus malis, donec fodiatur peccatori fovea.

¹⁴Quia non repellet Dominus plebem suam, et hæreditatem suam non derelinquet,

¹⁵quoadusque justitia convertatur in judicium : et qui juxta illam, omnes qui recto sunt corde.

¹⁶Quis consurget mihi adversus malignantes ? aut quis stabit mecum adversus operantes iniquitatem ?

¹⁷Nisi quia Dominus adjuvit me, paulominus habitasset in inferno anima mea.

¹⁸Si dicebam : Motus est pes meus : misericordia tua, Domine, adjuvabat me.

¹⁹Secundum multitudinem dolorum meorum in corde meo, consolationes tuæ lætificaverunt animam meam.

²⁰Numquid adhæret tibi sedes iniquitatis, qui fingis laborem in præcepto ?

²¹Captabunt in animam justi, et sanguinem innocentem condemnabunt.

²²Et factus est mihi Dominus in refugium, et Deus meus in adjutorium spei meæ.

²³Et reddet illis iniquitatem ipsorum, et in malitia eorum disperdet eos : disperdet illos Dominus Deus noster.