Psalmi 91

¹psalmus cantici in die sabbati psalmus cantici in die sabbati

²bonum est confiteri Domino et psallere nomini tuo Altissime bonum est confiteri Domino et psallere nomini tuo Altissime

³ad adnuntiandum mane misericordiam tuam et veritatem tuam per noctem ad adnuntiandam mane misericordiam tuam et fidem tuam in nocte

⁴in decacordo psalterio cum cantico in cithara in decacordo et in psalterio in cantico in cithara

⁵quia delectasti me Domine in factura tua et in operibus manuum tuarum exultabo quoniam laetificasti me Domine in opere tuo in facturis manuum tuarum laudabo

⁶quam magnificata sunt opera tua Domine nimis profundae factae sunt cogitationes tuae quam magnificata sunt opera tua Domine satis profundae factae sunt cogitationes tuae

⁷vir insipiens non cognoscet et stultus non intelleget haec vir insipiens non cognoscet et stultus non intelleget istud

⁸cum exorti fuerint peccatores sicut faenum et apparuerint omnes qui operantur iniquitatem ut intereant in saeculum saeculi germinaverunt impii quasi faenum et floruerunt omnes qui operantur iniquitatem ut contererentur usque in sempiternum

⁹tu autem Altissimus in aeternum Domine tu autem Excelsus in aeternum Domine

¹⁰*quoniam ecce inimici tui Domine; quoniam ecce inimici tui peribunt et dispergentur omnes qui operantur iniquitatem ecce enim inimici tui Domine ecce inimici tui peribunt et dissipabuntur omnes qui operantur iniquitatem

¹¹et exaltabitur sicut unicornis cornu meum et senectus mea in misericordia uberi et exaltabitur quasi monocerotis cornu meum et senecta mea in oleo uberi

¹²et despexit oculus meus inimicis meis et insurgentibus in me malignantibus audiet auris mea et dispiciet oculus meus eos qui insidiantur mihi de his qui consurgunt adversum me malignantibus audit auris mea

¹³iustus ut palma florebit ut cedrus Libani multiplicabitur iustus ut palma florebit ut cedrus in Libano multiplicabitur

¹⁴plantati in domo Domini in atriis Dei nostri florebunt transplantati in domo Domini in atriis Dei nostri germinabunt

¹⁵adhuc multiplicabuntur in senecta uberi et bene patientes erunt adhuc fructificabunt in senectute pingues et frondentes erunt

¹⁶ut adnuntient quoniam rectus Dominus Deus noster et non est iniquitas in eo adnuntiantes quia rectus Dominus fortitudo mea et non est iniquitas in eo

Psalmi 91

¹Psalmus cantici, in die sabbati.

²Bonum est confiteri Domino, et psallere nomini tuo, Altissime :

³ad annuntiandum mane misericordiam tuam, et veritatem tuam per noctem,

⁴in decachordo, psalterio ; cum cantico, in cithara.

⁵Quia delectasti me, Domine, in factura tua ; et in operibus manuum tuarum exsultabo.

⁶Quam magnificata sunt opera tua, Domine ! nimis profundæ factæ sunt cogitationes tuæ.

⁷Vir insipiens non cognoscet, et stultus non intelliget hæc.

⁸Cum exorti fuerint peccatores sicut fœnum, et apparuerint omnes qui operantur iniquitatem, ut intereant in sæculum sæculi :

⁹tu autem Altissimus in æternum, Domine.

¹⁰Quoniam ecce inimici tui, Domine, quoniam ecce inimici tui peribunt ; et dispergentur omnes qui operantur iniquitatem.

¹¹Et exaltabitur sicut unicornis cornu meum, et senectus mea in misericordia uberi.

¹²Et despexit oculus meus inimicos meos, et in insurgentibus in me malignantibus audiet auris mea.

¹³Justus ut palma florebit ; sicut cedrus Libani multiplicabitur.

¹⁴Plantati in domo Domini, in atriis domus Dei nostri florebunt.

¹⁵Adhuc multiplicabuntur in senecta uberi, et bene patientes erunt :

¹⁶ut annuntient quoniam rectus Dominus Deus noster, et non est iniquitas in eo.