Psalmi 7

¹psalmus David quem cantavit Domino pro verbis Chusi filii Iemini pro ignoratione David quod cecinit Domino super verbis Aethiopis filii Iemini

²Domine Deus meus in te speravi salvum me fac ex omnibus persequentibus me et libera me Domine Deus meus in te speravi salva me ab omnibus persequentibus me et libera me

³nequando rapiat ut leo animam meam dum non est qui redimat neque qui salvum faciat ne forte capiat ut leo animam meam laceret et non sit qui eruat

⁴Domine Deus meus si feci istud si est iniquitas in manibus meis Domine Deus meus si feci istud si est iniquitas in manibus meis

⁵si reddidi retribuentibus mihi mala decidam merito ab inimicis meis inanis si reddidi retribuentibus mihi malum et dimisi hostes meos vacuos

⁶persequatur inimicus animam meam et conprehendat et conculcet in terra vitam meam et gloriam meam in pulverem deducat diapsalma persequatur inimicus animam meam et adprehendat et conculcet in terra vitam meam et gloriam meam in pulverem conlocet semper

⁷exsurge Domine in ira tua exaltare in finibus inimicorum meorum et exsurge Domine Deus meus in praecepto quod mandasti surge Domine in furore tuo elevare indignans super hostes meos et consurge ad me iudicio quod mandasti

⁸et synagoga populorum circumdabit te et propter hanc in altum regredere et congregatio tribuum circumdet te et pro hac in altum revertere

⁹Dominus iudicat populos iudica me Domine secundum iustitiam meam et secundum innocentiam meam super me Dominus iudicabit populos iudica me Domine secundum iustitiam meam et secundum simplicitatem meam quae est in me

¹⁰consummetur nequitia peccatorum et diriges iustum et scrutans corda et renes Deus consumatur malum iniquorum et confirmetur iustitia probator cordis et renum Deus iustus

¹¹iustum adiutorium meum a Deo qui salvos facit rectos corde clipeus meus in Deo qui salvat rectos corde

¹²Deus iudex iustus et fortis et patiens numquid irascitur per singulos dies Deus iudex iustus et fortis comminans tota die

¹³nisi conversi fueritis gladium suum vibrabit arcum suum tetendit et paravit illum non convertenti gladium suum acuet arcum suum tetendit et paravit illum

¹⁴et in eo paravit vasa mortis sagittas suas ardentibus effecit et in ipso praeparavit vasa mortis sagittas suas ad conburendum operatus est

¹⁵ecce parturiit iniustitiam *et; concepit dolorem et peperit iniquitatem ecce parturit iniquitatem et concepto dolore peperit mendacium

¹⁶lacum aperuit et effodit eum et incidet in foveam quam fecit lacum aperuit et effodit eum et incidet in interitum quem operatus est

¹⁷convertetur dolor eius in caput eius et in verticem ipsius iniquitas eius descendet revertetur dolor suus in caput eius et super verticem eius iniquitas sua descendet

¹⁸confitebor Domino secundum iustitiam eius et psallam nomini Domini altissimi confitebor Domino secundum iustitiam eius et cantabo nomini Domini altissimi

Psalmi 7

¹Psalmus David, quem cantavit Domino pro verbis Chusi, filii Jemini.

²Domine Deus meus, in te speravi ; salvum me fac ex omnibus persequentibus me, et libera me :

³nequando rapiat ut leo animam meam, dum non est qui redimat, neque qui salvum faciat.

⁴Domine Deus meus, si feci istud, si est iniquitas in manibus meis,

⁵si reddidi retribuentibus mihi mala, decidam merito ab inimicis meis inanis.

⁶Persequatur inimicus animam meam, et comprehendat ; et conculcet in terra vitam meam, et gloriam meam in pulverem deducat.

⁷Exsurge, Domine, in ira tua, et exaltare in finibus inimicorum meorum : et exsurge, Domine Deus meus, in præcepto quod mandasti,

⁸et synagoga populorum circumdabit te : et propter hanc in altum regredere :

⁹Dominus judicat populos. Judica me, Domine, secundum justitiam meam, et secundum innocentiam meam super me.

¹⁰Consumetur nequitia peccatorum, et diriges justum, scrutans corda et renes, Deus.

¹¹Justum adjutorium meum a Domino, qui salvos facit rectos corde.

¹²Deus judex justus, fortis, et patiens ; numquid irascitur per singulos dies ?

¹³Nisi conversi fueritis, gladium suum vibrabit ; arcum suum tetendit, et paravit illum.

¹⁴Et in eo paravit vasa mortis, sagittas suas ardentibus effecit.

¹⁵Ecce parturiit injustitiam ; concepit dolorem, et peperit iniquitatem.

¹⁶Lacum aperuit, et effodit eum ; et incidit in foveam quam fecit.

¹⁷Convertetur dolor ejus in caput ejus, et in verticem ipsius iniquitas ejus descendet.

¹⁸Confitebor Domino secundum justitiam ejus, et psallam nomini Domini altissimi.