Psalmi 58

¹in finem ne disperdas David in tituli inscriptione quando misit Saul et custodivit domum eius ut interficeret eum victori ut non disperdas David humilem et simplicem quando misit Saul et custodierunt domum ut occiderent eum

²eripe me de inimicis meis Deus et ab insurgentibus in me libera me erue me de inimicis meis Deus meus et a resistentibus mihi protege me

³eripe me de operantibus iniquitatem et de viris sanguinum salva me libera me ab operariis iniquitatis et a viris sanguinum salva me

⁴quia ecce ceperunt animam meam inruerunt in me fortes quia ecce insidiati sunt animae meae congregantur adversum me fortissimi

⁵neque iniquitas mea neque peccatum meum Domine sine iniquitate cucurri et direxi absque iniquitate mea et absque peccato meo Domine non egi inique et illi currunt et praeparantur

⁶exsurge in occursum meum et vide et tu Domine Deus virtutum Deus Israhel intende ad visitandas omnes gentes non miserearis omnibus qui operantur iniquitatem diapsalma surge ex adverso pro me et respice et tu Domine Deus exercituum Deus Israhel evigila ut visites omnes gentes non miserearis universis qui operantur iniquitatem semper

⁷convertentur ad vesperam et famem patientur ut canes et circuibunt civitatem revertantur ad vesperam et latrent ut canis et circumeant civitatem

⁸ecce loquentur in ore suo et gladius in labiis eorum quoniam quis audivit ecce loquuntur in ore suo gladii in labiis eorum quasi nemo audiat

⁹et tu Domine deridebis eos ad nihilum deduces omnes gentes tu autem Domine deridebis eos subsannabis omnes gentes

¹⁰fortitudinem meam ad te custodiam quia Deus susceptor meus fortitudinem meam ad te servabo quoniam tu Deus elevator meus

¹¹Deus meus voluntas eius praeveniet me Dei mei misericordia praeveniet me

¹²Deus ostendet mihi super inimicos meos ne occidas eos nequando obliviscantur populi mei disperge illos in virtute tua et depone eos protector meus Domine Deus ostendit mihi in insidiatoribus meis ne occidas eos ne forte obliviscantur populi mei disperge eos in fortitudine tua et destrue eos protector noster Domine

¹³delictum oris eorum sermonem labiorum ipsorum et conprehendantur in superbia sua et de execratione et mendacio adnuntiabuntur in peccato oris sui in sermone labiorum suorum et capiantur in superbia sua maledictionem et mendacium narrantes

¹⁴in consummatione in ira consummationis et non erunt et scient quia Deus dominatur Iacob finium terrae diapsalma consume in furore consume ut non subsistant et sciant quoniam Deus dominatur Iacob in finibus terrae semper

¹⁵convertentur ad vesperam et famem patientur ut canes et circuibunt civitatem et convertantur ad vesperam et latrent ut canis et circumeant civitatem

¹⁶ipsi dispergentur ad manducandum si vero non fuerint saturati et murmurabunt ipsi vagabuntur ut comedant et cum saturati non fuerint murmurabunt

¹⁷ego autem cantabo fortitudinem tuam et exultabo mane misericordiam tuam quia factus es susceptor meus et refugium meum in die tribulationis meae ego autem cantabo imperium tuum et laudabo mane misericordiam tuam quoniam factus es fortitudo mea et refugium in die tribulationis meae

¹⁸adiutor meus tibi psallam quia Deus susceptor meus es Deus meus misericordia mea tibi cantabo quoniam Deus adiutor meus fortitudo mea Deus misericordia mea

Psalmi 58

¹In finem, ne disperdas. David in tituli inscriptionem, quando misit Saul et custodivit domum ejus ut eum interficeret.

²Eripe me de inimicis meis, Deus meus, et ab insurgentibus in me libera me.

³Eripe me de operantibus iniquitatem, et de viris sanguinum salva me.

⁴Quia ecce ceperunt animam meam ; irruerunt in me fortes.

⁵Neque iniquitas mea, neque peccatum meum, Domine ; sine iniquitate cucurri, et direxi.

⁶Exsurge in occursum meum, et vide : et tu, Domine Deus virtutum, Deus Israël, intende ad visitandas omnes gentes : non miserearis omnibus qui operantur iniquitatem.

⁷Convertentur ad vesperam, et famem patientur ut canes : et circuibunt civitatem.

⁸Ecce loquentur in ore suo, et gladius in labiis eorum : quoniam quis audivit ?

⁹Et tu, Domine, deridebis eos ; ad nihilum deduces omnes gentes.

¹⁰Fortitudinem meam ad te custodiam, quia, Deus, susceptor meus es :

¹¹Deus meus misericordia ejus præveniet me.

¹²Deus ostendet mihi super inimicos meos : ne occidas eos, nequando obliviscantur populi mei. Disperge illos in virtute tua, et depone eos, protector meus, Domine :

¹³delictum oris eorum, sermonem labiorum ipsorum ; et comprehendantur in superbia sua. Et de execratione et mendacio annuntiabuntur

¹⁴in consummatione : in ira consummationis, et non erunt. Et scient quia Deus dominabitur Jacob, et finium terræ.

¹⁵Convertentur ad vesperam, et famem patientur ut canes : et circuibunt civitatem.

¹⁶Ipsi dispergentur ad manducandum ; si vero non fuerint saturati, et murmurabunt.

¹⁷Ego autem cantabo fortitudinem tuam, et exsultabo mane misericordiam tuam : quia factus es susceptor meus, et refugium meum in die tribulationis meæ.

¹⁸Adjutor meus, tibi psallam, quia Deus susceptor meus es ; Deus meus, misericordia mea.