Psalmi 5

¹in finem pro ea quae hereditatem consequitur psalmus David victori pro hereditatibus canticum David

²verba mea auribus percipe Domine intellege clamorem meum verba mea audi Domine intellege murmur meum

³intende voci orationis meae rex meus et Deus meus rex meus et Deus meus

⁴quoniam ad te orabo Domine mane exaudies vocem meam quia te deprecor Domine mane audies vocem meam

⁵mane adstabo tibi et videbo quoniam non deus volens iniquitatem tu es mane praeparabor ad te et contemplabor quoniam non es deus volens iniquitatem tu

⁶neque habitabit iuxta te malignus neque permanebunt iniusti ante oculos tuos nec habitabit iuxta te malignus non stabunt iniqui in conspectu oculorum tuorum

⁷odisti omnes qui operantur iniquitatem perdes omnes qui loquuntur mendacium virum sanguinum et dolosum abominabitur Dominus odisti omnes operantes iniquitatem perdes loquentes mendacium virum sanguinum et dolosum abominabitur Dominus

⁸ego autem in multitudine misericordiae tuae introibo in domum tuam adorabo ad templum sanctum tuum in timore tuo ego autem in multitudine misericordiae tuae introibo in domum tuam adorabo in templo sancto tuo in timore tuo

⁹Domine deduc me in iustitia tua propter inimicos meos dirige in conspectu meo viam tuam Domine deduc me in iustitia tua propter insidiatores meos dirige ante faciem meam viam tuam

¹⁰quoniam non est in ore eorum veritas cor eorum vanum est non est enim in ore eorum rectum interiora eorum insidiae

¹¹sepulchrum patens est guttur eorum linguis suis dolose agebant iudica illos Deus decidant a cogitationibus suis secundum multitudinem impietatum eorum expelle eos quoniam inritaverunt te Domine sepulchrum patens guttur eorum linguam suam levificant condemna eos Deus decidant a consiliis suis iuxta multitudinem scelerum eorum expelle eos quoniam provocaverunt te

¹²et laetentur omnes qui sperant in te in aeternum exultabunt et habitabis in eis et gloriabuntur in te omnes qui diligunt nomen tuum et laetentur omnes qui sperant in te in perpetuum laudabunt et proteges eos et laetabuntur in te qui diligunt nomen tuum

¹³quoniam tu benedices iusto Domine ut scuto bonae voluntatis coronasti nos quia tu benedices iusto Domine ut scuto placabilitatis coronabis eum

Psalmi 5

¹In finem, pro ea quæ hæreditatem consequitur. Psalmus David.

²Verba mea auribus percipe, Domine ; intellige clamorem meum.

³Intende voci orationis meæ, rex meus et Deus meus.

⁴Quoniam ad te orabo, Domine : mane exaudies vocem meam.

⁵Mane astabo tibi, et videbo quoniam non Deus volens iniquitatem tu es.

⁶Neque habitabit juxta te malignus, neque permanebunt injusti ante oculos tuos.

⁷Odisti omnes qui operantur iniquitatem ; perdes omnes qui loquuntur mendacium. Virum sanguinum et dolosum abominabitur Dominus.

⁸Ego autem in multitudine misericordiæ tuæ introibo in domum tuam ; adorabo ad templum sanctum tuum in timore tuo.

⁹Domine, deduc me in justitia tua : propter inimicos meos dirige in conspectu tuo viam meam.

¹⁰Quoniam non est in ore eorum veritas ; cor eorum vanum est.

¹¹Sepulchrum patens est guttur eorum ; linguis suis dolose agebant : judica illos, Deus. Decidant a cogitationibus suis ; secundum multitudinem impietatum eorum expelle eos, quoniam irritaverunt te, Domine.

¹²Et lætentur omnes qui sperant in te ; in æternum exsultabunt, et habitabis in eis. Et gloriabuntur in te omnes qui diligunt nomen tuum,

¹³quoniam tu benedices justo. Domine, ut scuto bonæ voluntatis tuæ coronasti nos.