Psalmi 49

¹psalmus Asaph Deus deorum Dominus locutus est et vocavit terram a solis ortu usque ad occasum canticum Asaph fortis Deus Dominus locutus est et vocavit terram ab ortu solis usque ad occasum eius

²ex Sion species decoris eius de Sion perfecta decore Deus apparuit

³Deus manifeste veniet Deus noster et non silebit ignis in conspectu eius exardescet et in circuitu eius tempestas valida veniet Deus noster et non tacebit ignis coram eo vorabit et in circuitu eius tempestas valida

⁴advocabit caelum desursum et terram discernere populum suum vocabit caelum desursum et terram ut iudicet populum suum

⁵congregate illi sanctos eius qui ordinant testamentum eius super sacrificia congregate mihi sanctos meos qui feriunt pactum meum in sacrificio

⁶et adnuntiabunt caeli iustitiam eius quoniam Deus iudex est diapsalma et adnuntiabunt caeli iustitiam eius quia Deus iudex est semper

⁷audi populus meus et loquar tibi Israhel et testificabor tibi Deus Deus tuus ego sum audi popule meus et loquar Israhel et contestabor te Deus Deus tuus ego sum

⁸non in sacrificiis tuis arguam te holocausta autem tua in conspectu meo sunt semper non propter victimas tuas arguam te et holocaustomata tua coram me sunt semper

⁹non accipiam de domo tua vitulos neque de gregibus tuis hircos non accipiam de domo tua vitulum neque de gregibus tuis hircos

¹⁰quoniam meae sunt omnes ferae silvarum iumenta in montibus et boves mea sunt enim omnia animalia silvarum pecudes in montibus milium

¹¹cognovi omnia volatilia caeli et pulchritudo agri mecum est scio omnes aves montium et universitas agri mecum est

¹²si esuriero non dicam tibi meus est enim orbis terrae et plenitudo eius si esuriero non dicam tibi meus est enim orbis et plenitudo eius

¹³numquid manducabo carnes taurorum aut sanguinem hircorum potabo numquid comedam carnem taurorum aut sanguinem hircorum bibam

¹⁴immola Deo sacrificium laudis et redde Altissimo vota tua immola Deo laudem et redde Altissimo vota tua

¹⁵et invoca me in die tribulationis et eruam te et honorificabis me diapsalma et invoca me in die tribulationis liberabo te et glorificabis me

¹⁶peccatori autem dixit Deus quare tu enarras iustitias meas et adsumis testamentum meum per os tuum impio autem dixit Deus quid tibi est cum narratione praeceptorum meorum et ut adsumas pactum meum in ore tuo

¹⁷tu vero odisti disciplinam et proiecisti sermones meos retrorsum qui odisti disciplinam et proiecisti verba mea post te

¹⁸si videbas furem currebas cum eo et cum adulteris portionem tuam ponebas si videbas furem consentiebas ei et cum adulteris erat pars tua

¹⁹os tuum abundavit malitia et lingua tua concinnabat dolos os tuum dimisisti ad malitiam et lingua tua concinnavit dolum

²⁰sedens adversus fratrem tuum loquebaris et adversus filium matris tuae ponebas scandalum sedens adversum fratrem tuum loquebaris et adversum filium matris tuae fabricabaris obprobrium

²¹haec fecisti et tacui existimasti inique quod ero tui similis arguam te et statuam contra faciem tuam haec fecisti et tacui existimasti futurum me similem tui arguam te et proponam te ante oculos tuos

²²intellegite nunc haec qui obliviscimini Deum nequando rapiat et non sit qui eripiat intellegite hoc qui obliviscimini Deum ne forte capiam et non sit qui liberet

²³sacrificium laudis honorificabit me et illic iter quod ostendam illi salutare Dei qui immolat confessionem glorificat me et qui ordinate ambulat ostendam ei salutare Dei

Psalmi 49

¹Psalmus Asaph. Deus deorum Dominus locutus est, et vocavit terram a solis ortu usque ad occasum.

²Ex Sion species decoris ejus :

³Deus manifeste veniet ; Deus noster, et non silebit. Ignis in conspectu ejus exardescet ; et in circuitu ejus tempestas valida.

⁴Advocabit cælum desursum, et terram, discernere populum suum.

⁵Congregate illi sanctos ejus, qui ordinant testamentum ejus super sacrificia.

⁶Et annuntiabunt cæli justitiam ejus, quoniam Deus judex est.

⁷Audi, populus meus, et loquar ; Israël, et testificabor tibi : Deus, Deus tuus ego sum.

⁸Non in sacrificiis tuis arguam te ; holocausta autem tua in conspectu meo sunt semper.

⁹Non accipiam de domo tua vitulos, neque de gregibus tuis hircos :

¹⁰quoniam meæ sunt omnes feræ silvarum, jumenta in montibus, et boves.

¹¹Cognovi omnia volatilia cæli, et pulchritudo agri mecum est.

¹²Si esuriero, non dicam tibi : meus est enim orbis terræ et plenitudo ejus.

¹³Numquid manducabo carnes taurorum ? aut sanguinem hircorum potabo ?

¹⁴Immola Deo sacrificium laudis, et redde Altissimo vota tua.

¹⁵Et invoca me in die tribulationis : eruam te, et honorificabis me.

¹⁶Peccatori autem dixit Deus : Quare tu enarras justitias meas ? et assumis testamentum meum per os tuum ?

¹⁷Tu vero odisti disciplinam, et projecisti sermones meos retrorsum.

¹⁸Si videbas furem, currebas cum eo ; et cum adulteris portionem tuam ponebas.

¹⁹Os tuum abundavit malitia, et lingua tua concinnabat dolos.

²⁰Sedens adversus fratrem tuum loquebaris, et adversus filium matris tuæ ponebas scandalum.

²¹Hæc fecisti, et tacui. Existimasti inique quod ero tui similis : arguam te, et statuam contra faciem tuam.

²²Intelligite hæc, qui obliviscimini Deum, nequando rapiat, et non sit qui eripiat.

²³Sacrificium laudis honorificabit me, et illic iter quo ostendam illi salutare Dei.