Psalmi 48

¹in finem filiis Core psalmus victori filiorum Core canticum

²audite haec omnes gentes auribus percipite omnes qui habitatis orbem audite hoc omnes populi auribus percipite universi habitatores occidentis

³quique terriginae et filii hominum in unum dives et pauper tam filii Adam quam filii singulorum simul dives et pauper

⁴os meum loquetur sapientiam et meditatio cordis mei prudentiam os meum loquitur sapientias et meditatio cordis mei prudentias

⁵inclinabo in parabolam aurem meam aperiam in psalterio propositionem meam inclino ad parabulam aurem meam aperiam in cithara enigma meum

⁶cur timebo in die malo iniquitas calcanei mei circumdabit me quare timebo in diebus mali iniquitas calcanei mei circumdabit me

⁷qui confidunt in virtute sua et in multitudine divitiarum suarum gloriantur qui fiduciam habent in fortitudine sua et in multitudine divitiarum suarum superbiunt

⁸frater non redimit redimet homo non dabit Deo placationem suam fratrem redimens non redimet vir nec dabit Deo propitiationem pro eo

⁹et pretium redemptionis animae suae et laboravit in aeternum neque pretium redemptionis animae eorum sed quiescet in saeculo

¹⁰et vivet * adhuc; in finem et vivet ultra in sempiternum

¹¹non videbit interitum cum viderit sapientes morientes simul insipiens et stultus peribunt et relinquent alienis divitias suas et non videbit interitum cum viderit sapientes morientes simul insipiens et indoctus peribunt et derelinquent alienis divitias suas

¹²et sepulchra eorum domus illorum in aeternum tabernacula eorum in progeniem et progeniem vocaverunt nomina sua in terris suis interiora sua domus suas in saeculo tabernacula sua in generatione et generatione vocaverunt nominibus suis terras suas

¹³et homo cum in honore esset non intellexit conparatus est iumentis insipientibus et similis factus est illis et homo in honore non commorabitur adsimilatus est iumentis et exaequatus est

¹⁴haec via illorum scandalum ipsis et postea in ore suo conplacebunt diapsalma haec est via insipientiae eorum et post eos iuxta os eorum current semper

¹⁵sicut oves in inferno positi sunt mors depascet eos et dominabuntur eorum iusti in matutino et auxilium eorum veterescet in inferno a gloria eorum quasi grex in inferno positi sunt mors pascet eos et subicient eos recti in matutino et figura eorum conteretur in inferno post habitaculum suum

¹⁶verumtamen Deus redimet animam meam de manu inferi cum acceperit me diapsalma verumtamen Deus redimet animam meam de manu inferi cum adsumpserit me semper

¹⁷ne timueris cum dives factus fuerit homo et cum multiplicata fuerit gloria domus eius noli timere cum ditatus fuerit vir cum multiplicata fuerit gloria domus eius

¹⁸quoniam cum interierit non sumet omnia neque descendet cum eo *pone; gloria eius neque enim moriens tollet omnia nec descendet post eum gloria eius

¹⁹quia anima eius in vita ipsius benedicetur confitebitur tibi cum benefeceris ei quia animae suae in vita sua benedicet laudabunt inquient te cum benefeceris tibi

²⁰introibit usque in progenies patrum suorum usque in aeternum non videbit lumen intrabit usque ad generationes patrum suorum usque ad finem non videbunt lucem

²¹homo in honore cum esset non intellexit conparatus est iumentis insipientibus et similis factus est illis homo cum in honore esset non intellexit conparavit se iumentis et silebitur

Psalmi 48

¹In finem, filiis Core. Psalmus.

²Audite hæc, omnes gentes ; auribus percipite, omnes qui habitatis orbem :

³quique terrigenæ et filii hominum, simul in unum dives et pauper.

⁴Os meum loquetur sapientiam, et meditatio cordis mei prudentiam.

⁵Inclinabo in parabolam aurem meam ; aperiam in psalterio propositionem meam.

⁶Cur timebo in die mala ? iniquitas calcanei mei circumdabit me.

⁷Qui confidunt in virtute sua, et in multitudine divitiarum suarum, gloriantur.

⁸Frater non redimit, redimet homo : non dabit Deo placationem suam,

⁹et pretium redemptionis animæ suæ. Et laborabit in æternum ;

¹⁰et vivet adhuc in finem.

¹¹Non videbit interitum, cum viderit sapientes morientes : simul insipiens et stultus peribunt. Et relinquent alienis divitias suas,

¹²et sepulchra eorum domus illorum in æternum ; tabernacula eorum in progenie et progenie : vocaverunt nomina sua in terris suis.

¹³Et homo, cum in honore esset, non intellexit. Comparatus est jumentis insipientibus, et similis factus est illis.

¹⁴Hæc via illorum scandalum ipsis ; et postea in ore suo complacebunt.

¹⁵Sicut oves in inferno positi sunt : mors depascet eos. Et dominabuntur eorum justi in matutino ; et auxilium eorum veterascet in inferno a gloria eorum.

¹⁶Verumtamen Deus redimet animam meam de manu inferi, cum acceperit me.

¹⁷Ne timueris cum dives factus fuerit homo, et cum multiplicata fuerit gloria domus ejus :

¹⁸quoniam, cum interierit, non sumet omnia, neque descendet cum eo gloria ejus.

¹⁹Quia anima ejus in vita ipsius benedicetur ; confitebitur tibi cum benefeceris ei.

²⁰Introibit usque in progenies patrum suorum ; et usque in æternum non videbit lumen.

²¹Homo, cum in honore esset, non intellexit. Comparatus est jumentis insipientibus, et similis factus est illis.