Psalmi 47

¹canticum psalmi filiis Core secunda sabbati canticum psalmi filiorum Core

²magnus Dominus et laudabilis nimis in civitate Dei nostri in monte sancto eius magnus Dominus et laudabilis nimis in civitate Dei nostri in monte sancto suo

³fundatur exultatione universae terrae montes Sion latera aquilonis civitas regis magni specioso germini gaudio universae terrae monti Sion lateribus aquilonis civitatulae regis magni

⁴Deus in domibus eius cognoscitur cum suscipiet eam Deus in domibus eius agnitus est in auxiliando

⁵quoniam ecce reges congregati sunt convenerunt in unum quia ecce reges congregati sunt venerunt simul

⁶ipsi videntes sic admirati sunt conturbati sunt commoti sunt ipsi videntes sic obstipuerunt conturbati sunt admirati sunt

⁷tremor adprehendit eos ibi dolores ut parturientis horror possedit eos ibi dolor quasi parturientis

⁸in spiritu vehementi conteres naves Tharsis in vento uredinis confringes naves maris

⁹sicut audivimus sic vidimus in civitate Domini virtutum in civitate Dei nostri Deus fundavit eam in aeternum diapsalma sicut audivimus ita vidimus in civitate Dei exercituum in civitate Dei nostri Deus fundavit eam usque in aeternum semper

¹⁰suscepimus Deus misericordiam tuam in medio templi tui aestimavimus Deus misericordiam tuam in medio templi tui

¹¹secundum nomen tuum Deus sic et laus tua in fines terrae iustitia plena est dextera tua secundum nomen tuum Deus sic laus tua usque ad extremum terrae iustitia repleta est dextera tua

¹²laetetur mons Sion exultent filiae Iudaeae propter iudicia tua Domine laetetur mons Sion exultent filiae Iudae propter iudicia tua

¹³circumdate Sion et conplectimini eam narrate in turribus eius circumdate Sion et circumite eam numerate turres eius

¹⁴ponite corda vestra in virtute eius et distribuite domus eius ut enarretis in progeniem alteram ponite cor vestrum in moenibus separate palatia eius ut narretis in generatione novissima

¹⁵quoniam hic est Deus Deus noster in aeternum et in saeculum saeculi ipse reget nos in saecula quia ipse Deus Deus noster in saeculum et in perpetuum ipse erit dux noster in morte

Psalmi 47

¹Psalmus cantici. Filiis Core, secunda sabbati.

²Magnus Dominus et laudabilis nimis, in civitate Dei nostri, in monte sancto ejus.

³Fundatur exsultatione universæ terræ mons Sion ; latera aquilonis, civitas regis magni.

⁴Deus in domibus ejus cognoscetur cum suscipiet eam.

⁵Quoniam ecce reges terræ congregati sunt ; convenerunt in unum.

⁶Ipsi videntes, sic admirati sunt, conturbati sunt, commoti sunt.

⁷Tremor apprehendit eos ; ibi dolores ut parturientis :

⁸in spiritu vehementi conteres naves Tharsis.

⁹Sicut audivimus, sic vidimus, in civitate Domini virtutum, in civitate Dei nostri : Deus fundavit eam in æternum.

¹⁰Suscepimus, Deus, misericordiam tuam in medio templi tui.

¹¹Secundum nomen tuum, Deus, sic et laus tua in fines terræ ; justitia plena est dextera tua.

¹²Lætetur mons Sion, et exsultent filiæ Judæ, propter judicia tua, Domine.

¹³Circumdate Sion, et complectimini eam ; narrate in turribus ejus.

¹⁴Ponite corda vestra in virtute ejus, et distribuite domos ejus, ut enarretis in progenie altera.

¹⁵Quoniam hic est Deus, Deus noster in æternum, et in sæculum sæculi : ipse reget nos in sæcula.