Psalmi 44

¹in finem pro his qui commutabuntur filiis Core ad intellectum canticum pro dilecto victori pro liliis filiorum Core eruditionis canticum amantissimi

²eructavit cor meum verbum bonum dico ego opera mea regi lingua mea calamus scribae velociter scribentis eructavit cor meum verbum bonum dico ego opera mea regi lingua mea stilus scribae velocis

³speciosus forma prae filiis hominum diffusa est gratia in labiis tuis propterea benedixit te Deus in aeternum decore pulchrior es filiis hominum effusa est gratia in labiis tuis propterea benedixit tibi Deus in aeternum

⁴accingere gladio tuo super femur tuum potentissime accingere gladio tuo super femur fortissime

⁵specie tua et pulchritudine tua et intende prospere procede et regna propter veritatem et mansuetudinem et iustitiam et deducet te mirabiliter dextera tua gloria tua et decore tuo decore tuo prospere ascende propter veritatem et mansuetudinem iustitiae et docebit te terribilia dextera tua

⁶sagittae tuae acutae populi sub te cadent in corde inimicorum regis sagittae tuae acutae populi sub te cadent in corde inimicorum regis

⁷sedis tua Deus in saeculum saeculi virga directionis virga regni tui thronus tuus Deus in saeculum et in aeternum sceptrum aequitatis sceptrum regni tui

⁸dilexisti iustitiam et odisti iniquitatem propterea unxit te Deus Deus tuus oleo laetitiae prae consortibus tuis dilexisti iustitiam et odisti iniquitatem propterea unxit te Deus Deus tuus oleo exultationis prae participibus tuis

⁹murra et gutta et cassia a vestimentis tuis a domibus eburneis ex quibus delectaverunt te zmyrna et stacte et cassia in cunctis vestimentis tuis de domibus eburneis quibus laetificaverunt te

¹⁰filiae regum in honore tuo adstetit regina a dextris tuis in vestitu deaurato circumdata varietate filiae regum in honore tuo stetit coniux in dextera tua in diademate aureo

¹¹audi filia et vide et inclina aurem tuam et obliviscere populum tuum et domum patris tui audi filia et vide et inclina aurem tuam et obliviscere populi tui et domus patris tui

¹²et concupiscet rex decorem tuum quoniam ipse est dominus tuus et adorabunt eum et concupiscet rex decorem tuum quia ipse est dominus tuus et adora eum

¹³*et; filiae Tyri in muneribus vultum tuum deprecabuntur divites plebis et o filia fortissimi in muneribus faciem tuam deprecabuntur divites populi

¹⁴omnis gloria eius filiae regis ab intus in fimbriis aureis omnis gloria filiae regis intrinsecus fasceis aureis vestita est

¹⁵circumamicta varietatibus adducentur regi virgines post eam proximae eius adferentur tibi in scutulatis ducetur ad regem virgines sequentur eam amicae eius ducentur illuc

¹⁶adferentur in laetitia et exultatione adducentur in templum regis ducentur in laetitiis et exultatione ingredientur thalamum regis

¹⁷pro patribus tuis nati sunt tibi filii constitues eos principes super omnem terram pro patribus tuis erunt filii tibi pones eos principes in universa terra

¹⁸memor ero nominis tui in omni generatione et generatione propterea populi confitebuntur tibi in aeternum et in saeculum saeculi recordabor nominis tui in omni generatione et generatione propterea populi confitebuntur tibi in saeculum et in aeternum

Psalmi 44

¹In finem, pro iis qui commutabuntur. Filiis Core, ad intellectum. Canticum pro dilecto.

²Eructavit cor meum verbum bonum : dico ego opera mea regi. Lingua mea calamus scribæ velociter scribentis.

³Speciosus forma præ filiis hominum, diffusa est gratia in labiis tuis : propterea benedixit te Deus in æternum.

⁴Accingere gladio tuo super femur tuum, potentissime.

⁵Specie tua et pulchritudine tua intende, prospere procede, et regna, propter veritatem, et mansuetudinem, et justitiam ; et deducet te mirabiliter dextera tua.

⁶Sagittæ tuæ acutæ : populi sub te cadent, in corda inimicorum regis.

⁷Sedes tua, Deus, in sæculum sæculi ; virga directionis virga regni tui.

⁸Dilexisti justitiam, et odisti iniquitatem ; propterea unxit te Deus, Deus tuus, oleo lætitiæ, præ consortibus tuis.

⁹Myrrha, et gutta, et casia a vestimentis tuis, a domibus eburneis ; ex quibus delectaverunt te

¹⁰filiæ regum in honore tuo. Astitit regina a dextris tuis in vestitu deaurato, circumdata varietate.

¹¹Audi, filia, et vide, et inclina aurem tuam ; et obliviscere populum tuum, et domum patris tui.

¹²Et concupiscet rex decorem tuum, quoniam ipse est Dominus Deus tuus, et adorabunt eum.

¹³Et filiæ Tyri in muneribus vultum tuum deprecabuntur ; omnes divites plebis.

¹⁴Omnis gloria ejus filiæ regis ab intus, in fimbriis aureis,

¹⁵circumamicta varietatibus. Adducentur regi virgines post eam ; proximæ ejus afferentur tibi.

¹⁶Afferentur in lætitia et exsultatione ; adducentur in templum regis.

¹⁷Pro patribus tuis nati sunt tibi filii ; constitues eos principes super omnem terram.

¹⁸Memores erunt nominis tui in omni generatione et generationem : propterea populi confitebuntur tibi in æternum, et in sæculum sæculi.