Psalmi 36

¹ipsi David noli aemulari in malignantibus neque zelaveris facientes iniquitatem David aleph noli contendere cum malignis neque aemuleris facientes iniquitatem

²quoniam tamquam faenum velociter arescent et quemadmodum holera herbarum cito decident quoniam sicut herba velociter conterentur et sicut holus viride arescent

³spera in Domino et fac bonitatem et inhabita terram et pasceris in divitiis eius beth spera in Domino et fac bonum peregrinare in terra et pascere fide

⁴delectare in Domino et dabit tibi petitiones cordis tui et delectare in Domino et dabit tibi petitiones cordis tui

⁵revela Domino viam tuam et spera in eum et ipse faciet gimel volve super Dominum viam tuam et confide in eo et ipse faciet

⁶et educet quasi lumen iustitiam tuam et iudicium tuum tamquam meridiem et educet sicut lumen iustitiam tuam et iudicium tuum sicut meridiem

⁷subditus esto Domino et ora eum noli aemulari in eo qui prosperatur in via sua in homine faciente iniustitias deleth tace Domino et expecta eum noli contendere adversum eum qui proficit in via sua adversum virum qui facit quae cogitat

⁸desine ab ira et derelinque furorem noli aemulari ut maligneris he dimitte iram et relinque furorem noli contendere ut malefacias

⁹quoniam qui malignantur exterminabuntur sustinentes autem Dominum ipsi hereditabunt terram quoniam qui malefaciunt interibunt expectantes autem Dominum ipsi hereditabunt terram

¹⁰et adhuc pusillum et non erit peccator et quaeres locum eius et non invenies vav adhuc enim modicum et non erit impius et cogitabis de loco eius et non subsistet

¹¹mansueti autem hereditabunt terram et delectabuntur in multitudine pacis mites autem hereditabunt terram et delectabuntur in multitudine pacis

¹²observabit peccator iustum et stridebit super eum dentibus suis zai cogitat impius de iusto et frendet adversum eum dentibus suis

¹³Dominus autem inridebit eum quia prospicit quoniam veniet dies eius Dominus deridebit eum videns quod venit dies eius

¹⁴gladium evaginaverunt peccatores intenderunt arcum suum ut decipiant pauperem et inopem ut trucident rectos corde heth gladium evaginaverunt impii tetenderunt arcum suum ut percutiant egenum et pauperem et interficiant rectos in via

¹⁵gladius eorum intret in corda ipsorum et arcus ipsorum confringatur gladius eorum ingrediatur in cor eorum et arcus eorum confringantur

¹⁶melius est modicum iusto super divitias peccatorum multas teth melius est parum iusto quam divitiae impiorum multae

¹⁷quoniam brachia peccatorum conterentur confirmat autem iustos Dominus quia brachia impiorum confringentur sublevat autem iustos Dominus

¹⁸novit Dominus dies inmaculatorum et hereditas eorum in aeternum erit ioth novit Dominus diem inmaculatorum et hereditas eorum aeterna erit

¹⁹non confundentur in tempore malo et in diebus famis saturabuntur non confundentur in tempore malo et in diebus famis saturabuntur

²⁰quia peccatores peribunt inimici vero Domini mox honorificati fuerint et exaltati deficientes quemadmodum fumus defecerunt caph quia impii peribunt et inimici Domini gloriantes ut monocerotes consumentur sicut fumus consumitur

²¹mutuabitur peccator et non solvet iustus autem miseretur et tribuet lameth fenus accipit impius et non reddit iustus autem donat et tribuit

²²quia benedicentes ei hereditabunt terram maledicentes autem ei disperibunt quia qui benedicti fuerint ab eo hereditabunt terram et qui maledicti interibunt

²³apud Dominum gressus hominis dirigentur et viam eius volet mem a Domino gressus viri firmantur et viam eius volet

²⁴cum ceciderit non conlidetur quia Dominus subponit manum suam cum ceciderit non adlidetur quia Dominus sustentat manum eius

²⁵iunior fui et senui et non vidi iustum derelictum nec semen eius quaerens panes nun puer fui siquidem senui et non vidi iustum derelictum neque semen eius quaerens panem

²⁶tota die miseretur et commodat et semen illius in benedictione erit tota die donat et commodat et semen eius in benedictione

²⁷declina a malo et fac bonum et inhabita in saeculum saeculi samech recede a malo et fac bonum et habita in sempiterno

²⁸quia Dominus amat iudicium et non derelinquet sanctos suos in aeternum conservabuntur iniusti punientur et semen impiorum peribit quia Dominus diligit iudicium et non derelinquet sanctos suos ain in aeternum custoditi sunt et semen impiorum periit

²⁹iusti autem hereditabunt terram et inhabitabunt in saeculum saeculi super eam iusti hereditabunt terram et habitabunt in saeculum super eam

³⁰os iusti meditabitur sapientiam et lingua eius loquetur iudicium fe os iusti meditabitur sapientiam et lingua eius loquetur iudicium

³¹lex Dei eius in corde ipsius et non subplantabuntur gressus eius lex Dei eius in corde eius non deficient gressus eius

³²considerat peccator iustum et quaerit mortificare eum sade considerat impius iustum et quaerit ut occidat eum

³³Dominus autem non derelinquet eum in manus eius nec damnabit eum cum iudicabitur illi Dominus non derelinquet eum in manu eius et non condemnabit eum cum iudicatur

³⁴expecta Dominum et custodi viam eius et exaltabit te ut hereditate capias terram cum perierint peccatores videbis coph expecta Dominum et custodi viam eius et exaltabit te ut possideas terram cum interibunt impii videbis

³⁵vidi impium superexaltatum et elevatum sicut cedros Libani res vidi impium robustum et fortissimum sicut indigenam virentem

³⁶et transivi et ecce non erat et quaesivi eum et non est inventus locus eius et transivi et ecce non erat et quaesivi eum et non est inventus

³⁷custodi innocentiam et vide aequitatem quoniam sunt reliquiae homini pacifico sen custodi simplicitatem et vide rectum quia erit ad extremum viro pax

³⁸iniusti autem disperibunt simul reliquiae impiorum peribunt iniqui autem delebuntur pariter et novissimum impiorum peribit

³⁹salus autem iustorum a Domino et protector eorum in tempore tribulationis thau salus iustorum a Domino fortitudo eorum in tempore tribulationis

⁴⁰et adiuvabit eos Dominus et liberabit eos et eruet eos a peccatoribus et salvabit eos quia speraverunt in eo et auxiliabitur eis Dominus et salvabit eos ab impiis quia speraverunt in eo

Psalmi 36

¹Psalmus ipsi David. Noli æmulari in malignantibus, neque zelaveris facientes iniquitatem :

²quoniam tamquam fœnum velociter arescent, et quemadmodum olera herbarum cito decident.

³Spera in Domino, et fac bonitatem ; et inhabita terram, et pasceris in divitiis ejus.

⁴Delectare in Domino, et dabit tibi petitiones cordis tui.

⁵Revela Domino viam tuam, et spera in eo, et ipse faciet.

⁶Et educet quasi lumen justitiam tuam, et judicium tuum tamquam meridiem.

⁷Subditus esto Domino, et ora eum. Noli æmulari in eo qui prosperatur in via sua ; in homine faciente injustitias.

⁸Desine ab ira, et derelinque furorem ; noli æmulari ut maligneris.

⁹Quoniam qui malignantur exterminabuntur ; sustinentes autem Dominum, ipsi hæreditabunt terram.

¹⁰Et adhuc pusillum, et non erit peccator ; et quæres locum ejus, et non invenies.

¹¹Mansueti autem hæreditabunt terram, et delectabuntur in multitudine pacis.

¹²Observabit peccator justum, et stridebit super eum dentibus suis.

¹³Dominus autem irridebit eum, quoniam prospicit quod veniet dies ejus.

¹⁴Gladium evaginaverunt peccatores ; intenderunt arcum suum : ut dejiciant pauperem et inopem, ut trucident rectos corde.

¹⁵Gladius eorum intret in corda ipsorum, et arcus eorum confringatur.

¹⁶Melius est modicum justo, super divitias peccatorum multas :

¹⁷quoniam brachia peccatorum conterentur : confirmat autem justos Dominus.

¹⁸Novit Dominus dies immaculatorum, et hæreditas eorum in æternum erit.

¹⁹Non confundentur in tempore malo, et in diebus famis saturabuntur :

²⁰quia peccatores peribunt. Inimici vero Domini mox ut honorificati fuerint et exaltati, deficientes quemadmodum fumus deficient.

²¹Mutuabitur peccator, et non solvet ; justus autem miseretur et tribuet :

²²quia benedicentes ei hæreditabunt terram ; maledicentes autem ei disperibunt.

²³Apud Dominum gressus hominis dirigentur, et viam ejus volet.

²⁴Cum ceciderit, non collidetur, quia Dominus supponit manum suam.

²⁵Junior fui, etenim senui ; et non vidi justum derelictum, nec semen ejus quærens panem.

²⁶Tota die miseretur et commodat ; et semen illius in benedictione erit.

²⁷Declina a malo, et fac bonum, et inhabita in sæculum sæculi :

²⁸quia Dominus amat judicium, et non derelinquet sanctos suos : in æternum conservabuntur. Injusti punientur, et semen impiorum peribit.

²⁹Justi autem hæreditabunt terram, et inhabitabunt in sæculum sæculi super eam.

³⁰Os justi meditabitur sapientiam, et lingua ejus loquetur judicium.

³¹Lex Dei ejus in corde ipsius, et non supplantabuntur gressus ejus.

³²Considerat peccator justum, et quærit mortificare eum.

³³Dominus autem non derelinquet eum in manibus ejus, nec damnabit eum cum judicabitur illi.

³⁴Exspecta Dominum, et custodi viam ejus, et exaltabit te ut hæreditate capias terram : cum perierint peccatores, videbis.

³⁵Vidi impium superexaltatum, et elevatum sicut cedros Libani :

³⁶et transivi, et ecce non erat ; et quæsivi eum, et non est inventus locus ejus.

³⁷Custodi innocentiam, et vide æquitatem, quoniam sunt reliquiæ homini pacifico.

³⁸Injusti autem disperibunt simul ; reliquiæ impiorum interibunt.

³⁹Salus autem justorum a Domino ; et protector eorum in tempore tribulationis.

⁴⁰Et adjuvabit eos Dominus, et liberabit eos ; et eruet eos a peccatoribus, et salvabit eos, quia speraverunt in eo.