Psalmi 34

¹huic David iudica Domine nocentes me expugna expugnantes me David iudica Domine adversarios meos pugna contra pugnantes me

²adprehende arma et scutum et exsurge in adiutorium mihi adprehende scutum et hastam et consurge in auxilium meum

³effunde frameam et conclude adversus eos qui persequuntur me dic animae meae salus tua ego sum evagina gladium et praeoccupa ex adverso persequentem me dic animae meae salus tua ego sum

⁴confundantur et revereantur quaerentes animam meam avertantur retrorsum et confundantur cogitantes mihi mala confundantur et revereantur qui quaerunt animam meam convertantur retrorsum et confundantur qui cogitant malum mihi

⁵fiant tamquam pulvis ante faciem venti et angelus Domini coartans eos fiant sicut pulvis ante faciem venti et angelus Domini inpellat

⁶fiat via illorum tenebrae et lubricum et angelus Domini persequens eos sit via eorum tenebrae et lubricum et angelus Domini persequatur eos

⁷quoniam gratis absconderunt mihi interitum laquei sui supervacue exprobraverunt animam meam quia frustra absconderunt mihi insidias retis sui sine causa foderunt animae meae

⁸veniat illi laqueus quem ignorat et captio quam abscondit conprehendat eum et in laqueo cadat in ipso veniat ei calamitas quam ignorat et rete suum quod abscondit conprehendat eum et cadat in laqueum

⁹anima autem mea exultabit in Domino delectabitur super salutari suo anima autem mea exultabit in Domino et laetabitur in salute sua non enim pacem loquuntur sed in rapina terrae verba fraudulenta concinnant

¹⁰omnia ossa mea dicent Domine quis similis tui eripiens inopem de manu fortiorum eius egenum et pauperem a diripientibus eum omnia ossa mea dicent Domine quis similis tui eruens inopem a validiore et pauperem et mendicum a violento

¹¹surgentes testes iniqui quae ignorabam interrogabant me surgentes testes iniqui quae nesciebam interrogabant me

¹²retribuebant mihi mala pro bonis sterilitatem animae meae reddebant mihi mala pro bono sterilitatem animae meae

¹³ego autem cum mihi molesti essent induebar cilicio humiliabam in ieiunio animam meam et oratio mea in sinum meum convertetur ego autem cum infirmarer ab eis induebar cilicio humiliabam in ieiunio animam meam et oratio mea ad sinum meum revertetur

¹⁴quasi proximum quasi fratrem nostrum sic conplacebam quasi lugens et contristatus sic humiliabar quasi ad amicum quasi ad fratrem meum sic ambulabam quasi lugens mater tristis incurvabar

¹⁵et adversum me laetati sunt et convenerunt congregata sunt super me flagella et ignoravi et in infirmitate mea laetabantur et congregabantur collecti sunt adversum me percutientes et nesciebam

¹⁶dissipati sunt nec conpuncti temptaverunt me subsannaverunt me subsannatione frenduerunt super me dentibus suis scindentes et non tacentes in simulatione verborum fictorum frendebant contra me dentibus suis

¹⁷Domine quando respicies restitue animam meam a malignitate eorum a leonibus unicam meam Domine quanta aspicies converte animam meam a calamitatibus suis a leonibus solitariam meam

¹⁸confitebor tibi in ecclesia magna in populo gravi laudabo te confitebor tibi in ecclesia grandi in populo forti laudabo te

¹⁹non supergaudeant mihi qui adversantur mihi inique qui oderunt me gratis et annuunt oculis non laetentur super me inimici mei mendaces odientes me frustra coniventes oculo

²⁰quoniam mihi quidem pacifice loquebantur et in iracundia * terrae loquentes; dolos cogitabant

²¹et dilataverunt super me os suum dixerunt euge euge viderunt oculi nostri et dilataverunt super me os suum dixerunt va va vidit oculus noster

²²vidisti Domine ne sileas Domine ne discedas a me vidisti Domine ne taceas Domine ne elongeris a me

²³exsurge et intende iudicio meo Deus meus et Dominus meus in causam meam consurge et evigila in iudicium meum Deus meus et Domine in causam meam

²⁴iudica me secundum iustitiam tuam Domine Deus meus et non supergaudeant mihi iudica me secundum iustitiam meam Domine Deus meus et ne insultent mihi

²⁵non dicant in cordibus suis euge euge animae nostrae nec dicant devoravimus eum ne dicant in corde suo va va va animae nostrae ne dicant absorbuimus eum

²⁶erubescant et revereantur simul qui gratulantur malis meis induantur confusione et reverentia qui magna loquuntur super me confundantur et revereantur pariter qui laetantur in adflictione mea induantur confusione et verecundia qui magnificantur super me

²⁷exultent et laetentur qui volunt iustitiam meam et dicant semper magnificetur Dominus qui volunt pacem servi eius laudent et laetentur qui volunt iustitiam meam et dicant semper magnificetur Dominus qui vult pacem servi sui

²⁸et lingua mea meditabitur iustitiam tuam tota die laudem tuam et lingua mea meditabitur iustitiam tuam tota die laudem tuam

Psalmi 34

¹Ipsi David. Judica, Domine, nocentes me ; expugna impugnantes me.

²Apprehende arma et scutum, et exsurge in adjutorium mihi.

³Effunde frameam, et conclude adversus eos qui persequuntur me ; dic animæ meæ : Salus tua ego sum.

⁴Confundantur et revereantur quærentes animam meam ; avertantur retrorsum et confundantur cogitantes mihi mala.

⁵Fiant tamquam pulvis ante faciem venti, et angelus Domini coarctans eos.

⁶Fiat via illorum tenebræ et lubricum, et angelus Domini persequens eos.

⁷Quoniam gratis absconderunt mihi interitum laquei sui ; supervacue exprobraverunt animam meam.

⁸Veniat illi laqueus quem ignorat, et captio quam abscondit apprehendat eum, et in laqueum cadat in ipsum.

⁹Anima autem mea exsultabit in Domino, et delectabitur super salutari suo.

¹⁰Omnia ossa mea dicent : Domine, quis similis tibi ? eripiens inopem de manu fortiorum ejus ; egenum et pauperem a diripientibus eum.

¹¹Surgentes testes iniqui, quæ ignorabam interrogabant me.

¹²Retribuebant mihi mala pro bonis, sterilitatem animæ meæ.

¹³Ego autem, cum mihi molesti essent, induebar cilicio ; humiliabam in jejunio animam meam, et oratio mea in sinu meo convertetur.

¹⁴Quasi proximum et quasi fratrem nostrum sic complacebam ; quasi lugens et contristatus sic humiliabar.

¹⁵Et adversum me lætati sunt, et convenerunt ; congregata sunt super me flagella, et ignoravi.

¹⁶Dissipati sunt, nec compuncti ; tentaverunt me, subsannaverunt me subsannatione ; frenduerunt super me dentibus suis.

¹⁷Domine, quando respicies ? Restitue animam meam a malignitate eorum ; a leonibus unicam meam.

¹⁸Confitebor tibi in ecclesia magna ; in populo gravi laudabo te.

¹⁹Non supergaudeant mihi qui adversantur mihi inique, qui oderunt me gratis, et annuunt oculis.

²⁰Quoniam mihi quidem pacifice loquebantur ; et in iracundia terræ loquentes, dolos cogitabant.

²¹Et dilataverunt super me os suum ; dixerunt : Euge, euge ! viderunt oculi nostri.

²²Vidisti, Domine : ne sileas ; Domine, ne discedas a me.

²³Exsurge et intende judicio meo, Deus meus ; et Dominus meus, in causam meam.

²⁴Judica me secundum justitiam tuam, Domine Deus meus, et non supergaudeant mihi.

²⁵Non dicant in cordibus suis : Euge, euge, animæ nostræ ; nec dicant : Devoravimus eum.

²⁶Erubescant et revereantur simul qui gratulantur malis meis ; induantur confusione et reverentia qui magna loquuntur super me.

²⁷Exsultent et lætentur qui volunt justitiam meam ; et dicant semper : Magnificetur Dominus, qui volunt pacem servi ejus.

²⁸Et lingua mea meditabitur justitiam tuam ; tota die laudem tuam.