Psalmi 33

¹David cum inmutavit vultum suum coram Abimelech et dimisit eum et abiit David quando commutavit os suum coram Abimelech et eiecit eum et abiit

²benedicam Dominum in omni tempore semper laus eius in ore meo benedicam Domino in omni tempore semper laus eius in ore meo

³in Domino laudabitur anima mea audiant mansueti et laetentur in Domino laetabitur anima mea audiant mites et laetentur

⁴magnificate Dominum mecum et exaltemus nomen eius in id ipsum magnificate Dominum mecum et exaltemus nomen eius pariter

⁵exquisivi Dominum et exaudivit me et ex omnibus tribulationibus meis eripuit me quaesivi Dominum et exaudivit me et de omnibus angustiis meis liberavit me

⁶accedite ad eum et inluminamini et facies vestrae non confundentur respicite ad eum et confluite et vultus vestri non confundentur

⁷iste pauper clamavit et Dominus exaudivit eum et de omnibus tribulationibus eius salvavit eum hic pauper clamavit et Dominus exaudivit de omnibus tribulationibus salvabit eum

⁸vallabit angelus Domini in circuitu timentium eum et eripiet eos circumdat angelus Domini in gyro timentes eum et eruet eos

⁹gustate et videte quoniam suavis est Dominus beatus vir qui sperat in eo gustate et videte quoniam bonus Dominus beatus vir qui sperat in eo

¹⁰timete Dominum omnes sancti eius quoniam non est inopia timentibus eum timete Dominum sancti eius quoniam non est inopia timentibus eum

¹¹divites eguerunt et esurierunt inquirentes autem Dominum non minuentur omni bono diapsalma leones indiguerunt et esurierunt quaerentibus autem Dominum non deerit omne bonum

¹²venite filii audite me timorem Domini docebo vos venite filii audite me timorem Domini docebo vos

¹³quis est homo qui vult vitam cupit videre dies bonos quis est vir qui velit vitam diligens dies videre bonos

¹⁴prohibe linguam tuam a malo et labia tua ne loquantur dolum custodi linguam tuam a malo et labia tua ne loquantur dolum

¹⁵deverte a malo et fac bonum inquire pacem et persequere eam recede a malo et fac bonum quaere pacem et persequere eam

¹⁶oculi Domini super iustos et aures eius in precem eorum oculi Domini ad iustos et aures eius ad clamorem eorum

¹⁷facies Domini super facientes mala ut perdat de terra memoriam eorum vultus Domini super facientes malum ut perdat de terra memoriam eorum

¹⁸clamaverunt iusti et Dominus exaudivit et ex omnibus tribulationibus eorum liberavit eos clamaverunt et Dominus exaudivit et ex omnibus tribulationibus eorum liberavit eos

¹⁹iuxta est Dominus his qui tribulato sunt corde et humiles spiritu salvabit iuxta est Dominus contritis corde et confractos spiritu salvabit

²⁰multae tribulationes iustorum et de omnibus his liberavit eos multae tribulationes iusti et ex omnibus illis liberabit eum Dominus

²¹Dominus custodit omnia ossa eorum unum ex his non conteretur custodit omnia ossa eius unum ex eis non confringetur

²²mors peccatorum pessima et qui oderunt iustum delinquent interficiet impium malitia et odientes iustum superabuntur

²³redimet Dominus animas servorum suorum et non delinquent omnes qui sperant in eum redimet Dominus animam servorum suorum et non peccabunt omnes sperantes in eo

Psalmi 33

¹Davidi, cum immutavit vultum suum coram Achimelech, et dimisit eum, et abiit.

²Benedicam Dominum in omni tempore ; semper laus ejus in ore meo.

³In Domino laudabitur anima mea : audiant mansueti, et lætentur.

⁴Magnificate Dominum mecum, et exaltemus nomen ejus in idipsum.

⁵Exquisivi Dominum, et exaudivit me ; et ex omnibus tribulationibus meis eripuit me.

⁶Accedite ad eum, et illuminamini ; et facies vestræ non confundentur.

⁷Iste pauper clamavit, et Dominus exaudivit eum, et de omnibus tribulationibus ejus salvavit eum.

⁸Immittet angelus Domini in circuitu timentium eum, et eripiet eos.

⁹Gustate et videte quoniam suavis est Dominus ; beatus vir qui sperat in eo.

¹⁰Timete Dominum, omnes sancti ejus, quoniam non est inopia timentibus eum.

¹¹Divites eguerunt, et esurierunt ; inquirentes autem Dominum non minuentur omni bono.

¹²Venite, filii ; audite me : timorem Domini docebo vos.

¹³Quis est homo qui vult vitam ; diligit dies videre bonos ?

¹⁴Prohibe linguam tuam a malo, et labia tua ne loquantur dolum.

¹⁵Diverte a malo, et fac bonum ; inquire pacem, et persequere eam.

¹⁶Oculi Domini super justos, et aures ejus in preces eorum.

¹⁷Vultus autem Domini super facientes mala, ut perdat de terra memoriam eorum.

¹⁸Clamaverunt justi, et Dominus exaudivit eos ; et ex omnibus tribulationibus eorum liberavit eos.

¹⁹Juxta est Dominus iis qui tribulato sunt corde, et humiles spiritu salvabit.

²⁰Multæ tribulationes justorum ; et de omnibus his liberabit eos Dominus.

²¹Custodit Dominus omnia ossa eorum : unum ex his non conteretur.

²²Mors peccatorum pessima ; et qui oderunt justum delinquent.

²³Redimet Dominus animas servorum suorum, et non delinquent omnes qui sperant in eo.