Psalmi 21

¹in finem pro adsumptione matutina psalmus David victori pro cervo matutino canticum

²Deus Deus meus respice me quare me dereliquisti longe a salute mea verba delictorum meorum Deus Deus meus quare dereliquisti me longe a salute mea verba rugitus mei

³Deus meus clamabo per diem et non exaudies et nocte et non ad insipientiam mihi Deus meus clamabo per diem et non exaudies et nocte nec est silentium mihi

⁴tu autem in sancto habitas Laus Israhel et tu sancte habitator Laus Israhel

⁵in te speraverunt patres nostri speraverunt et liberasti eos in te confisi sunt patres nostri confisi sunt et salvasti eos

⁶ad te clamaverunt et salvi facti sunt in te speraverunt et non sunt confusi ad te clamaverunt et salvati sunt in te confisi sunt et non sunt confusi

⁷ego autem sum vermis et non homo obprobrium hominum et abiectio plebis ego autem sum vermis et non homo obprobrium hominum et dispectio plebis

⁸omnes videntes me deriserunt me locuti sunt labiis moverunt caput omnes videntes me subsannant me dimittunt labium movent caput

⁹speravit in Domino eripiat eum salvum faciat eum quoniam vult eum confugit ad Dominum salvet eum liberet eum quoniam vult eum

¹⁰quoniam tu es qui extraxisti me de ventre spes mea ab uberibus matris meae tu autem propugnator meus ex utero fiducia mea ab uberibus matris meae

¹¹in te proiectus sum ex utero de ventre matris meae Deus meus es tu in te proiectus sum ex vulva de ventre matris meae Deus meus es tu

¹²ne discesseris a me quoniam tribulatio proxima est quoniam non est qui adiuvet ne longe fias a me quoniam tribulatio proxima est quoniam non est adiutor

¹³circumdederunt me vituli multi tauri pingues obsederunt me circumdederunt me vituli multi tauri pingues vallaverunt me

¹⁴aperuerunt super me os suum sicut leo rapiens et rugiens aperuerunt super me os suum quasi leo capiens et rugiens

¹⁵sicut aqua effusus sum et dispersa sunt universa ossa mea factum est cor meum tamquam cera liquescens in medio ventris mei sicut aqua effusus sum et separata sunt omnia ossa mea factum est cor meum sicut cera liquefacta in medio ventris mei

¹⁶aruit tamquam testa virtus mea et lingua mea adhesit faucibus meis et in limum mortis deduxisti me aruit velut testa fortitudo mea et lingua mea adhesit palato meo et in pulverem mortis detraxisti me

¹⁷quoniam circumdederunt me canes multi concilium malignantium obsedit me foderunt manus meas et pedes meos circumdederunt me venatores concilium pessimorum vallavit me vinxerunt manus meas et pedes meos

¹⁸dinumeraverunt omnia ossa mea ipsi vero consideraverunt et inspexerunt me numeravi omnia ossa mea quae ipsi respicientes viderunt in me

¹⁹diviserunt sibi vestimenta mea et super vestem meam miserunt sortem diviserunt vestimenta mea sibi et super vestimentum meum miserunt sortem

²⁰tu autem Domine ne elongaveris auxilium tuum ad defensionem meam conspice tu autem Domine ne longe fias fortitudo mea in auxilium meum festina

²¹erue a framea animam meam et de manu canis unicam meam erue a gladio animam meam de manu canis solitariam meam

²²salva me ex ore leonis et a cornibus unicornium humilitatem meam salva me ex ore leonis et de cornibus unicornium exaudi me

²³narrabo nomen tuum fratribus meis in media ecclesia laudabo te narrabo nomen tuum fratribus meis in medio ecclesiae laudabo te

²⁴qui timetis Dominum laudate eum universum semen Iacob magnificate eum qui timetis Dominum laudate eum omne semen Iacob glorificate eum

²⁵timeat eum omne semen Israhel quoniam non sprevit neque dispexit deprecationem pauperis nec avertit faciem suam a me et cum clamarem ad eum exaudivit me et metuite eum universum semen Israhel quoniam non dispexit neque contempsit modestiam pauperis et non abscondit faciem suam ab eo et cum clamaret ad eum audivit

²⁶apud te laus mea in ecclesia magna vota mea reddam in conspectu timentium eum apud te laus mea in ecclesia multa vota mea reddam in conspectu timentium eum

²⁷edent pauperes et saturabuntur et laudabunt Dominum qui requirunt eum vivent corda eorum in saeculum saeculi comedent mites et saturabuntur laudabunt Dominum quaerentes eum vivet cor vestrum in sempiternum

²⁸reminiscentur et convertentur ad Dominum universi fines terrae et adorabunt in conspectu eius universae familiae gentium recordabuntur et convertentur ad Dominum omnes fines terrae et adorabunt coram eo universae cognationes gentium

²⁹quoniam Dei est regnum et ipse dominabitur gentium quia Domini est regnum et dominabitur gentibus

³⁰manducaverunt et adoraverunt omnes pingues terrae in conspectu eius cadent omnes qui descendunt in terram comederunt et adoraverunt omnes pingues terrae ante faciem eius curvabunt genu universi qui descendunt in pulverem

³¹et anima mea illi vivet et semen meum serviet ipsi et anima eius ipsi vivet semen serviet ei

³²adnuntiabitur Domino generatio ventura et adnuntiabunt iustitiam eius populo qui nascetur quem fecit Dominus narrabitur Domino in generatione venient et adnuntiabunt iustitias eius populo qui nascetur quas fecit

Psalmi 21

¹In finem, pro susceptione matutina. Psalmus David.

²Deus, Deus meus, respice in me : quare me dereliquisti ? longe a salute mea verba delictorum meorum.

³Deus meus, clamabo per diem, et non exaudies ; et nocte, et non ad insipientiam mihi.

⁴Tu autem in sancto habitas, laus Israël.

⁵In te speraverunt patres nostri ; speraverunt, et liberasti eos.

⁶Ad te clamaverunt, et salvi facti sunt ; in te speraverunt, et non sunt confusi.

⁷Ego autem sum vermis, et non homo ; opprobrium hominum, et abjectio plebis.

⁸Omnes videntes me deriserunt me ; locuti sunt labiis, et moverunt caput.

⁹Speravit in Domino, eripiat eum : salvum faciat eum, quoniam vult eum.

¹⁰Quoniam tu es qui extraxisti me de ventre, spes mea ab uberibus matris meæ.

¹¹In te projectus sum ex utero ; de ventre matris meæ Deus meus es tu :

¹²ne discesseris a me, quoniam tribulatio proxima est, quoniam non est qui adjuvet.

¹³Circumdederunt me vituli multi ; tauri pingues obsederunt me.

¹⁴Aperuerunt super me os suum, sicut leo rapiens et rugiens.

¹⁵Sicut aqua effusus sum, et dispersa sunt omnia ossa mea : factum est cor meum tamquam cera liquescens in medio ventris mei.

¹⁶Aruit tamquam testa virtus mea, et lingua mea adhæsit faucibus meis : et in pulverem mortis deduxisti me.

¹⁷Quoniam circumdederunt me canes multi ; concilium malignantium obsedit me. Foderunt manus meas et pedes meos ;

¹⁸dinumeraverunt omnia ossa mea. Ipsi vero consideraverunt et inspexerunt me.

¹⁹Diviserunt sibi vestimenta mea, et super vestem meam miserunt sortem.

²⁰Tu autem, Domine, ne elongaveris auxilium tuum a me ; ad defensionem meam conspice.

²¹Erue a framea, Deus, animam meam, et de manu canis unicam meam.

²²Salva me ex ore leonis, et a cornibus unicornium humilitatem meam.

²³Narrabo nomen tuum fratribus meis ; in medio ecclesiæ laudabo te.

²⁴Qui timetis Dominum, laudate eum ; universum semen Jacob, glorificate eum.

²⁵Timeat eum omne semen Israël, quoniam non sprevit, neque despexit deprecationem pauperis, nec avertit faciem suam a me : et cum clamarem ad eum, exaudivit me.

²⁶Apud te laus mea in ecclesia magna ; vota mea reddam in conspectu timentium eum.

²⁷Edent pauperes, et saturabuntur, et laudabunt Dominum qui requirunt eum : vivent corda eorum in sæculum sæculi.

²⁸Reminiscentur et convertentur ad Dominum universi fines terræ ; et adorabunt in conspectu ejus universæ familiæ gentium :

²⁹quoniam Domini est regnum, et ipse dominabitur gentium.

³⁰Manducaverunt et adoraverunt omnes pingues terræ ; in conspectu ejus cadent omnes qui descendunt in terram.

³¹Et anima mea illi vivet ; et semen meum serviet ipsi.

³²Annuntiabitur Domino generatio ventura ; et annuntiabunt cæli justitiam ejus populo qui nascetur, quem fecit Dominus.