Psalmi 139

¹in finem psalmus David pro victoria canticum David

²eripe me Domine ab homine malo a viro iniquo eripe me erue me Domine ab homine malo a viris iniquis serva me

³qui cogitaverunt iniquitates in corde tota die constituebant proelia qui cogitaverunt malitias in corde tota die versati sunt in proeliis

⁴acuerunt linguam suam sicut serpentis venenum aspidum sub labiis eorum diapsalma exacuerunt linguam suam quasi serpens venenum aspidis sub labiis eorum semper

⁵custodi me Domine de manu peccatoris ab hominibus iniquis eripe me qui cogitaverunt subplantare gressus meos custodi me Domine de manu impii a viro iniquitatum serva me qui cogitaverunt subplantare gressus meos

⁶absconderunt superbi laqueum mihi et funes extenderunt in laqueum iuxta iter scandalum posuerunt mihi diapsalma absconderunt superbi laqueum mihi et funibus extenderunt rete iuxta semitam offendiculum posuerunt mihi semper

⁷dixi Domino Deus meus es tu exaudi Domine vocem deprecationis meae dixi Domino Deus meus tu audi Domine vocem deprecationis meae

⁸Domine Domine virtus salutis meae obumbrasti super caput meum in die belli Domine Deus fortitudo salutis meae protexisti caput meum in die belli

⁹non tradas Domine desiderio meo peccatori cogitaverunt contra me ne derelinquas me ne forte exaltentur diapsalma ne des Domine desideria impii scelera eius ne effundantur et eleventur semper

¹⁰caput circuitus eorum labor labiorum ipsorum operiet eos amaritudo convivarum meorum labor labiorum eorum operiat eos

¹¹cadent super eos carbones in igne deicies eos in miseriis non subsistent cadent super eos carbones ignis deicies eos in foveas ut non consurgant

¹²vir linguosus non dirigetur in terra virum iniustum mala capient in interitu vir linguosus non dirigetur in terra virum iniquum mala capient in interitu

¹³cognovi quia faciet Dominus iudicium inopis et vindictam pauperum scio quod faciet Dominus causam inopis iudicia pauperum

¹⁴verumtamen iusti confitebuntur nomini tuo habitabunt recti cum vultu tuo attamen iusti confitebuntur nomini tuo habitabunt recti cum vultu tuo

Psalmi 139

¹In finem. Psalmus David.

²Eripe me, Domine, ab homine malo ; a viro iniquo eripe me.

³Qui cogitaverunt iniquitates in corde, tota die constituebant prælia.

⁴Acuerunt linguas suas sicut serpentis ; venenum aspidum sub labiis eorum.

⁵Custodi me, Domine, de manu peccatoris, et ab hominibus iniquis eripe me. Qui cogitaverunt supplantare gressus meos :

⁶absconderunt superbi laqueum mihi. Et funes extenderunt in laqueum ; juxta iter, scandalum posuerunt mihi.

⁷Dixi Domino : Deus meus es tu ; exaudi, Domine, vocem deprecationis meæ.

⁸Domine, Domine, virtus salutis meæ, obumbrasti super caput meum in die belli.

⁹Ne tradas me, Domine, a desiderio meo peccatori : cogitaverunt contra me ; ne derelinquas me, ne forte exaltentur.

¹⁰Caput circuitus eorum : labor labiorum ipsorum operiet eos.

¹¹Cadent super eos carbones ; in ignem dejicies eos : in miseriis non subsistent.

¹²Vir linguosus non dirigetur in terra ; virum injustum mala capient in interitu.

¹³Cognovi quia faciet Dominus judicium inopis, et vindictam pauperum.

¹⁴Verumtamen justi confitebuntur nomini tuo, et habitabunt recti cum vultu tuo.