Psalmi 136 Comparatio: Vulgate vs Clementine Vulgate

Psalmi 136

¹David Hieremiae super flumina Babylonis illic sedimus et flevimus cum recordaremur Sion super flumina Babylonis ibi sedimus et flevimus cum recordaremur Sion

²in salicibus in medio eius suspendimus organa nostra super salices in medio eius suspendimus citharas nostras

³quia illic interrogaverunt nos qui captivos duxerunt nos verba cantionum et qui abduxerunt nos hymnum cantate nobis de canticis Sion quoniam ibi interrogaverunt nos qui captivos duxerunt nos verba carminis et qui adfligebant nos laeti canite nobis de canticis Sion

⁴quomodo cantabimus canticum Domini in terra aliena quomodo cantabimus canticum Domini in terra aliena

⁵si oblitus fuero tui Hierusalem oblivioni detur dextera mea si oblitus fuero tui Hierusalem in oblivione sit dextera mea

⁶adhereat lingua mea faucibus meis si non meminero tui si non praeposuero Hierusalem in principio laetitiae meae adhereat lingua mea gutturi meo si non recordatus fuero tui si non praeposuero Hierusalem in principio laetitiae meae

⁷memor esto Domine filiorum Edom diem Hierusalem qui dicunt exinanite exinanite usque ad fundamentum in ea memento Domine filiorum Edom in diem Hierusalem dicentium evacuate evacuate usque ad fundamentum eius

⁸filia Babylonis misera beatus qui retribuet tibi retributionem tuam quam retribuisti nobis filia Babylon vastata beatus qui retribuet tibi vicissitudinem tuam quam retribuisti nobis

⁹beatus qui tenebit et adlidet parvulos tuos ad petram beatus qui tenebit et adlidet parvulos tuos ad petram

Psalmi 136

¹Psalmus David, Jeremiæ. Super flumina Babylonis illic sedimus et flevimus, cum recordaremur Sion.

²In salicibus in medio ejus suspendimus organa nostra :

³quia illic interrogaverunt nos, qui captivos duxerunt nos, verba cantionum ; et qui abduxerunt nos : Hymnum cantate nobis de canticis Sion.

⁴Quomodo cantabimus canticum Domini in terra aliena ?

⁵Si oblitus fuero tui, Jerusalem, oblivioni detur dextera mea.

⁶Adhæreat lingua mea faucibus meis, si non meminero tui ; si non proposuero Jerusalem in principio lætitiæ meæ.

⁷Memor esto, Domine, filiorum Edom, in die Jerusalem : qui dicunt : Exinanite, exinanite usque ad fundamentum in ea.

⁸Filia Babylonis misera ! beatus qui retribuet tibi retributionem tuam quam retribuisti nobis.

⁹Beatus qui tenebit, et allidet parvulos tuos ad petram.