Psalmi 135

¹alleluia confitemini Domino quoniam bonus quoniam in aeternum misericordia eius confitemini Domino quoniam bonus quoniam in aeternum misericordia eius

²confitemini Deo deorum quoniam in aeternum misericordia eius confitemini Deo deorum quoniam in aeternum misericordia eius

³confitemini Domino dominorum quoniam in aeternum misericordia eius confitemini Domino dominorum quoniam in aeternum misericordia eius

⁴qui facit mirabilia magna solus quoniam in aeternum misericordia eius qui facit mirabilia magna solus quoniam in aeternum misericordia eius

⁵qui fecit caelos in intellectu quoniam in aeternum misericordia eius qui fecit caelos in sapientia quoniam in aeternum misericordia eius

⁶qui firmavit terram super aquas quoniam in aeternum misericordia eius qui firmavit terram super aquas quoniam in aeternum misericordia eius

⁷qui fecit luminaria magna quoniam in aeternum misericordia eius qui fecit luminaria magna quoniam in aeternum misericordia eius

⁸solem in potestatem diei quoniam in aeternum misericordia eius solem in potestatem diei quoniam in aeternum misericordia eius

⁹lunam et stellas in potestatem noctis quoniam in aeternum misericordia eius lunam et stellas in potestatem noctis quoniam in aeternum misericordia eius

¹⁰qui percussit Aegyptum cum primogenitis eorum quoniam in aeternum misericordia eius qui percussit Aegyptum cum primitivis suis quoniam in aeternum misericordia eius

¹¹qui eduxit Israhel de medio eorum quoniam in aeternum misericordia eius et eduxit Israhel de medio eorum quoniam in aeternum misericordia eius

¹²in manu potenti et brachio excelso quoniam in aeternum misericordia eius in manu valida et in brachio extento quoniam in aeternum misericordia eius

¹³qui divisit Rubrum mare in divisiones quoniam in aeternum misericordia eius qui divisit mare Rubrum in divisiones quoniam in aeternum misericordia eius

¹⁴et duxit Israhel per medium eius quoniam in aeternum misericordia eius et eduxit Israhel in medio eius quoniam in aeternum misericordia eius

¹⁵et excussit Pharaonem et virtutem eius in mari Rubro quoniam in aeternum misericordia eius et convolvit Pharao et exercitum eius in mari Rubro quoniam in aeternum misericordia eius

¹⁶qui transduxit populum suum in deserto quoniam in aeternum misericordia eius qui duxit populum suum per desertum quoniam in aeternum misericordia eius

¹⁷qui percussit reges magnos quoniam in aeternum misericordia eius qui percussit reges magnos quoniam in aeternum misericordia eius

¹⁸et occidit reges fortes quoniam in aeternum misericordia eius et occidit reges magnificos quoniam in aeternum misericordia eius

¹⁹Seon regem Amorreorum quoniam in aeternum misericordia eius Seon regem Amorreorum quoniam in aeternum misericordia eius

²⁰et Og regem Basan quoniam in aeternum misericordia eius et Og regem Basan quoniam in aeternum misericordia eius

²¹et dedit terram eorum hereditatem quoniam in aeternum misericordia eius et dedit terram eorum in hereditatem quoniam in aeternum misericordia eius

²²hereditatem Israhel servo suo quoniam in aeternum misericordia eius hereditatem Israhel servo suo quoniam in aeternum misericordia eius

²³quia in humilitate nostra memor fuit nostri quoniam in aeternum misericordia eius quia in humilitate nostra memor fuit nostri quoniam in aeternum misericordia eius

²⁴et redemit nos ab inimicis nostris quoniam in aeternum misericordia eius et redemit nos de hostibus nostris quoniam in aeternum misericordia eius

²⁵qui dat escam omni carni quoniam in aeternum misericordia eius qui dat panem omni carni quoniam in aeternum misericordia eius

²⁶confitemini Deo caeli quoniam in aeternum misericordia eius confitemini Deo caeli quoniam in aeternum misericordia eius

²⁷confitemini Domino dominorum quoniam in aeternum misericordia eius

Psalmi 135

¹Alleluja. Confitemini Domino, quoniam bonus, quoniam in æternum misericordia ejus.

²Confitemini Deo deorum, quoniam in æternum misericordia ejus.

³Confitemini Domino dominorum, quoniam in æternum misericordia ejus.

⁴Qui facit mirabilia magna solus, quoniam in æternum misericordia ejus.

⁵Qui fecit cælos in intellectu, quoniam in æternum misericordia ejus.

⁶Qui firmavit terram super aquas, quoniam in æternum misericordia ejus.

⁷Qui fecit luminaria magna, quoniam in æternum misericordia ejus :

⁸solem in potestatem diei, quoniam in æternum misericordia ejus ;

⁹lunam et stellas in potestatem noctis, quoniam in æternum misericordia ejus.

¹⁰Qui percussit Ægyptum cum primogenitis eorum, quoniam in æternum misericordia ejus.

¹¹Qui eduxit Israël de medio eorum, quoniam in æternum misericordia ejus,

¹²in manu potenti et brachio excelso, quoniam in æternum misericordia ejus.

¹³Qui divisit mare Rubrum in divisiones, quoniam in æternum misericordia ejus ;

¹⁴et eduxit Israël per medium ejus, quoniam in æternum misericordia ejus ;

¹⁵et excussit Pharaonem et virtutem ejus in mari Rubro, quoniam in æternum misericordia ejus.

¹⁶Qui traduxit populum suum per desertum, quoniam in æternum misericordia ejus.

¹⁷Qui percussit reges magnos, quoniam in æternum misericordia ejus ;

¹⁸et occidit reges fortes, quoniam in æternum misericordia ejus :

¹⁹Sehon, regem Amorrhæorum, quoniam in æternum misericordia ejus ;

²⁰et Og, regem Basan, quoniam in æternum misericordia ejus :

²¹et dedit terram eorum hæreditatem, quoniam in æternum misericordia ejus ;

²²hæreditatem Israël, servo suo, quoniam in æternum misericordia ejus.

²³Quia in humilitate nostra memor fuit nostri, quoniam in æternum misericordia ejus ;

²⁴et redemit nos ab inimicis nostris, quoniam in æternum misericordia ejus.

²⁵Qui dat escam omni carni, quoniam in æternum misericordia ejus.

²⁶Confitemini Deo cæli, quoniam in æternum misericordia ejus. Confitemini Domino dominorum, quoniam in æternum misericordia ejus.

²⁷