Psalmi 118

¹alleluia aleph beati inmaculati in via qui ambulant in lege Domini aleph beati inmaculati in via qui ambulant in lege Domini

²beati qui scrutantur testimonia eius in toto corde exquirent eum beati qui custodiunt testimonia eius in toto corde requirunt eum

³non enim qui operantur iniquitatem in viis eius ambulaverunt nec enim qui operantur iniquitatem in viis eius ambulaverunt

⁴tu mandasti mandata tua custodire nimis tu mandasti praecepta tua custodire nimis

⁵utinam dirigantur viae meae ad custodiendas iustificationes tuas utinam dirigantur viae meae ad custodienda praecepta tua

⁶tunc non confundar cum perspexero in omnibus mandatis tuis tunc non confundar cum respexero ad omnia mandata tua

⁷confitebor tibi in directione cordis in eo quod didici iudicia iustitiae tuae confitebor tibi in directione cordis cum didicero iudicia iustitiae tuae

⁸iustificationes tuas custodiam non me derelinquas usquequaque praecepta tua custodiam ne derelinquas me nimis

⁹beth in quo corriget adulescentior viam suam in custodiendo sermones tuos beth in quo corrigit iuvenis semitam suam cum custodierit verba tua

¹⁰in toto corde meo exquisivi te non repellas me a mandatis tuis in toto corde meo exquisivi te ne errare me facias a mandatis tuis

¹¹in corde meo abscondi eloquia tua ut non peccem tibi in corde meo abscondi eloquium tuum ut non peccem tibi

¹²benedictus es Domine doce me iustificationes tuas benedictus tu Domine doce me praecepta tua

¹³in labiis meis pronuntiavi omnia iudicia oris tui in labiis meis narravi omnes iustitias oris tui

¹⁴in via testimoniorum tuorum delectatus sum sicut in omnibus divitiis in via testimoniorum tuorum laetatus sum quasi in omnibus divitiis

¹⁵in mandatis tuis exercebor et considerabo vias tuas in praeceptis tuis meditabor et contemplabor semitas tuas

¹⁶in iustificationibus tuis meditabor non obliviscar sermones tuos iustitiis tuis delectabor non obliviscar verba tua

¹⁷gimel retribue servo tuo vivifica me et custodiam sermones tuos gimel tribue servo tuo vivam et custodiam verba tua

¹⁸revela oculos meos et considerabo mirabilia de lege tua revela oculos meos et videbo mirabilia in lege tua

¹⁹incola ego sum in terra non abscondas a me mandata tua advena ego sum in terra ne abscondas a me mandata tua

²⁰concupivit anima mea desiderare iustificationes tuas in omni tempore desideravit anima mea desiderare iudicia tua in omni tempore

²¹increpasti superbos maledicti qui declinant a mandatis tuis increpasti superbos maledicti qui recedunt a mandatis tuis

²²aufer a me obprobrium et contemptum quia testimonia tua exquisivi aufer a me obprobrium et contemptum quoniam testimonia tua custodivi

²³etenim sederunt principes et adversum me loquebantur servus autem tuus exercebatur in iustificationibus tuis etenim sedentes principes adversum me loquebantur servus autem tuus meditabatur praecepta tua

²⁴nam et testimonia tua meditatio mea et consilium meum iustificationes tuae sed et testimonia tua voluntas mea quasi viri amicissimi mei

²⁵deleth adhesit pavimento anima mea vivifica me secundum verbum tuum deleth adhesit pulveri anima mea vivifica me iuxta verbum tuum

²⁶vias meas enuntiavi et exaudisti me doce me iustificationes tuas vias meas exposui et exaudisti doce me iustitiam tuam

²⁷viam iustificationum tuarum instrue me et exercebor in mirabilibus tuis viam praeceptorum tuorum fac me intellegere et loquar in mirabilibus tuis

²⁸dormitavit anima mea prae taedio confirma me in verbis tuis destillavit anima mea prae stultitia serva me iuxta eloquium tuum

²⁹viam iniquitatis amove a me et lege tua miserere mei viam mendacii aufer a me et legem tuam dona mihi

³⁰viam veritatis elegi iudicia tua non sum oblitus viam fidei elegi iudicia tua proponebam

³¹adhesi testimoniis tuis Domine noli me confundere adhesi testimoniis tuis Domine ne confundas me

³²viam mandatorum tuorum cucurri cum dilatasti cor meum viam mandatorum tuorum curram quoniam dilatasti cor meum

³³he legem pone mihi Domine viam iustificationum tuarum et exquiram eam semper he ostende mihi Domine viam praeceptorum tuorum et custodiam eam per vestigium

³⁴da mihi intellectum et scrutabor legem tuam et custodiam illam in toto corde meo doce me et observabo legem tuam et custodiam eam in toto corde

³⁵deduc me in semita mandatorum tuorum quia ipsam volui deduc me in semita mandatorum tuorum quia ipsam volui

³⁶inclina cor meum in testimonia tua et non in avaritiam inclina cor meum ad testimonia tua et non ad avaritiam

³⁷averte oculos meos ne videant vanitatem in via tua vivifica me averte oculos meos ne videant vanitatem in via tua vivifica me

³⁸statue servo tuo eloquium tuum in timore tuo suscita servo tuo eloquium tuum in timorem tuum

³⁹amputa obprobrium meum quod suspicatus sum quia iudicia tua iucunda averte obprobrium meum quod reveritus sum iudicia tua bona

⁴⁰ecce concupivi mandata tua in aequitate tua vivifica me ecce desideravi praecepta tua iustitia tua vivifica me

⁴¹vav et veniat super me misericordia tua Domine salutare tuum secundum eloquium tuum vav et veniant mihi misericordiae tuae Domine et salus tua iuxta eloquium tuum

⁴²et respondebo exprobrantibus mihi verbum quia speravi in sermonibus tuis et respondebo exprobranti mihi sermonem quia speravi in sermone tuo

⁴³et ne auferas de ore meo verbum veritatis usquequaque quia in iudiciis tuis supersperavi et ne auferas de ore meo verbum veritatis usque nimis quoniam iudicia tua expectavi

⁴⁴et custodiam legem tuam semper in saeculum et in saeculum saeculi et custodiam legem tuam iugiter in sempiternum et ultra

⁴⁵et ambulabam in latitudine quia mandata tua exquisivi et ambulabo in spatioso quia praecepta tua quaesivi

⁴⁶et loquebar in testimoniis tuis in conspectu regum et non confundebar et loquar in testimoniis tuis coram regibus et non confundar

⁴⁷et meditabar in mandatis tuis quae dilexi et delectabor in mandatis tuis quae dilexi

⁴⁸et levavi manus meas ad mandata quae dilexi et exercebar in iustificationibus tuis et levabo manus meas ad mandata tua quae dilexi et loquar in praeceptis tuis

⁴⁹zai memor esto verbi tui servo tuo in quo mihi spem dedisti zai memento sermonis servo tuo quem me sperare fecisti

⁵⁰haec me consolata est in humilitate mea quia eloquium tuum vivificavit me haec est consolatio mea in adflictione mea quia eloquium tuum vivificavit me

⁵¹superbi inique agebant usquequaque a lege autem tua non declinavi superbi deridebant me nimis a lege tua non declinavi

⁵²memor fui iudiciorum tuorum a saeculo Domine et consolatus sum recordatus sum iudiciorum tuorum a saeculo Domine et consolatus sum

⁵³defectio tenuit me prae peccatoribus derelinquentibus legem tuam horror obtinuit me ab impiis qui dereliquerunt legem tuam

⁵⁴cantabiles mihi erant iustificationes tuae in loco peregrinationis meae carmina erant mihi praecepta tua in domo peregrinationis meae

⁵⁵memor fui in nocte nominis tui Domine et custodivi legem tuam recordatus sum in nocte nominis tui Domine et custodivi legem tuam

⁵⁶haec facta est mihi quia iustificationes tuas exquisivi hoc factum est mihi quia praecepta tua custodivi

⁵⁷heth portio mea Dominus dixi custodire legem tuam heth pars mea Domine dixi ut custodiam verbum tuum

⁵⁸deprecatus sum faciem tuam in toto corde meo miserere mei secundum eloquium tuum deprecatus sum vultum tuum in toto corde miserere mei secundum eloquium tuum

⁵⁹cogitavi vias meas et avertisti pedes meos in testimonia tua recogitavi vias meas et converti pedes meos ad testimonia tua

⁶⁰paratus sum et non sum turbatus ut custodiam mandata tua festinavi et non neglexi custodire mandata tua

⁶¹funes peccatorum circumplexi sunt me et legem tuam non sum oblitus funes impiorum inplicaverunt me legem tuam non sum oblitus

⁶²media nocte surgebam ad confitendum tibi super iudicia iustificationis tuae medio noctis surgam ad confitendum tibi super iudicia iustificationis tuae

⁶³particeps ego sum omnium timentium te et custodientium mandata tua particeps ego sum omnium timentium te et custodientium praecepta tua

⁶⁴misericordia Domini plena est terra iustificationes tuas doce me misericordia tua conpleta est terra praecepta tua doce me

⁶⁵teth bonitatem fecisti cum servo tuo Domine secundum verbum tuum teth benefecisti servo tuo Domine secundum verbum tuum

⁶⁶bonitatem et disciplinam et scientiam doce me quia mandatis tuis credidi bonum sermonem et scientiam doce me quia mandatis tuis credidi

⁶⁷priusquam humiliarer ego deliqui propterea eloquium tuum custodivi antequam audirem ego ignoravi nunc autem eloquium tuum custodivi

⁶⁸bonus es tu et in bonitate tua doce me iustificationes tuas bonus tu et beneficus doce me praecepta tua

⁶⁹multiplicata est super me iniquitas superborum ego autem in toto corde scrutabor mandata tua adplicabant mihi mendacium superbi ego autem in toto corde servabam praecepta tua

⁷⁰coagulatum est sicut lac cor eorum ego vero legem tuam meditatus sum incrassatum est velut adeps cor eorum et ego in lege tua delectabar

⁷¹bonum mihi quia humiliasti me ut discam iustificationes tuas bonum mihi quia adflictus sum ut discerem praecepta tua

⁷²bonum mihi lex oris tui super milia auri et argenti melior mihi est lex oris tui super milia auri et argenti

⁷³ioth manus tuae fecerunt me et plasmaverunt me da mihi intellectum et discam mandata tua ioth manus tuae fecerunt me et firmaverunt me doce me et discam mandata tua

⁷⁴qui timent te videbunt me et laetabuntur quia in verba tua supersperavi qui timent te videbunt me et laetabuntur quia sermonem tuum expectavi

⁷⁵cognovi Domine quia aequitas iudicia tua et veritate humiliasti me scio Domine quia iustum iudicium tuum et vere adflixisti me

⁷⁶fiat misericordia tua ut consoletur me secundum eloquium tuum servo tuo sit obsecro misericordia tua in consolatione mea sicut locutus es servo tuo

⁷⁷veniant mihi miserationes tuae et vivam quia lex tua meditatio mea est veniant mihi misericordiae tuae et vivam quia lex tua delectatio mea

⁷⁸confundantur superbi quia iniuste iniquitatem fecerunt in me ego autem exercebor in mandatis tuis confundantur superbi quoniam inique contriverunt me ego autem loquar in praeceptis tuis

⁷⁹convertantur mihi timentes te et qui noverunt testimonia tua revertantur ad me qui timent te et qui sciunt testimonium tuum

⁸⁰fiat cor meum inmaculatum in iustificationibus tuis ut non confundar fiat cor meum perfectum in praeceptis tuis ut non confundar

⁸¹caf defecit in salutare tuum anima mea in verbum tuum supersperavi caph defecit in salutare tuum anima mea verbum tuum expectavi

⁸²defecerunt oculi mei in eloquium tuum dicentes quando consolaberis me consumpti sunt oculi mei in verbum tuum dicentes quando consolaberis me

⁸³quia factus sum sicut uter in pruina iustificationes tuas non sum oblitus et cum essem quasi uter in pruinam praecepta tua non sum oblitus

⁸⁴quot sunt dies servo tuo quando facies de persequentibus me iudicium quot sunt dies servi tui quando facies in persequentibus me iudicium

⁸⁵narraverunt mihi iniqui fabulationes sed non ut lex tua foderunt mihi superbi foveas quae non erant iuxta legem tuam

⁸⁶omnia mandata tua veritas inique persecuti sunt me adiuva me omnia mandata tua vera falso persecuti sunt me auxiliare mihi

⁸⁷paulo minus consummaverunt me in terra ego autem non dereliqui mandata tua paulo minus consumpserunt me in terra ego autem non dimisi praecepta tua

⁸⁸secundum misericordiam tuam vivifica me et custodiam testimonia oris tui secundum misericordiam tuam vivifica me et custodiam testimonium oris tui

⁸⁹lamed in aeternum Domine verbum tuum permanet in caelo lameth in aeternum Domine verbum tuum perstat in caelo

⁹⁰in generationem et generationem veritas tua fundasti terram et permanet in generatione et generatione fides tua fundasti terram et stat

⁹¹ordinatione tua perseverat dies quoniam omnia serviunt tibi iudicio tuo stant usque hodie quia omnia serviunt tibi

⁹²nisi quod lex tua meditatio mea est tunc forte perissem in humilitate mea nisi quod lex tua delectatio mea forte perissem in pressura mea

⁹³in aeternum non obliviscar iustificationes tuas quia in ipsis vivificasti me in sempiternum non obliviscar praeceptorum tuorum quia per ipsa vivificasti me

⁹⁴tuus sum ego salvum me fac quoniam iustificationes tuas exquisivi tuus ego sum salva me quoniam praecepta tua quaesivi

⁹⁵me expectaverunt peccatores ut perderent me testimonia tua intellexi me expectaverunt impii ut perderent me testimonium tuum considerabo

⁹⁶omni consummationi vidi finem latum mandatum tuum nimis omni consummationi vidi finem latum mandatum tuum nimis

⁹⁷mem quomodo dilexi legem tuam tota die meditatio mea est mem quam dilexi legem tuam tota die haec meditatio mea

⁹⁸super inimicos meos prudentem me fecisti mandato tuo quia in aeternum mihi est super inimicos meos instruis me mandata tua quia in sempiternum hoc est mihi

⁹⁹super omnes docentes me intellexi quia testimonia tua meditatio mea est super omnes qui docebant me eruditus sum quia testimonia tua meditatio mea

¹⁰⁰super senes intellexi quia mandata tua quaesivi super senes intellexi quia praecepta tua servavi

¹⁰¹ab omni via mala prohibui pedes meos ut custodiam verba tua ab omni semita mala prohibui pedes meos ut custodirem verba tua

¹⁰²a iudiciis tuis non declinavi quia tu legem posuisti mihi a iudiciis tuis non recessi quia tu inluminasti me

¹⁰³quam dulcia faucibus meis eloquia tua super mel ori meo quam dulce gutturi meo eloquium tuum super mel ori meo

¹⁰⁴a mandatis tuis intellexi propterea odivi omnem viam iniquitatis praecepta tua considerabam propterea odivi omnem semitam mendacii

¹⁰⁵nun lucerna pedibus meis verbum tuum et lumen semitis meis nun lucerna pedi meo verbum tuum et lux semitae meae

¹⁰⁶iuravi et statui custodire iudicia iustitiae tuae iuravi et perseverabo ut custodiam iudicia iustitiae tuae

¹⁰⁷humiliatus sum usquequaque Domine vivifica me secundum verbum tuum adflictus sum usque nimis Domine vivifica me iuxta verbum tuum

¹⁰⁸voluntaria oris mei beneplacita fac Domine et iudicia tua doce me voluntaria oris mei conplaceant tibi Domine et secundum iudicia tua doce me

¹⁰⁹anima mea in manibus meis semper et legem tuam non sum oblitus anima mea in manu mea semper et legis tuae non sum oblitus

¹¹⁰posuerunt peccatores laqueum mihi et de mandatis tuis non erravi posuerunt impii laqueum mihi et a praeceptis tuis non aberravi

¹¹¹hereditate adquisivi testimonia tua in aeternum quia exultatio cordis mei sunt hereditas mea testimonia tua in sempiternum quia gaudium cordis mei sunt

¹¹²inclinavi cor meum ad faciendas iustificationes tuas in aeternum propter retributionem inclinavi cor meum ut facerem iustitias tuas propter aeternam retributionem

¹¹³samech iniquos odio habui et legem tuam dilexi samech tumultuosos odivi et legem tuam dilexi

¹¹⁴adiutor meus et susceptor meus es tu in verbum tuum supersperavi protectio mea et scutum meum tu es verbum tuum expectavi

¹¹⁵declinate a me maligni et scrutabor mandata Dei mei recedite a me maligni et custodiam mandata Dei mei

¹¹⁶suscipe me secundum eloquium tuum et vivam et non confundas me ab expectatione mea confirma me secundum verbum tuum et vivam et noli me confundere ab expectatione mea

¹¹⁷adiuva me et salvus ero et meditabor in iustificationibus tuis semper auxiliare mihi et salvus ero et delectabor in praeceptis tuis iugiter

¹¹⁸sprevisti omnes discedentes a iustitiis tuis quia iniusta cogitatio eorum abiecisti omnes qui adversantur praecepta tua quia mendax cogitatio eorum

¹¹⁹praevaricantes reputavi omnes peccatores terrae ideo dilexi testimonia tua quasi scoriam conputasti omnes impios terrae propterea dilexi testimonia tua

¹²⁰confige timore tuo carnes meas a iudiciis enim tuis timui horripilavit a timore tuo caro mea et iudicia tua timui

¹²¹ain feci iudicium et iustitiam non tradas me calumniantibus me ain feci iudicium et iustitiam ne derelinquas me his qui calumniantur me

¹²²suscipe servum tuum in bonum non calumnientur me superbi sponde pro servo tuo in bonum ne calumnientur me superbi

¹²³oculi mei defecerunt in salutare tuum et in eloquium iustitiae tuae oculi mei defecerunt in salutare tuum et in eloquium iustitiae tuae

¹²⁴fac cum servo tuo secundum misericordiam tuam et iustificationes tuas doce me fac cum servo tuo iuxta misericordiam tuam et praecepta tua doce me

¹²⁵servus tuus sum ego da mihi intellectum et sciam testimonia tua servus tuus ego instrue me et cognoscam testimonia tua

¹²⁶tempus faciendi Domino dissipaverunt legem tuam tempus est ut facias Domine praevaricati sunt legem tuam

¹²⁷ideo dilexi mandata tua super aurum et topazion propterea dilexi mandata tua super aurum et topazium

¹²⁸propterea ad omnia mandata tua dirigebar omnem viam iniquam odio habui propterea in universa praecepta direxi omnem semitam mendacii odio habui

¹²⁹fe mirabilia testimonia tua ideo scrutata est ea anima mea fe mirabilia testimonia tua idcirco custodivit ea anima mea

¹³⁰declaratio sermonum tuorum inluminat et intellectum dat parvulis ostium sermonum tuorum lucidum doce parvulos

¹³¹os meum aperui et adtraxi spiritum quia mandata tua desiderabam os meum aperui et respiravi quia mandata tua desiderabam

¹³²aspice in me et miserere mei secundum iudicium diligentium nomen tuum respice ad me et miserere mei iuxta iudicium diligentium nomen tuum

¹³³gressus meos dirige secundum eloquium tuum et non dominetur mei omnis iniustitia gressus meos firma in sermone tuo et non des potestatem in me universae iniquitati

¹³⁴redime me a calumniis hominum et custodiam mandata tua redime me a calumnia hominis et custodiam praecepta tua

¹³⁵faciem tuam inlumina super servum tuum et doce me iustificationes tuas vultum tuum ostende servo tuo et doce me praecepta tua

¹³⁶exitus aquarum deduxerunt oculi mei quia non custodierunt legem tuam rivi aquarum fluebant de oculis meis quia non custodierunt legem tuam

¹³⁷sade iustus es Domine et rectum iudicium tuum sade iustus es Domine et rectum iudicium tuum

¹³⁸mandasti iustitiam testimonia tua et veritatem tuam nimis praecepisti iustitiam testimonii tui et veritatem nimis

¹³⁹tabescere me fecit zelus meus quia obliti sunt verba tua inimici mei consumpsit me zelus meus quia obliti sunt verborum tuorum hostes mei

¹⁴⁰ignitum eloquium tuum vehementer et servus tuus dilexit illud probatus sermo tuus nimis et servus tuus dilexit illum

¹⁴¹adulescentulus sum ego et contemptus iustificationes tuas non sum oblitus parvulus ego sum et contemptibilis sed praecepta tua non sum oblitus

¹⁴²iustitia tua iustitia in aeternum et lex tua veritas iustitia tua iustitia sempiterna et lex tua veritas

¹⁴³tribulatio et angustia invenerunt me mandata tua meditatio mea tribulatio et angustia invenerunt me mandata tua voluntas mea

¹⁴⁴aequitas testimonia tua in aeternum intellectum da mihi et vivam iusta testimonia tua semper doce me et vivam

¹⁴⁵cof clamavi in toto corde exaudi me Domine iustificationes tuas requiram coph clamavi in toto corde exaudi me Domine praecepta tua custodiam

¹⁴⁶clamavi te salvum me fac et custodiam mandata tua invocavi te salvum me fac et custodiam testimonia tua

¹⁴⁷praeveni in maturitate et clamavi in verba tua supersperavi surgebam adhuc in tenebris et clamabam verbum tuum expectans

¹⁴⁸praevenerunt oculi mei ad diluculum ut meditarer eloquia tua praeveniebant oculi mei vigilias ut meditarer in sermonibus tuis

¹⁴⁹vocem meam audi secundum misericordiam tuam Domine secundum iudicium tuum vivifica me vocem meam audi iuxta misericordiam tuam Domine secundum iudicium tuum vivifica me

¹⁵⁰adpropinquaverunt persequentes me iniquitate a lege autem tua longe facti sunt adpropinquaverunt persecutores mei sceleri et a lege tua procul facti sunt

¹⁵¹prope es tu Domine et omnes viae tuae veritas prope es tu Domine et omnia mandata tua veritas

¹⁵²initio cognovi de testimoniis tuis quia in aeternum fundasti ea a principio novi de testimoniis tuis quod in aeternum fundaveris ea

¹⁵³res vide humilitatem meam et eripe me quia legem tuam non sum oblitus res vide adflictionem meam et eripe me quia legis tuae non sum oblitus

¹⁵⁴iudica iudicium meum et redime me propter eloquium tuum vivifica me iudica causam meam et redime me sermone tuo vivifica me

¹⁵⁵longe a peccatoribus salus quia iustificationes tuas non exquisierunt longe ab impiis salus quia praecepta tua non quaesierunt

¹⁵⁶misericordiae tuae multae Domine secundum iudicia tua vivifica me misericordiae tuae multae Domine iuxta iudicia tua vivifica me

¹⁵⁷multi qui persequuntur me et tribulant me a testimoniis tuis non declinavi multi qui persequuntur me et adfligunt me a testimoniis tuis non declinavi

¹⁵⁸vidi praevaricantes et tabescebam quia eloquia tua non custodierunt vidi praevaricatores tuos et maerebam qui verbum tuum non custodierunt

¹⁵⁹vide quoniam mandata tua dilexi Domine in misericordia tua vivifica me vide quoniam praecepta tua dilexi Domine iuxta misericordiam tuam vivifica me

¹⁶⁰principium verborum tuorum veritas et in aeternum omnia iudicia iustitiae tuae caput verborum tuorum veritas et sempiternum omne iudicium iustitiae tuae

¹⁶¹sen principes persecuti sunt me gratis et a verbis tuis formidavit cor meum sen principes persecuti sunt me sine causa verba autem tua timuit cor meum

¹⁶²laetabor ego super eloquia tua sicut qui invenit spolia multa gaudens ego sum in eloquio tuo sicut qui invenit spolia multa

¹⁶³iniquitatem odio habui et abominatus sum legem autem tuam dilexi mendacium odio habui et detestatus sum legem autem tuam dilexi

¹⁶⁴septies in die laudem dixi tibi super iudicia iustitiae tuae septies in die laudavi te super iudiciis iustitiae tuae

¹⁶⁵pax multa diligentibus legem tuam et non est illis scandalum pax multa diligentibus legem tuam et non est illis scandalum

¹⁶⁶expectabam salutare tuum Domine et mandata tua dilexi expectavi salutare tuum Domine et mandata tua feci

¹⁶⁷custodivit anima mea testimonia tua et dilexi ea vehementer custodivit anima mea testimonia tua et dilexi ea nimis

¹⁶⁸servavi mandata tua et testimonia tua quia omnes viae meae in conspectu tuo custodivi praecepta tua et testimonia tua quia omnes viae meae in conspectu tuo

¹⁶⁹thau adpropinquet deprecatio mea in conspectu tuo Domine iuxta eloquium tuum da mihi intellectum thau ingrediatur laus mea coram te Domine secundum verbum tuum doce me

¹⁷⁰intret postulatio mea in conspectu tuo secundum eloquium tuum eripe me veniat deprecatio mea ante vultum tuum secundum eloquium tuum libera me

¹⁷¹eructabunt labia mea hymnum cum docueris me iustificationes tuas fundant labia mea hymnum docebis enim me praecepta tua

¹⁷²pronuntiabit lingua mea eloquium tuum quia omnia mandata tua aequitas loquetur lingua mea sermonem tuum quia omnia mandata tua iusta

¹⁷³fiat manus tua ut salvet me quoniam mandata tua elegi sit manus tua auxiliatrix mea quia praecepta tua elegi

¹⁷⁴concupivi salutare tuum Domine et lex tua meditatio mea desideravi salutare tuum Domine et lex tua voluntas mea

¹⁷⁵vivet anima mea et laudabit te et iudicia tua adiuvabunt me vivet anima mea et laudabit te et iudicia tua auxiliabuntur mihi

¹⁷⁶erravi sicut ovis quae periit quaere servum tuum quia mandata tua non sum oblitus erravi quasi ovis perdita quaere servum tuum quia mandatorum tuorum non sum oblitus

Psalmi 118

¹Alleluja. Beati immaculati in via, qui ambulant in lege Domini.

²Beati qui scrutantur testimonia ejus ; in toto corde exquirunt eum.

³Non enim qui operantur iniquitatem in viis ejus ambulaverunt.

⁴Tu mandasti mandata tua custodiri nimis.

⁵Utinam dirigantur viæ meæ ad custodiendas justificationes tuas.

⁶Tunc non confundar, cum perspexero in omnibus mandatis tuis.

⁷Confitebor tibi in directione cordis, in eo quod didici judicia justitiæ tuæ.

⁸Justificationes tuas custodiam ; non me derelinquas usquequaque.

⁹In quo corrigit adolescentior viam suam ? in custodiendo sermones tuos.

¹⁰In toto corde meo exquisivi te ; ne repellas me a mandatis tuis.

¹¹In corde meo abscondi eloquia tua, ut non peccem tibi.

¹²Benedictus es, Domine ; doce me justificationes tuas.

¹³In labiis meis pronuntiavi omnia judicia oris tui.

¹⁴In via testimoniorum tuorum delectatus sum, sicut in omnibus divitiis.

¹⁵In mandatis tuis exercebor, et considerabo vias tuas.

¹⁶In justificationibus tuis meditabor : non obliviscar sermones tuos.

¹⁷Retribue servo tuo, vivifica me, et custodiam sermones tuos.

¹⁸Revela oculos meos, et considerabo mirabilia de lege tua.

¹⁹Incola ego sum in terra : non abscondas a me mandata tua.

²⁰Concupivit anima mea desiderare justificationes tuas in omni tempore.

²¹Increpasti superbos ; maledicti qui declinant a mandatis tuis.

²²Aufer a me opprobrium et contemptum, quia testimonia tua exquisivi.

²³Etenim sederunt principes, et adversum me loquebantur ; servus autem tuus exercebatur in justificationibus tuis.

²⁴Nam et testimonia tua meditatio mea est, et consilium meum justificationes tuæ.

²⁵Adhæsit pavimento anima mea : vivifica me secundum verbum tuum.

²⁶Vias meas enuntiavi, et exaudisti me ; doce me justificationes tuas.

²⁷Viam justificationum tuarum instrue me, et exercebor in mirabilibus tuis.

²⁸Dormitavit anima mea præ tædio : confirma me in verbis tuis.

²⁹Viam iniquitatis amove a me, et de lege tua miserere mei.

³⁰Viam veritatis elegi ; judicia tua non sum oblitus.

³¹Adhæsi testimoniis tuis, Domine ; noli me confundere.

³²Viam mandatorum tuorum cucurri, cum dilatasti cor meum.

³³Legem pone mihi, Domine, viam justificationum tuarum, et exquiram eam semper.

³⁴Da mihi intellectum, et scrutabor legem tuam, et custodiam illam in toto corde meo.

³⁵Deduc me in semitam mandatorum tuorum, quia ipsam volui.

³⁶Inclina cor meum in testimonia tua, et non in avaritiam.

³⁷Averte oculos meos, ne videant vanitatem ; in via tua vivifica me.

³⁸Statue servo tuo eloquium tuum in timore tuo.

³⁹Amputa opprobrium meum quod suspicatus sum, quia judicia tua jucunda.

⁴⁰Ecce concupivi mandata tua : in æquitate tua vivifica me.

⁴¹Et veniat super me misericordia tua, Domine ; salutare tuum secundum eloquium tuum.

⁴²Et respondebo exprobrantibus mihi verbum, quia speravi in sermonibus tuis.

⁴³Et ne auferas de ore meo verbum veritatis usquequaque, quia in judiciis tuis supersperavi.

⁴⁴Et custodiam legem tuam semper, in sæculum et in sæculum sæculi.

⁴⁵Et ambulabam in latitudine, quia mandata tua exquisivi.

⁴⁶Et loquebar in testimoniis tuis in conspectu regum, et non confundebar.

⁴⁷Et meditabar in mandatis tuis, quæ dilexi.

⁴⁸Et levavi manus meas ad mandata tua, quæ dilexi, et exercebar in justificationibus tuis.

⁴⁹Memor esto verbi tui servo tuo, in quo mihi spem dedisti.

⁵⁰Hæc me consolata est in humilitate mea, quia eloquium tuum vivificavit me.

⁵¹Superbi inique agebant usquequaque ; a lege autem tua non declinavi.

⁵²Memor fui judiciorum tuorum a sæculo, Domine, et consolatus sum.

⁵³Defectio tenuit me, pro peccatoribus derelinquentibus legem tuam.

⁵⁴Cantabiles mihi erant justificationes tuæ in loco peregrinationis meæ.

⁵⁵Memor fui nocte nominis tui, Domine, et custodivi legem tuam.

⁵⁶Hæc facta est mihi, quia justificationes tuas exquisivi.

⁵⁷Portio mea, Domine, dixi custodire legem tuam.

⁵⁸Deprecatus sum faciem tuam in toto corde meo ; miserere mei secundum eloquium tuum.

⁵⁹Cogitavi vias meas, et converti pedes meos in testimonia tua.

⁶⁰Paratus sum, et non sum turbatus, ut custodiam mandata tua.

⁶¹Funes peccatorum circumplexi sunt me, et legem tuam non sum oblitus.

⁶²Media nocte surgebam ad confitendum tibi, super judicia justificationis tuæ.

⁶³Particeps ego sum omnium timentium te, et custodientium mandata tua.

⁶⁴Misericordia tua, Domine, plena est terra ; justificationes tuas doce me.

⁶⁵Bonitatem fecisti cum servo tuo, Domine, secundum verbum tuum.

⁶⁶Bonitatem, et disciplinam, et scientiam doce me, quia mandatis tuis credidi.

⁶⁷Priusquam humiliarer ego deliqui : propterea eloquium tuum custodivi.

⁶⁸Bonus es tu, et in bonitate tua doce me justificationes tuas.

⁶⁹Multiplicata est super me iniquitas superborum ; ego autem in toto corde meo scrutabor mandata tua.

⁷⁰Coagulatum est sicut lac cor eorum ; ego vero legem tuam meditatus sum.

⁷¹Bonum mihi quia humiliasti me, ut discam justificationes tuas.

⁷²Bonum mihi lex oris tui, super millia auri et argenti.

⁷³Manus tuæ fecerunt me, et plasmaverunt me : da mihi intellectum, et discam mandata tua.

⁷⁴Qui timent te videbunt me et lætabuntur, quia in verba tua supersperavi.

⁷⁵Cognovi, Domine, quia æquitas judicia tua, et in veritate tua humiliasti me.

⁷⁶Fiat misericordia tua ut consoletur me, secundum eloquium tuum servo tuo.

⁷⁷Veniant mihi miserationes tuæ, et vivam, quia lex tua meditatio mea est.

⁷⁸Confundantur superbi, quia injuste iniquitatem fecerunt in me ; ego autem exercebor in mandatis tuis.

⁷⁹Convertantur mihi timentes te, et qui noverunt testimonia tua.

⁸⁰Fiat cor meum immaculatum in justificationibus tuis, ut non confundar.

⁸¹Defecit in salutare tuum anima mea, et in verbum tuum supersperavi.

⁸²Defecerunt oculi mei in eloquium tuum, dicentes : Quando consolaberis me ?

⁸³Quia factus sum sicut uter in pruina ; justificationes tuas non sum oblitus.

⁸⁴Quot sunt dies servi tui ? quando facies de persequentibus me judicium ?

⁸⁵Narraverunt mihi iniqui fabulationes, sed non ut lex tua.

⁸⁶Omnia mandata tua veritas : inique persecuti sunt me, adjuva me.

⁸⁷Paulominus consummaverunt me in terra ; ego autem non dereliqui mandata tua.

⁸⁸Secundum misericordiam tuam vivifica me, et custodiam testimonia oris tui.

⁸⁹In æternum, Domine, verbum tuum permanet in cælo.

⁹⁰In generationem et generationem veritas tua ; fundasti terram, et permanet.

⁹¹Ordinatione tua perseverat dies, quoniam omnia serviunt tibi.

⁹²Nisi quod lex tua meditatio mea est, tunc forte periissem in humilitate mea.

⁹³In æternum non obliviscar justificationes tuas, quia in ipsis vivificasti me.

⁹⁴Tuus sum ego ; salvum me fac : quoniam justificationes tuas exquisivi.

⁹⁵Me exspectaverunt peccatores ut perderent me ; testimonia tua intellexi.

⁹⁶Omnis consummationis vidi finem, latum mandatum tuum nimis.

⁹⁷Quomodo dilexi legem tuam, Domine ! tota die meditatio mea est.

⁹⁸Super inimicos meos prudentem me fecisti mandato tuo, quia in æternum mihi est.

⁹⁹Super omnes docentes me intellexi, quia testimonia tua meditatio mea est.

¹⁰⁰Super senes intellexi, quia mandata tua quæsivi.

¹⁰¹Ab omni via mala prohibui pedes meos, ut custodiam verba tua.

¹⁰²A judiciis tuis non declinavi, quia tu legem posuisti mihi.

¹⁰³Quam dulcia faucibus meis eloquia tua ! super mel ori meo.

¹⁰⁴A mandatis tuis intellexi ; propterea odivi omnem viam iniquitatis.

¹⁰⁵Lucerna pedibus meis verbum tuum, et lumen semitis meis.

¹⁰⁶Juravi et statui custodire judicia justitiæ tuæ.

¹⁰⁷Humiliatus sum usquequaque, Domine ; vivifica me secundum verbum tuum.

¹⁰⁸Voluntaria oris mei beneplacita fac, Domine, et judicia tua doce me.

¹⁰⁹Anima mea in manibus meis semper, et legem tuam non sum oblitus.

¹¹⁰Posuerunt peccatores laqueum mihi, et de mandatis tuis non erravi.

¹¹¹Hæreditate acquisivi testimonia tua in æternum, quia exsultatio cordis mei sunt.

¹¹²Inclinavi cor meum ad faciendas justificationes tuas in æternum, propter retributionem.

¹¹³Iniquos odio habui, et legem tuam dilexi.

¹¹⁴Adjutor et susceptor meus es tu, et in verbum tuum supersperavi.

¹¹⁵Declinate a me, maligni, et scrutabor mandata Dei mei.

¹¹⁶Suscipe me secundum eloquium tuum, et vivam, et non confundas me ab exspectatione mea.

¹¹⁷Adjuva me, et salvus ero, et meditabor in justificationibus tuis semper.

¹¹⁸Sprevisti omnes discedentes a judiciis tuis, quia injusta cogitatio eorum.

¹¹⁹Prævaricantes reputavi omnes peccatores terræ ; ideo dilexi testimonia tua.

¹²⁰Confige timore tuo carnes meas ; a judiciis enim tuis timui.

¹²¹Feci judicium et justitiam : non tradas me calumniantibus me.

¹²²Suscipe servum tuum in bonum : non calumnientur me superbi.

¹²³Oculi mei defecerunt in salutare tuum, et in eloquium justitiæ tuæ.

¹²⁴Fac cum servo tuo secundum misericordiam tuam, et justificationes tuas doce me.

¹²⁵Servus tuus sum ego : da mihi intellectum, ut sciam testimonia tua.

¹²⁶Tempus faciendi, Domine : dissipaverunt legem tuam.

¹²⁷Ideo dilexi mandata tua super aurum et topazion.

¹²⁸Propterea ad omnia mandata tua dirigebar ; omnem viam iniquam odio habui.

¹²⁹Mirabilia testimonia tua : ideo scrutata est ea anima mea.

¹³⁰Declaratio sermonum tuorum illuminat, et intellectum dat parvulis.

¹³¹Os meum aperui, et attraxi spiritum : quia mandata tua desiderabam.

¹³²Aspice in me, et miserere mei, secundum judicium diligentium nomen tuum.

¹³³Gressus meos dirige secundum eloquium tuum, et non dominetur mei omnis injustitia.

¹³⁴Redime me a calumniis hominum ut custodiam mandata tua.

¹³⁵Faciem tuam illumina super servum tuum, et doce me justificationes tuas.

¹³⁶Exitus aquarum deduxerunt oculi mei, quia non custodierunt legem tuam.

¹³⁷Justus es, Domine, et rectum judicium tuum.

¹³⁸Mandasti justitiam testimonia tua, et veritatem tuam nimis.

¹³⁹Tabescere me fecit zelus meus, quia obliti sunt verba tua inimici mei.

¹⁴⁰Ignitum eloquium tuum vehementer, et servus tuus dilexit illud.

¹⁴¹Adolescentulus sum ego et contemptus ; justificationes tuas non sum oblitus.

¹⁴²Justitia tua, justitia in æternum, et lex tua veritas.

¹⁴³Tribulatio et angustia invenerunt me ; mandata tua meditatio mea est.

¹⁴⁴Æquitas testimonia tua in æternum : intellectum da mihi, et vivam.

¹⁴⁵Clamavi in toto corde meo : exaudi me, Domine ; justificationes tuas requiram.

¹⁴⁶Clamavi ad te ; salvum me fac : ut custodiam mandata tua.

¹⁴⁷Præveni in maturitate, et clamavi : quia in verba tua supersperavi.

¹⁴⁸Prævenerunt oculi mei ad te diluculo, ut meditarer eloquia tua.

¹⁴⁹Vocem meam audi secundum misericordiam tuam, Domine, et secundum judicium tuum vivifica me.

¹⁵⁰Appropinquaverunt persequentes me iniquitati : a lege autem tua longe facti sunt.

¹⁵¹Prope es tu, Domine, et omnes viæ tuæ veritas.

¹⁵²Initio cognovi de testimoniis tuis, quia in æternum fundasti ea.

¹⁵³Vide humilitatem meam, et eripe me, quia legem tuam non sum oblitus.

¹⁵⁴Judica judicium meum, et redime me : propter eloquium tuum vivifica me.

¹⁵⁵Longe a peccatoribus salus, quia justificationes tuas non exquisierunt.

¹⁵⁶Misericordiæ tuæ multæ, Domine ; secundum judicium tuum vivifica me.

¹⁵⁷Multi qui persequuntur me, et tribulant me ; a testimoniis tuis non declinavi.

¹⁵⁸Vidi prævaricantes et tabescebam, quia eloquia tua non custodierunt.

¹⁵⁹Vide quoniam mandata tua dilexi, Domine : in misericordia tua vivifica me.

¹⁶⁰Principium verborum tuorum veritas ; in æternum omnia judicia justitiæ tuæ.

¹⁶¹Principes persecuti sunt me gratis, et a verbis tuis formidavit cor meum.

¹⁶²Lætabor ego super eloquia tua, sicut qui invenit spolia multa.

¹⁶³Iniquitatem odio habui, et abominatus sum, legem autem tuam dilexi.

¹⁶⁴Septies in die laudem dixi tibi, super judicia justitiæ tuæ.

¹⁶⁵Pax multa diligentibus legem tuam, et non est illis scandalum.

¹⁶⁶Exspectabam salutare tuum, Domine, et mandata tua dilexi.

¹⁶⁷Custodivit anima mea testimonia tua, et dilexit ea vehementer.

¹⁶⁸Servavi mandata tua et testimonia tua, quia omnes viæ meæ in conspectu tuo.

¹⁶⁹Appropinquet deprecatio mea in conspectu tuo, Domine ; juxta eloquium tuum da mihi intellectum.

¹⁷⁰Intret postulatio mea in conspectu tuo ; secundum eloquium tuum eripe me.

¹⁷¹Eructabunt labia mea hymnum, cum docueris me justificationes tuas.

¹⁷²Pronuntiabit lingua mea eloquium tuum, quia omnia mandata tua æquitas.

¹⁷³Fiat manus tua ut salvet me, quoniam mandata tua elegi.

¹⁷⁴Concupivi salutare tuum, Domine, et lex tua meditatio mea est.

¹⁷⁵Vivet anima mea, et laudabit te, et judicia tua adjuvabunt me.

¹⁷⁶Erravi sicut ovis quæ periit : quære servum tuum, quia mandata tua non sum oblitus.