Psalmi 117

¹alleluia confitemini Domino quoniam bonus quoniam in saeculum misericordia eius confitemini Domino quoniam bonus quoniam in aeternum misericordia eius

²dicat nunc Israhel quoniam bonus quoniam in saeculum misericordia eius dicat nunc Israhel quoniam in aeternum misericordia eius

³dicat nunc domus Aaron quoniam in saeculum misericordia eius dicat domus Aaron quoniam in aeternum misericordia eius

⁴dicant nunc qui timent Dominum quoniam in saeculum misericordia eius dicant qui timent Dominum quoniam in aeternum misericordia eius

⁵de tribulatione invocavi Dominum et exaudivit me in latitudinem Dominus cum tribularer invocavi Dominum et exaudivit me in latitudine Dominus

⁶Dominus mihi adiutor non timebo quid faciat mihi homo Dominus meus es non timebo quid faciat mihi homo

⁷Dominus mihi adiutor et ego despiciam inimicos meos Dominus mihi auxiliator et ego despiciam odientes me

⁸bonum est confidere in Domino quam confidere in homine melius est sperare in Domino quam sperare in homine

⁹bonum est sperare in Domino quam sperare in principibus melius est sperare in Domino quam sperare in principibus

¹⁰omnes gentes circumierunt me et in nomine Domini *quia; ultus sum in eos omnes gentes circumdederunt me et in nomine Domini ultus sum eas

¹¹circumdantes circumdederunt me in nomine autem Domini * quia; ultus sum in eos circumdederunt me et obsederunt me sed in nomine Domini ultus sum eas

¹²circumdederunt me sicut apes et exarserunt sicut ignis in spinis et in nomine Domini * quia; ultus sum in eos circumdederunt me quasi apes extinctae sunt quasi ignis spinarum in nomine Domini quia ultus sum eas

¹³inpulsus eversus sum ut caderem et Dominus suscepit me inpulsus pellebar ut caderem et Dominus sustentavit me

¹⁴fortitudo mea et laudatio mea Dominus et factus est mihi in salutem fortitudo mea et laus mea Dominus et factus est mihi in salutem

¹⁵vox exultationis et salutis in tabernaculis iustorum vox laudis et salutis in tabernaculis iustorum

¹⁶dextera Domini fecit virtutem dextera Domini exaltavit me dextera Domini fecit virtutem dextera Domini fecit fortitudinem dextera Domini excelsa dextera Domini fecit fortitudinem

¹⁷non moriar sed vivam et narrabo opera Domini non moriar sed vivam et narrabo opera Domini

¹⁸castigans castigavit me Dominus et morti non tradidit me corripiens arguit me Dominus et morti non tradidit me

¹⁹aperite mihi portas iustitiae ingressus in eas confitebor Domino aperite mihi portas iustitiae ingressus eas confitebor Domino

²⁰haec porta Domini iusti intrabunt in eam haec est porta Domini iusti intrabunt in eam

²¹confitebor tibi quoniam exaudisti me et factus es mihi in salutem confitebor tibi quoniam exaudisti me et factus es mihi in salutem

²²lapidem quem reprobaverunt aedificantes hic factus est in caput anguli lapis quem reprobaverunt aedificantes factus est in caput anguli

²³a Domino factum est istud hoc est mirabile in oculis nostris a Domino factum est istud et hoc mirabile in oculis nostris

²⁴haec est dies quam fecit Dominus exultemus et laetemur in ea haec est dies quam fecit Dominus exultemus et laetemur in ea

²⁵o Domine salvum fac o Domine prosperare obsecro Domine salva obsecro obsecro Domine prosperare obsecro

²⁶benedictus qui venturus est in nomine Domini benediximus vobis de domo Domini benedictus qui venit in nomine Domini benediximus vobis de domo Domini

²⁷Deus Dominus et inluxit nobis constituite diem sollemnem in condensis usque ad cornua altaris Deus Dominus et apparuit nobis frequentate sollemnitatem in frondosis usque ad cornua altaris

²⁸Deus meus es tu et confitebor tibi Deus meus es tu et exaltabo te confitebor tibi quoniam exaudisti me et factus es mihi in salutem Deus meus es tu et confitebor tibi Deus meus es tu exaltabo te

²⁹confitemini Domino quoniam bonus quoniam in saeculum misericordia eius confitemini Domino quoniam bonus quoniam in aeternum misericordia eius

Psalmi 117

¹Alleluja. Confitemini Domino, quoniam bonus, quoniam in sæculum misericordia ejus.

²Dicat nunc Israël : Quoniam bonus, quoniam in sæculum misericordia ejus.

³Dicat nunc domus Aaron : Quoniam in sæculum misericordia ejus.

⁴Dicant nunc qui timent Dominum : Quoniam in sæculum misericordia ejus.

⁵De tribulatione invocavi Dominum, et exaudivit me in latitudine Dominus.

⁶Dominus mihi adjutor ; non timebo quid faciat mihi homo.

⁷Dominus mihi adjutor, et ego despiciam inimicos meos.

⁸Bonum est confidere in Domino, quam confidere in homine.

⁹Bonum est sperare in Domino, quam sperare in principibus.

¹⁰Omnes gentes circuierunt me, et in nomine Domini, quia ultus sum in eos.

¹¹Circumdantes circumdederunt me, et in nomine Domini, quia ultus sum in eos.

¹²Circumdederunt me sicut apes, et exarserunt sicut ignis in spinis : et in nomine Domini, quia ultus sum in eos.

¹³Impulsus eversus sum, ut caderem, et Dominus suscepit me.

¹⁴Fortitudo mea et laus mea Dominus, et factus est mihi in salutem.

¹⁵Vox exsultationis et salutis in tabernaculis justorum.

¹⁶Dextera Domini fecit virtutem ; dextera Domini exaltavit me : dextera Domini fecit virtutem.

¹⁷Non moriar, sed vivam, et narrabo opera Domini.

¹⁸Castigans castigavit me Dominus, et morti non tradidit me.

¹⁹Aperite mihi portas justitiæ : ingressus in eas confitebor Domino.

²⁰Hæc porta Domini : justi intrabunt in eam.

²¹Confitebor tibi quoniam exaudisti me, et factus es mihi in salutem.

²²Lapidem quem reprobaverunt ædificantes, hic factus est in caput anguli.

²³A Domino factum est istud, et est mirabile in oculis nostris.

²⁴Hæc est dies quam fecit Dominus ; exsultemus, et lætemur in ea.

²⁵O Domine, salvum me fac ; o Domine, bene prosperare.

²⁶Benedictus qui venit in nomine Domini : benediximus vobis de domo Domini.

²⁷Deus Dominus, et illuxit nobis. Constituite diem solemnem in condensis, usque ad cornu altaris.

²⁸Deus meus es tu, et confitebor tibi ; Deus meus es tu, et exaltabo te. Confitebor tibi quoniam exaudisti me, et factus es mihi in salutem.

²⁹Confitemini Domino, quoniam bonus, quoniam in sæculum misericordia ejus.