Psalmi 108

¹in finem David psalmus pro victoria David canticum

²Deus laudem meam ne tacueris quia os peccatoris et os dolosi super me apertum est Deus laudabilis mihi ne taceas quia os impii et os dolosi contra me apertum est

³locuti sunt adversum me lingua dolosa et sermonibus odii circuierunt me et expugnaverunt me gratis locuti sunt de me lingua mendacii verbis odii circumdederunt me et expugnaverunt me frustra

⁴pro eo ut me diligerent detrahebant mihi ego autem orabam pro eo quod eos diligebam adversabantur mihi ego autem orabam

⁵et posuerunt adversus me mala pro bonis et odium pro dilectione mea et posuerunt contra me malum pro bono et odium pro dilectione mea

⁶constitue super eum peccatorem et diabulus stet a dextris eius constitue super eum impium et Satan astet a dextris eius

⁷cum iudicatur exeat condemnatus et oratio eius fiat in peccatum cum fuerit iudicatus exeat condemnatus et oratio eius sit in peccatum

⁸fiant dies eius pauci et episcopatum eius accipiat alter fiant dies eius parvi episcopatum eius accipiat alter

⁹fiant filii eius orfani et uxor eius vidua sint filii eius pupilli et uxor eius vidua

¹⁰nutantes transferantur filii eius et mendicent eiciantur de habitationibus suis instabiles vagentur liberi eius et mendicent et quaerantur in parietinis suis

¹¹scrutetur fenerator omnem substantiam eius et diripiant alieni labores eius scrutetur exactor universa quae habet et diripiant alieni laborem eius

¹²non sit illi adiutor nec sit qui misereatur pupillis eius non sit qui eius misereatur nec qui clemens sit in pupillos eius

¹³fiant nati eius in interitum in generatione una deleatur nomen eius fiat novissimum eius interitus in generatione altera deleatur nomen eius

¹⁴in memoriam redeat iniquitas patrum eius in conspectu Domini et peccatum matris eius non deleatur redeat in memoria iniquitas patrum eius apud Deum et iniquitas matris eius ne deleatur

¹⁵fiant contra Dominum semper et dispereat de terra memoria eorum sit contra Dominum semper et intereat de terra memoria eorum

¹⁶pro eo quod non est recordatus facere misericordiam eo quod non est recordatus facere misericordiam

¹⁷et persecutus est hominem inopem et mendicum et conpunctum corde mortificare et persecutus est virum inopem et pauperem et conpunctum corde ut interficeret

¹⁸et dilexit maledictionem et veniet ei et noluit benedictionem et elongabitur ab eo et induit maledictionem sicut vestimentum et intravit sicut aqua in interiora eius et sicut oleum in ossibus eius et dilexit maledictionem quae veniet ei et noluit benedictionem quae elongabitur ab eo et indutus est maledictione quasi vestimento suo et ingredietur quasi aqua in viscera eius et quasi oleum in ossa eius

¹⁹fiat ei sicut vestimentum quo operitur et sicut zona qua semper praecingitur sit ei quasi pallium quo circumdatur et quasi cingulum quo semper accingitur

²⁰hoc opus eorum qui detrahunt mihi apud Dominum et qui loquuntur mala adversus animam meam haec est retributio his qui adversantur mihi a Domino et qui loquuntur malum contra animam meam

²¹et tu Domine Domine fac mecum propter nomen tuum quia suavis misericordia tua libera me tu autem Deus Domine fac mecum propter nomen tuum quoniam bona est misericordia tua libera me

²²quia egenus et pauper ego sum et cor meum turbatum est intra me quoniam egenus et pauper sum et cor meum vulneratum est intrinsecus

²³sicut umbra cum declinat ablatus sum excussus sum sicut lucustae quasi umbra cum inclinatur abductus sum et excussus quasi lucusta

²⁴genua mea infirmata sunt a ieiunio et caro mea inmutata est propter oleum genua mea vacillaverunt a ieiunio et caro mea mutata est absque oleo

²⁵et ego factus sum obprobrium illis viderunt me moverunt capita sua et ego factus sum obprobrium eis videntes me moverunt caput suum

²⁶adiuva me Domine Deus meus salvum fac me secundum misericordiam tuam adiuva me Domine Deus meus salva me secundum misericordiam tuam

²⁷et sciant quia manus tua haec tu Domine fecisti eam et sciant quoniam manus tua haec tu Domine fecisti eam

²⁸maledicent illi et tu benedices qui insurgunt in me confundantur servus autem tuus laetabitur maledicent illi et tu benedices restiterunt et confundentur servus autem tuus laetabitur

²⁹induantur qui detrahunt mihi pudore et operiantur sicut deploide confusione sua induantur adversarii mei confusione et operiantur quasi indumento confusione sua

³⁰confitebor Domino nimis in ore meo et in medio multorum laudabo eum confitebor Domino vehementer in ore meo et in medio populorum laudabo eum

³¹quia adstetit a dextris pauperis ut salvam faceret a persequentibus animam meam quoniam stabit a dextris pauperis ut salvet a iudicibus animam eius

Psalmi 108

¹In finem. Psalmus David.

²Deus, laudem meam ne tacueris, quia os peccatoris et os dolosi super me apertum est.

³Locuti sunt adversum me lingua dolosa, et sermonibus odii circumdederunt me : et expugnaverunt me gratis.

⁴Pro eo ut me diligerent, detrahebant mihi ; ego autem orabam.

⁵Et posuerunt adversum me mala pro bonis, et odium pro dilectione mea.

⁶Constitue super eum peccatorem, et diabolus stet a dextris ejus.

⁷Cum judicatur, exeat condemnatus ; et oratio ejus fiat in peccatum.

⁸Fiant dies ejus pauci, et episcopatum ejus accipiat alter.

⁹Fiant filii ejus orphani, et uxor ejus vidua.

¹⁰Nutantes transferantur filii ejus et mendicent, et ejiciantur de habitationibus suis.

¹¹Scrutetur fœnerator omnem substantiam ejus, et diripiant alieni labores ejus.

¹²Non sit illi adjutor, nec sit qui misereatur pupillis ejus.

¹³Fiant nati ejus in interitum ; in generatione una deleatur nomen ejus.

¹⁴In memoriam redeat iniquitas patrum ejus in conspectu Domini, et peccatum matris ejus non deleatur.

¹⁵Fiant contra Dominum semper, et dispereat de terra memoria eorum :

¹⁶pro eo quod non est recordatus facere misericordiam,

¹⁷et persecutus est hominem inopem et mendicum, et compunctum corde, mortificare.

¹⁸Et dilexit maledictionem, et veniet ei ; et noluit benedictionem, et elongabitur ab eo. Et induit maledictionem sicut vestimentum ; et intravit sicut aqua in interiora ejus, et sicut oleum in ossibus ejus.

¹⁹Fiat ei sicut vestimentum quo operitur, et sicut zona qua semper præcingitur.

²⁰Hoc opus eorum qui detrahunt mihi apud Dominum, et qui loquuntur mala adversus animam meam.

²¹Et tu, Domine, Domine, fac mecum propter nomen tuum, quia suavis est misericordia tua.

²²Libera me, quia egenus et pauper ego sum, et cor meum conturbatum est intra me.

²³Sicut umbra cum declinat ablatus sum, et excussus sum sicut locustæ.

²⁴Genua mea infirmata sunt a jejunio, et caro mea immutata est propter oleum.

²⁵Et ego factus sum opprobrium illis ; viderunt me, et moverunt capita sua.

²⁶Adjuva me, Domine Deus meus ; salvum me fac secundum misericordiam tuam.

²⁷Et sciant quia manus tua hæc, et tu, Domine, fecisti eam.

²⁸Maledicent illi, et tu benedices : qui insurgunt in me confundantur ; servus autem tuus lætabitur.

²⁹Induantur qui detrahunt mihi pudore, et operiantur sicut diploide confusione sua.

³⁰Confitebor Domino nimis in ore meo, et in medio multorum laudabo eum :

³¹quia astitit a dextris pauperis, ut salvam faceret a persequentibus animam meam.