Psalmi 104

¹alleluia confitemini Domino et invocate nomen eius adnuntiate inter gentes opera eius alleluia confitemini Domino invocate nomen eius notas facite populis cogitationes eius

²cantate ei et psallite ei narrate omnia mirabilia eius canite ei et psallite illi loquimini in universis mirabilibus eius

³laudamini in nomine sancto eius laetetur cor quaerentium Dominum exultate in nomine sancto eius laetetur cor quaerentium Dominum

⁴quaerite Dominum et confirmamini quaerite faciem eius semper quaerite Dominum et virtutem eius quaerite faciem eius iugiter

⁵mementote mirabilium eius quae fecit prodigia eius et iudicia oris eius recordamini mirabilium eius quae fecit signorum et iudiciorum oris eius

⁶semen Abraham servi eius filii Iacob electi eius semen Abraham servi eius filii Iacob electi eius

⁷ipse Dominus Deus noster in universa terra iudicia eius ipse Dominus Deus noster in universa terra iudicia eius

⁸memor fuit in saeculum testamenti sui verbi quod mandavit in mille generationes recordatus est in aeternum pacti sui verbi quod praecepit in mille generationes

⁹quod disposuit ad Abraham et iuramenti sui ad Isaac quod pepigit cum Abraham et iuramenti sui cum Isaac

¹⁰et statuit illud Iacob in praeceptum et Israhel in testamentum aeternum et firmavit illud cum Iacob in lege cum Israhel pactum sempiternum

¹¹dicens tibi dabo terram Chanaan funiculum hereditatis vestrae dicens tibi dabo terram Chanaan funiculum hereditatis vestrae

¹²cum essent numero breves paucissimos et incolas eius cum essent viri pauci modici et advenae in ea

¹³et pertransierunt de gente in gentem et de regno ad populum alterum et transierunt de gente in gentem de regno ad populum alterum

¹⁴non reliquit hominem nocere eis et corripuit pro eis reges non dimisit hominem ut noceret eis et corripuit pro eis reges

¹⁵nolite tangere christos meos et in prophetis meis nolite malignari nolite tangere christos meos et prophetas meos nolite adfligere

¹⁶et vocavit famem super terram omne firmamentum panis contrivit et vocavit famem super terram omnem virgam panis contrivit

¹⁷misit ante eos virum in servum venundatus est Ioseph misit ante faciem eorum virum in servum venundatus est Ioseph

¹⁸humiliaverunt in conpedibus pedes eius ferrum pertransiit anima eius adflixerunt in conpede pedes eius in ferrum venit anima eius

¹⁹donec veniret verbum eius eloquium Domini inflammavit eum usque ad tempus donec veniret sermo eius eloquium Domini probavit eum

²⁰misit rex et solvit eum princeps populorum et dimisit eum misit rex et solvit eum princeps populorum et dimisit illum

²¹constituit eum dominum domus suae et principem omnis possessionis suae posuit eum dominum domus suae et principem in omni possessione sua

²²ut erudiret principes eius sicut semet ipsum et senes eius prudentiam doceret ut erudiret principes eius secundum voluntatem suam et senes eius sapientiam doceret

²³et intravit Israhel in Aegyptum et Iacob accola fuit in terra Cham et ingressus est Israhel Aegyptum et Iacob advena fuit in terra Ham

²⁴et auxit populum eius vehementer et firmavit eum super inimicos eius et crescere fecit populum suum nimis et roboravit eum super hostes eius

²⁵convertit cor eorum ut odirent populum eius ut dolum facerent in servos eius convertit cor eorum ut odio haberent populum eius ut dolose agerent contra servos illius

²⁶misit Mosen servum suum Aaron quem elegit ipsum misit Mosen servum suum Aaron quem elegit sibi

²⁷posuit in eis verba signorum suorum et prodigiorum in terra Cham posuit in eis verba signorum suorum et portentorum in terra Ham

²⁸misit tenebras et obscuravit et non exacerbavit sermones suos misit tenebras et contenebravit et non fuerunt increduli verbis eius

²⁹convertit aquas eorum in sanguinem et occidit pisces eorum commutavit aquas eorum in sanguinem et occidit pisces eorum

³⁰dedit terra eorum ranas in penetrabilibus regum ipsorum ebullivit terra eorum ranas in cubiculis regum eorum

³¹dixit et venit cynomia et scinifes in omnibus finibus eorum dixit et venit musca omnimoda scinifes in universis terminis eorum

³²posuit pluvias eorum grandinem ignem conburentem in terra ipsorum dedit pluvias eorum grandinem ignem flammantem in terra eorum

³³et percussit vineas eorum et ficulneas eorum et contrivit lignum finium eorum et percussit vineam eorum et ficum eorum et confregit lignum finium eorum

³⁴dixit et venit lucusta et bruchus cuius non erat numerus dixit et venit lucusta et bruchus cuius non erat numerus

³⁵et comedit omne faenum in terra eorum et comedit omnem fructum terrae eorum et comedit omne faenum terrae eorum et devoravit fructum terrae eorum

³⁶et percussit omne primogenitum in terra eorum primitias omnis laboris eorum et percussit omne primogenitum in terra eorum primitias universi partus eorum

³⁷et eduxit eos in argento et auro et non erat in tribubus eorum infirmus et eduxit eos cum argento et auro et non erat in tribubus eorum infirmus

³⁸laetata est Aegyptus in profectione eorum quia incubuit timor eorum super eos laetata est Aegyptus cum egrederentur quoniam inruerat terror eorum super eos

³⁹expandit nubem in protectionem eorum et ignem ut luceret eis per noctem expandit nubem in tentorium et ignem ut luceret nocte

⁴⁰petierunt et venit coturnix et panem caeli saturavit eos petierunt et adduxit ortygometran et pane caelesti saturavit eos

⁴¹disrupit petram et fluxerunt aquae abierunt in sicco flumina aperuit petram et fluxerunt aquae cucurrerunt in aridis flumina

⁴²quoniam memor fuit verbi sancti sui quod habuit ad Abraham puerum suum quia recordatus est verbi sancti sui cum Abraham servo suo

⁴³et eduxit populum suum in exultatione et electos suos in laetitia et eduxit populum suum in laetitia laudantes electos suos

⁴⁴et dedit illis regiones gentium et labores populorum possederunt et dedit eis terras gentium et laborem tribuum possederunt

⁴⁵ut custodiant iustificationes eius et legem eius requirant ut custodirent caerimonias eius et leges eius servarent alleluia

Psalmi 104

¹Alleluja. Confitemini Domino, et invocate nomen ejus ; annuntiate inter gentes opera ejus.

²Cantate ei, et psallite ei ; narrate omnia mirabilia ejus.

³Laudamini in nomine sancto ejus ; lætetur cor quærentium Dominum.

⁴Quærite Dominum, et confirmamini ; quærite faciem ejus semper.

⁵Mementote mirabilium ejus quæ fecit ; prodigia ejus, et judicia oris ejus :

⁶semen Abraham servi ejus ; filii Jacob electi ejus.

⁷Ipse Dominus Deus noster ; in universa terra judicia ejus.

⁸Memor fuit in sæculum testamenti sui ; verbi quod mandavit in mille generationes :

⁹quod disposuit ad Abraham, et juramenti sui ad Isaac :

¹⁰et statuit illud Jacob in præceptum, et Israël in testamentum æternum,

¹¹dicens : Tibi dabo terram Chanaan, funiculum hæreditatis vestræ :

¹²cum essent numero brevi, paucissimi, et incolæ ejus.

¹³Et pertransierunt de gente in gentem, et de regno ad populum alterum.

¹⁴Non reliquit hominem nocere eis : et corripuit pro eis reges.

¹⁵Nolite tangere christos meos, et in prophetis meis nolite malignari.

¹⁶Et vocavit famem super terram, et omne firmamentum panis contrivit.

¹⁷Misit ante eos virum : in servum venumdatus est, Joseph.

¹⁸Humiliaverunt in compedibus pedes ejus ; ferrum pertransiit animam ejus :

¹⁹donec veniret verbum ejus. Eloquium Domini inflammavit eum.

²⁰Misit rex, et solvit eum ; princeps populorum, et dimisit eum.

²¹Constituit eum dominum domus suæ, et principem omnis possessionis suæ :

²²ut erudiret principes ejus sicut semetipsum, et senes ejus prudentiam doceret.

²³Et intravit Israël in Ægyptum, et Jacob accola fuit in terra Cham.

²⁴Et auxit populum suum vehementer, et firmavit eum super inimicos ejus.

²⁵Convertit cor eorum, ut odirent populum ejus, et dolum facerent in servos ejus.

²⁶Misit Moysen servum suum ; Aaron quem elegit ipsum.

²⁷Posuit in eis verba signorum suorum, et prodigiorum in terra Cham.

²⁸Misit tenebras, et obscuravit ; et non exacerbavit sermones suos.

²⁹Convertit aquas eorum in sanguinem, et occidit pisces eorum.

³⁰Edidit terra eorum ranas in penetralibus regum ipsorum.

³¹Dixit, et venit cœnomyia et ciniphes in omnibus finibus eorum.

³²Posuit pluvias eorum grandinem : ignem comburentem in terra ipsorum.

³³Et percussit vineas eorum, et ficulneas eorum, et contrivit lignum finium eorum.

³⁴Dixit, et venit locusta, et bruchus cujus non erat numerus :

³⁵et comedit omne fœnum in terra eorum, et comedit omnem fructum terræ eorum.

³⁶Et percussit omne primogenitum in terra eorum, primitias omnis laboris eorum.

³⁷Et eduxit eos cum argento et auro, et non erat in tribubus eorum infirmus.

³⁸Lætata est Ægyptus in profectione eorum, quia incubuit timor eorum super eos.

³⁹Expandit nubem in protectionem eorum, et ignem ut luceret eis per noctem.

⁴⁰Petierunt, et venit coturnix, et pane cæli saturavit eos.

⁴¹Dirupit petram, et fluxerunt aquæ : abierunt in sicco flumina.

⁴²Quoniam memor fuit verbi sancti sui, quod habuit ad Abraham puerum suum.

⁴³Et eduxit populum suum in exsultatione, et electos suos in lætitia.

⁴⁴Et dedit illis regiones gentium, et labores populorum possederunt :

⁴⁵ut custodiant justificationes ejus, et legem ejus requirant.