Psalmi 103

¹ipsi David benedic anima mea Domino Domine Deus meus magnificatus es vehementer confessionem et decorem induisti benedic anima mea Domino Domine Deus meus magnificatus es nimis gloria et decore indutus es

²amictus lumine sicut vestimento extendens caelum sicut pellem amictus luce quasi vestimento extendens caelos ut pellem

³qui tegis in aquis superiora eius qui ponis nubem ascensum tuum qui ambulas super pinnas ventorum qui tegis aquis cenacula eius qui ponis nubes currum tuum qui ambulas super pinnas venti

⁴qui facis angelos tuos spiritus et ministros tuos ignem urentem qui facis angelos tuos spiritus ministros tuos ignem urentem

⁵qui fundasti terram super stabilitatem suam non inclinabitur in saeculum saeculi qui fundasti terram super basem suam non commovebitur in saeculum et in saeculum

⁶abyssus sicut vestimentum amictus eius super montes stabunt aquae abysso quasi vestimento operuisti eam super montes stabunt aquae

⁷ab increpatione tua fugient a voce tonitrui tui formidabunt ab increpatione tua fugient a voce tonitrui tui formidabunt

⁸ascendunt montes et descendunt campi in locum quem fundasti eis ascendent montes et descendent campi ad locum quem fundasti eis

⁹terminum posuisti quem non transgredientur neque convertentur operire terram terminum posuisti quem non pertransibunt nec revertentur ut operiant terram

¹⁰qui emittis fontes in convallibus inter medium montium pertransibunt aquae qui emittis fontes in convallibus ut inter medios montes fluant

¹¹potabunt omnes bestiae agri expectabunt onagri in siti sua ut bibant omnia animalia regionum et reficiat onager sitim suam

¹²super ea volucres caeli habitabunt de medio petrarum dabunt vocem super ea volucres caeli morabuntur de medio nemorum dabunt vocem

¹³rigans montes de superioribus suis de fructu operum tuorum satiabitur terra qui inrigas montes de cenaculis tuis de fructu operum tuorum implebitur terra

¹⁴producens faenum iumentis et herbam servituti hominum ut educas panem de terra germinans herbam iumentis et faenum servituti hominum ut educat panem de terra

¹⁵et vinum laetificat cor hominis ut exhilaret faciem in oleo et panis cor hominis confirmat et vinum laetificat cor hominis ad exhilarandam faciem oleo panis autem cor hominis roborat

¹⁶saturabuntur ligna campi et cedri Libani quas plantavit saturabuntur ligna Domini cedri Libani quas plantasti

¹⁷illic passeres nidificabunt erodii domus dux est eorum ibi aves nidificabunt milvo abies domus eius

¹⁸montes excelsi cervis petra refugium erinaciis montes excelsi cervis petra refugium ericiis

¹⁹fecit lunam in tempora sol cognovit occasum suum fecit lunam per tempora sol cognovit occubitum suum

²⁰posuisti tenebras et facta est nox in ipsa pertransibunt omnes bestiae silvae posuisti tenebras et facta est nox in ipsa moventur omnes bestiae silvae

²¹catuli leonum rugientes ut rapiant et quaerant a Deo escam sibi leones rugientes ad praedam et quaerentes a Deo escam sibi

²²ortus est sol et congregati sunt et in cubilibus suis conlocabuntur oriente sole recedent et in speluncis suis cubabunt

²³exibit homo ad opus suum et ad operationem suam usque ad vesperum egreditur homo ad opus suum et ad servitutem suam usque ad vesperam

²⁴quam magnificata sunt opera tua Domine omnia in sapientia fecisti impleta est terra possessione tua quam multa sunt opera tua Domine omnia in sapientia fecisti impleta est terra possessione tua

²⁵hoc mare magnum et spatiosum *manibus; illic reptilia quorum non est numerus animalia pusilla cum magnis hoc mare magnum et latum manibus ibi reptilia innumerabilia animalia parva cum grandibus

²⁶illic naves pertransibunt draco iste quem formasti ad inludendum ei ibi naves pertranseunt Leviathan istum plasmasti ut inluderet ei

²⁷omnia a te expectant ut des illis escam in tempore omnia in te sperant ut des cibum eis in tempore suo

²⁸dante te illis colligent aperiente te manum tuam omnia implebuntur bonitate dante te illis colligent aperiente manum tuam replebuntur bono

²⁹avertente autem te faciem turbabuntur auferes spiritum eorum et deficient et in pulverem suum revertentur abscondes vultum tuum et turbabuntur auferes spiritum eorum et deficient et in pulverem suum revertentur

³⁰emittes spiritum tuum et creabuntur et renovabis faciem terrae emittes spiritum tuum et creabuntur et instaurabis faciem terrae

³¹sit gloria Domini in saeculum laetabitur Dominus in operibus suis sit gloria Domini in sempiternum laetabitur Dominus in operibus suis

³²qui respicit terram et facit eam tremere qui tangit montes et fumigant qui respicit terram et tremet tangit montes et fumabunt

³³cantabo Domino in vita mea psallam Deo meo quamdiu sum cantabo Domino in vita mea psallam Deo quamdiu sum

³⁴iucundum sit ei eloquium meum ego vero delectabor in Domino placeat ei eloquium meum ego autem laetabor in Domino

³⁵deficiant peccatores a terra et iniqui ita ut non sint benedic anima mea Domino deficiant peccatores de terra et impii ultra non sint benedic anima mea Domino

Psalmi 103

¹Ipsi David. Benedic, anima mea, Domino : Domine Deus meus, magnificatus es vehementer. Confessionem et decorem induisti,

²amictus lumine sicut vestimento. Extendens cælum sicut pellem,

³qui tegis aquis superiora ejus : qui ponis nubem ascensum tuum ; qui ambulas super pennas ventorum :

⁴qui facis angelos tuos spiritus, et ministros tuos ignem urentem.

⁵Qui fundasti terram super stabilitatem suam : non inclinabitur in sæculum sæculi.

⁶Abyssus sicut vestimentum amictus ejus ; super montes stabunt aquæ.

⁷Ab increpatione tua fugient ; a voce tonitrui tui formidabunt.

⁸Ascendunt montes, et descendunt campi, in locum quem fundasti eis.

⁹Terminum posuisti quem non transgredientur, neque convertentur operire terram.

¹⁰Qui emittis fontes in convallibus ; inter medium montium pertransibunt aquæ.

¹¹Potabunt omnes bestiæ agri ; expectabunt onagri in siti sua.

¹²Super ea volucres cæli habitabunt ; de medio petrarum dabunt voces.

¹³Rigans montes de superioribus suis ; de fructu operum tuorum satiabitur terra :

¹⁴producens fœnum jumentis, et herbam servituti hominum, ut educas panem de terra,

¹⁵et vinum lætificet cor hominis : ut exhilaret faciem in oleo, et panis cor hominis confirmet.

¹⁶Saturabuntur ligna campi, et cedri Libani quas plantavit :

¹⁷illic passeres nidificabunt : herodii domus dux est eorum.

¹⁸Montes excelsi cervis ; petra refugium herinaciis.

¹⁹Fecit lunam in tempora ; sol cognovit occasum suum.

²⁰Posuisti tenebras, et facta est nox ; in ipsa pertransibunt omnes bestiæ silvæ :

²¹catuli leonum rugientes ut rapiant, et quærant a Deo escam sibi.

²²Ortus est sol, et congregati sunt, et in cubilibus suis collocabuntur.

²³Exibit homo ad opus suum, et ad operationem suam usque ad vesperum.

²⁴Quam magnificata sunt opera tua, Domine ! omnia in sapientia fecisti ; impleta est terra possessione tua.

²⁵Hoc mare magnum et spatiosum manibus ; illic reptilia quorum non est numerus : animalia pusilla cum magnis.

²⁶Illic naves pertransibunt ; draco iste quem formasti ad illudendum ei.

²⁷Omnia a te expectant ut des illis escam in tempore.

²⁸Dante te illis, colligent ; aperiente te manum tuam, omnia implebuntur bonitate.

²⁹Avertente autem te faciem, turbabuntur ; auferes spiritum eorum, et deficient, et in pulverem suum revertentur.

³⁰Emittes spiritum tuum, et creabuntur, et renovabis faciem terræ.

³¹Sit gloria Domini in sæculum ; lætabitur Dominus in operibus suis.

³²Qui respicit terram, et facit eam tremere ; qui tangit montes, et fumigant.

³³Cantabo Domino in vita mea ; psallam Deo meo quamdiu sum.

³⁴Jucundum sit ei eloquium meum ; ego vero delectabor in Domino.

³⁵Deficiant peccatores a terra, et iniqui, ita ut non sint. Benedic, anima mea, Domino.