Lucas 23

¹et surgens omnis multitudo eorum duxerunt illum ad Pilatum

²coeperunt autem accusare illum dicentes hunc invenimus subvertentem gentem nostram et prohibentem tributa dari Caesari et dicentem se Christum regem esse

³Pilatus autem interrogavit eum dicens tu es rex Iudaeorum at ille respondens ait tu dicis

⁴ait autem Pilatus ad principes sacerdotum et turbas nihil invenio causae in hoc homine

⁵at illi invalescebant dicentes commovet populum docens per universam Iudaeam et incipiens a Galilaea usque huc

⁶Pilatus autem audiens Galilaeam interrogavit si homo Galilaeus esset

⁷et ut cognovit quod de Herodis potestate esset remisit eum ad Herodem qui et ipse Hierosolymis erat illis diebus

⁸Herodes autem viso Iesu gavisus est valde erat enim cupiens ex multo tempore videre eum eo quod audiret multa de illo et sperabat signum aliquod videre ab eo fieri

⁹interrogabat autem illum multis sermonibus at ipse nihil illi respondebat

¹⁰stabant etiam principes sacerdotum et scribae constanter accusantes eum

¹¹sprevit autem illum Herodes cum exercitu suo et inlusit indutum veste alba et remisit ad Pilatum

¹²et facti sunt amici Herodes et Pilatus in ipsa die nam antea inimici erant ad invicem

¹³Pilatus autem convocatis principibus sacerdotum et magistratibus et plebe

¹⁴dixit ad illos obtulistis mihi hunc hominem quasi avertentem populum et ecce ego coram vobis interrogans nullam causam inveni in homine isto ex his in quibus eum accusatis

¹⁵sed neque Herodes nam remisi vos ad illum et ecce nihil dignum morte actum est ei

¹⁶emendatum ergo illum dimittam

¹⁷necesse autem habebat dimittere eis per diem festum unum

¹⁸exclamavit autem simul universa turba dicens tolle hunc et dimitte nobis Barabban

¹⁹qui erat propter seditionem quandam factam in civitate et homicidium missus in carcerem

²⁰iterum autem Pilatus locutus est ad illos volens dimittere Iesum

²¹at illi succlamabant dicentes crucifige crucifige illum

²²ille autem tertio dixit ad illos quid enim mali fecit iste nullam causam mortis invenio in eo corripiam ergo illum et dimittam

²³at illi instabant vocibus magnis postulantes ut crucifigeretur et invalescebant voces eorum

²⁴et Pilatus adiudicavit fieri petitionem eorum

²⁵dimisit autem illis eum qui propter homicidium et seditionem missus fuerat in carcerem quem petebant Iesum vero tradidit voluntati eorum

²⁶et cum ducerent eum adprehenderunt Simonem quendam Cyrenensem venientem de villa et inposuerunt illi crucem portare post Iesum

²⁷sequebatur autem illum multa turba populi et mulierum quae plangebant et lamentabant eum

²⁸conversus autem ad illas Iesus dixit filiae Hierusalem nolite flere super me sed super vos ipsas flete et super filios vestros

²⁹quoniam ecce venient dies in quibus dicent beatae steriles et ventres qui non genuerunt et ubera quae non lactaverunt

³⁰tunc incipient dicere montibus cadite super nos et collibus operite nos

³¹quia si in viridi ligno haec faciunt in arido quid fiet

³²ducebantur autem et alii duo nequam cum eo ut interficerentur

³³et postquam venerunt in locum qui vocatur Calvariae ibi crucifixerunt eum et latrones unum a dextris et alterum a sinistris

³⁴Iesus autem dicebat Pater dimitte illis non enim sciunt quid faciunt dividentes vero vestimenta eius miserunt sortes

³⁵et stabat populus expectans et deridebant illum principes cum eis dicentes alios salvos fecit se salvum faciat si hic est Christus Dei electus

³⁶inludebant autem ei et milites accedentes et acetum offerentes illi

³⁷dicentes si tu es rex Iudaeorum salvum te fac

³⁸erat autem et superscriptio inscripta super illum litteris graecis et latinis et hebraicis hic est rex Iudaeorum

³⁹unus autem de his qui pendebant latronibus blasphemabat eum dicens si tu es Christus salvum fac temet ipsum et nos

⁴⁰respondens autem alter increpabat illum dicens neque tu times Deum quod in eadem damnatione es

⁴¹et nos quidem iuste nam digna factis recipimus hic vero nihil mali gessit

⁴²et dicebat ad Iesum Domine memento mei cum veneris in regnum tuum

⁴³et dixit illi Iesus amen dico tibi hodie mecum eris in paradiso

⁴⁴erat autem fere hora sexta et tenebrae factae sunt in universa terra usque in nonam horam

⁴⁵et obscuratus est sol et velum templi scissum est medium

⁴⁶et clamans voce magna Iesus ait Pater in manus tuas commendo spiritum meum et haec dicens exspiravit

⁴⁷videns autem centurio quod factum fuerat glorificavit Deum dicens vere hic homo iustus erat

⁴⁸et omnis turba eorum qui simul aderant ad spectaculum istud et videbant quae fiebant percutientes pectora sua revertebantur

⁴⁹stabant autem omnes noti eius a longe et mulieres quae secutae erant eum a Galilaea haec videntes

⁵⁰et ecce vir nomine Ioseph qui erat decurio vir bonus et iustus

⁵¹hic non consenserat consilio et actibus eorum ab Arimathia civitate Iudaeae qui expectabat et ipse regnum Dei

⁵²hic accessit ad Pilatum et petiit corpus Iesu

⁵³et depositum involvit sindone et posuit eum in monumento exciso in quo nondum quisquam positus fuerat

⁵⁴et dies erat parasceves et sabbatum inlucescebat

⁵⁵subsecutae autem mulieres quae cum ipso venerant de Galilaea viderunt monumentum et quemadmodum positum erat corpus eius

⁵⁶et revertentes paraverunt aromata et unguenta et sabbato quidem siluerunt secundum mandatum

Lucas 23

¹Et surgens omnis multitudo eorum, duxerunt illum ad Pilatum.

²Cœperunt autem illum accusare, dicentes : Hunc invenimus subvertentem gentem nostram, et prohibentem tributa dare Cæsari, et dicentem se Christum regem esse.

³Pilatus autem interrogavit eum, dicens : Tu es rex Judæorum ? At ille respondens ait : Tu dicis.

⁴Ait autem Pilatus ad principes sacerdotum et turbas : Nihil invenio causæ in hoc homine.

⁵At illi invalescebant, dicentes : Commovet populum docens per universam Judæam, incipiens a Galilæa usque huc.

⁶Pilatus autem audiens Galilæam, interrogavit si homo Galilæus esset.

⁷Et ut cognovit quod de Herodis potestate esset, remisit eum ad Herodem, qui et ipse Jerosolymis erat illis diebus.

⁸Herodes autem viso Jesu, gavisus est valde. Erat enim cupiens ex multo tempore videre eum, eo quod audierat multa de eo, et sperabat signum aliquod videre ab eo fieri.

⁹Interrogabat autem eum multis sermonibus. At ipse nihil illi respondebat.

¹⁰Stabant autem principes sacerdotum et scribæ constanter accusantes eum.

¹¹Sprevit autem illum Herodes cum exercitu suo : et illusit indutum veste alba, et remisit ad Pilatum.

¹²Et facti sunt amici Herodes et Pilatus in ipsa die : nam antea inimici erant ad invicem.

¹³Pilatus autem, convocatis principibus sacerdotum, et magistratibus, et plebe,

¹⁴dixit ad illos : Obtulistis mihi hunc hominem, quasi avertentem populum, et ecce ego coram vobis interrogans, nullam causam inveni in homine isto ex his in quibus eum accusatis.

¹⁵Sed neque Herodes : nam remisi vos ad illum, et ecce nihil dignum morte actum est ei.

¹⁶Emendatum ergo illum dimittam.

¹⁷Necesse autem habebat dimittere eis per diem festum unum.

¹⁸Exclamavit autem simul universa turba, dicens : Tolle hunc, et dimitte nobis Barabbam :

¹⁹qui erat propter seditionem quamdam factam in civitate et homicidium missus in carcerem.

²⁰Iterum autem Pilatus locutus est ad eos, volens dimittere Jesum.

²¹At illi succlamabant, dicentes : Crucifige, crucifige eum.

²²Ille autem tertio dixit ad illos : Quid enim mali fecit iste ? nullam causam mortis invenio in eo : corripiam ergo illum et dimittam.

²³At illi instabant vocibus magnis postulantes ut crucifigeretur : et invalescebant voces eorum.

²⁴Et Pilatus adjudicavit fieri petitionem eorum.

²⁵Dimisit autem illis eum qui propter homicidium et seditionem missus fuerat in carcerem, quem petebant : Jesum vero tradidit voluntati eorum.

²⁶Et cum ducerent eum, apprehenderunt Simonem quemdam Cyrenensem venientem de villa : et imposuerunt illi crucem portare post Jesum.

²⁷Sequebatur autem illum multa turba populi et mulierum, quæ plangebant et lamentabantur eum.

²⁸Conversus autem ad illas Jesus, dixit : Filiæ Jerusalem, nolite flere super me, sed super vos ipsas flete et super filios vestros.

²⁹Quoniam ecce venient dies in quibus dicent : Beatæ steriles, et ventres qui non genuerunt, et ubera quæ non lactaverunt.

³⁰Tunc incipient dicere montibus : Cadite super nos ; et collibus : Operite nos.

³¹Quia si in viridi ligno hæc faciunt, in arido quid fiet ?

³²Ducebantur autem et alii duo nequam cum eo, ut interficerentur.

³³Et postquam venerunt in locum qui vocatur Calvariæ, ibi crucifixerunt eum : et latrones, unum a dextris, et alterum a sinistris.

³⁴Jesus autem dicebat : Pater, dimitte illis : non enim sciunt quid faciunt. Dividentes vero vestimenta ejus, miserunt sortes.

³⁵Et stabat populus spectans, et deridebant eum principes cum eis, dicentes : Alios salvos fecit, se salvum faciat, si hic est Christus Dei electus.

³⁶Illudebant autem ei et milites accedentes, et acetum offerentes ei,

³⁷et dicentes : Si tu es rex Judæorum, salvum te fac.

³⁸Erat autem et superscriptio scripta super eum litteris græcis, et latinis, et hebraicis : Hic est rex Judæorum.

³⁹Unus autem de his, qui pendebant, latronibus, blasphemabat eum, dicens : Si tu es Christus, salvum fac temetipsum et nos.

⁴⁰Respondens autem alter increpabat eum, dicens : Neque tu times Deum, quod in eadem damnatione es.

⁴¹Et nos quidem juste, nam digna factis recipimus : hic vero nihil mali gessit.

⁴²Et dicebat ad Jesum : Domine, memento mei cum veneris in regnum tuum.

⁴³Et dixit illi Jesus : Amen dico tibi : hodie mecum eris in paradiso.

⁴⁴Erat autem fere hora sexta, et tenebræ factæ sunt in universam terram usque ad horam nonam.

⁴⁵Et obscuratus est sol, et velum templi scissum est medium.

⁴⁶Et clamans voce magna Jesus ait : Pater, in manus tuas commendo spiritum meum. Et hæc dicens, expiravit.

⁴⁷Videns autem centurio quod factum fuerat, glorificavit Deum, dicens : Vere hic homo justus erat.

⁴⁸Et omnis turba eorum, qui simul aderant ad spectaculum istud, et videbant quæ fiebant, percutientes pectora sua revertebantur.

⁴⁹Stabant autem omnes noti ejus a longe, et mulieres, quæ secutæ eum erant a Galilæa, hæc videntes.

⁵⁰Et ecce vir nomine Joseph, qui erat decurio, vir bonus et justus :

⁵¹hic non consenserat consilio, et actibus eorum : ab Arimathæa civitate Judææ, qui exspectabat et ipse regnum Dei :

⁵²hic accessit ad Pilatum et petiit corpus Jesu :

⁵³et depositum involvit sindone, et posuit eum in monumento exciso, in quo nondum quisquam positus fuerat.

⁵⁴Et dies erat parasceves, et sabbatum illucescebat.

⁵⁵Subsecutæ autem mulieres, quæ cum eo venerant de Galilæa, viderunt monumentum, et quemadmodum positum erat corpus ejus.

⁵⁶Et revertentes paraverunt aromata, et unguenta : et sabbato quidem siluerunt secundum mandatum.