Ecclesiasticus 8 Comparatio: Vulgate vs Clementine Vulgate

Ecclesiasticus 8

¹non litiges cum homine potente ne forte incidas in manus illius

²non contendas cum viro locuplete ne forte contra consistat litem tibi

³multos perdidit aurum atque argentum et usque cor regum extendit et convertit

⁴non litiges cum homine linguato et non strues in igne illius ligna

⁵non communices homini indocto ne male de progenie tua loquatur

⁶ne despicias hominem avertentem se a peccato neque inproperes ei memento quoniam omnes sumus in correptionem

⁷ne spernas hominem in sua senecta etenim ex nobis senescunt

⁸noli de mortuo gaudere sciens quoniam omnes morimur et in gaudium nolumus venire

⁹ne despicias narrationem presbyterorum sapientium et in proverbiis illorum conversare

¹⁰ab ipsis enim disces doctrinam intellectus et servire magnatis sine querella

¹¹non te praetereat narratio seniorum et ipsi enim didicerunt a patribus suis

¹²quoniam ab ipsis disces intellectum et in tempore necessitatis responsum

¹³non incendas carbones peccatoris arguens eos ne incendaris flamma ignis peccatorum illorum

¹⁴ne contra faciem stes contumeliosi ne sedeat quasi insidiator ori tuo

¹⁵noli fenerare homini fortiori te quod si feneraveris tamquam perditum habe

¹⁶non spondeas super virtutem tuam quod si spoponderis quasi restituens cogita

¹⁷non iudices contra iudicem quoniam secundum quod dignum est iudicat

¹⁸cum audace non eas in via ne forte gravet mala sua in te ipse enim secundum voluntatem suam vadit et simul cum stultitia illius peries

¹⁹cum iracundo non facias rixam cum audace non eas in desertum quoniam quasi nihil est ante illum sanguis et ubi non est adiutorium elidet te

²⁰cum fatuis ne consilium habeas non enim poterunt diligere nisi quae ipsis placent

²¹coram extraneo ne facias consilium nescis enim quid pariet

²²non omni homini cor tuum manifestes ne forte inferat tibi gratiam et convicietur tibi

Ecclesiasticus 8

¹Non litiges cum homine potente, ne forte incidas in manus illius.

²Non contendas cum viro locuplete, ne forte contra te constituat litem tibi :

³multos enim perdidit aurum et argentum, et usque ad cor regum extendit et convertit.

⁴Non litiges cum homine linguato, et non strues in ignem illius ligna.

⁵Non communices homini indocto, ne male de progenie tua loquatur.

⁶Ne despicias hominem avertentem se a peccato, neque improperes ei : memento quoniam omnes in correptione sumus.

⁷Ne spernas hominem in sua senectute, etenim ex nobis senescunt.

⁸Noli de mortuo inimico tuo gaudere : sciens quoniam omnes morimur, et in gaudium nolumus venire.

⁹Ne despicias narrationem presbyterorum sapientium, et in proverbiis eorum conversare :

¹⁰ab ipsis enim disces sapientiam et doctrinam intellectus, et servire magnatis sine querela.

¹¹Non te prætereat narratio seniorum, ipsi enim didicerunt a patribus suis :

¹²quoniam ab ipsis disces intellectum, et in tempore necessitatis dare responsum.

¹³Non incendas carbones peccatorum arguens eos, et ne incendaris flamma ignis peccatorum illorum.

¹⁴Ne contra faciem stes contumeliosi, ne sedeat quasi insidiator ori tuo.

¹⁵Noli fœnerari homini fortiori te : quod si fœneraveris, quasi perditum habe.

¹⁶Non spondeas super virtutem tuam : quod si spoponderis, quasi restituens cogita.

¹⁷Non judices contra judicem, quoniam secundum quod justum est judicat.

¹⁸Cum audace non eas in via, ne forte gravet mala sua in te : ipse enim secundum voluntatem suam vadit, et simul cum stultitia illius peries.

¹⁹Cum iracundo non facias rixam, et cum audace non eas in desertum : quoniam quasi nihil est ante illum sanguis, et ubi non est adjutorium, elidet te.

²⁰Cum fatuis consilium non habeas : non enim poterunt diligere nisi quæ eis placent.

²¹Coram extraneo ne facias consilium : nescis enim quid pariet.

²²Non omni homini cor tuum manifestes, ne forte inferat tibi gratiam falsam, et convicietur tibi.