Ad Titum 3 Comparatio: Vulgate vs Clementine Vulgate

Ad Titum 3

¹admone illos principibus et potestatibus subditos esse dicto oboedire ad omne opus bonum paratos esse

²neminem blasphemare non litigiosos esse modestos omnem ostendentes mansuetudinem ad omnes homines

³eramus enim et nos aliquando insipientes increduli errantes servientes desideriis et voluptatibus variis in malitia et invidia agentes odibiles odientes invicem

⁴cum autem benignitas et humanitas apparuit salvatoris nostri Dei

⁵non ex operibus iustitiae quae fecimus nos sed secundum suam misericordiam salvos nos fecit per lavacrum regenerationis et renovationis Spiritus Sancti

⁶quem effudit in nos abunde per Iesum Christum salvatorem nostrum

⁷ut iustificati gratia ipsius heredes simus secundum spem vitae aeternae

⁸fidelis sermo est et de his volo te confirmare ut curent bonis operibus praeesse qui credunt Deo haec sunt bona et utilia hominibus

⁹stultas autem quaestiones et genealogias et contentiones et pugnas legis devita sunt enim inutiles et vanae

¹⁰hereticum hominem post unam et secundam correptionem devita

¹¹sciens quia subversus est qui eiusmodi est et delinquit proprio iudicio condemnatus

¹²cum misero ad te Arteman aut Tychicum festina ad me venire Nicopolim ibi enim statui hiemare

¹³Zenan legis peritum et Apollo sollicite praemitte ut nihil illis desit

¹⁴discant autem et nostri bonis operibus praeesse ad usus necessarios ut non sint infructuosi

¹⁵salutant te qui mecum sunt omnes saluta qui nos amant in fide gratia Dei cum omnibus vobis amen

Ad Titum 3

¹Admone illos principibus, et potestatibus subditos esse, dicto obedire, ad omne opus bonum paratos esse :

²neminem blasphemare, non litigiosos esse, sed modestos, omnem ostendentes mansuetudinem ad omnes homines.

³Eramus enim aliquando et nos insipientes, increduli, errantes, servientes desideriis, et voluptatibus variis, in malitia et invidia agentes, odibiles, odientes invicem.

⁴Cum autem benignitas et humanitas apparuit Salvatoris nostri Dei,

⁵non ex operibus justitiæ, quæ fecimus nos, sed secundum suam misericordiam salvos nos fecit per lavacrum regenerationis et renovationis Spiritus Sancti,

⁶quem effudit in nos abunde per Jesum Christum Salvatorem nostrum :

⁷ut justificati gratia ipsius, hæredes simus secundum spem vitæ æternæ.

⁸Fidelis sermo est : et de his volo te confirmare : ut curent bonis operibus præesse qui credunt Deo. Hæc sunt bona, et utilia hominibus.

⁹Stultas autem quæstiones, et genealogias, et contentiones, et pugnas legis devita : sunt enim inutiles, et vanæ.

¹⁰Hæreticum hominem post unam et secundam correptionem devita :

¹¹sciens quia subversus est, qui ejusmodi est, et delinquit, cum sit proprio judicio condemnatus.

¹²Cum misero ad te Artemam, aut Tychicum, festina ad me venire Nicopolim : ibi enim statui hiemare.

¹³Zenam legisperitum et Apollo sollicite præmitte, ut nihil illis desit.

¹⁴Discant autem et nostri bonis operibus præesse ad usus necessarios : ut non sint infructuosi.

¹⁵Salutant te qui mecum sunt omnes : saluta eos qui nos amant in fide. Gratia Dei cum omnibus vobis. Amen.