Matthew 9

¹And Jhesus wente vp in to a boot, and passide ouer the watir, and cam in to his citee.

²And lo! thei brouyten to hym a man sike in palesie, liggynge in a bed. And Jhesus saw the feith of hem, and seide to the man sike in palesye, Sone, haue thou trist; thi synnes ben foryouun to thee.

³And lo! summe of the scribis seiden withynne hem silf, This blasfemeth.

⁴And whanne Jhesus hadde seyn her thouytis, he seide, Wherto thenken ye yuele thingis in youre hertis?

⁵What is liytere to seye, Thi synnes ben foryouun to thee, ethir `to seie, Rise thou, and walke?

⁶But that ye wite that mannus sone hath power to foryyue synnes in erthe, thanne he seide to the sijk man in palesie, Rise vp; take thi bed, and go in to thin hous.

⁷And he roos, and wente in to his hous.

⁸And the puple seynge dredde, and glorifiede God, that yaf suche power to men.

⁹And whanne Jhesus passide fro thennus, he say a man, Matheu bi name, sittynge in a tolbothe. And he seide to hym, Sue thou me.

¹⁰And he roos, and folewide hym. And it was don, the while he sat `at the mete in the hous, lo! many pupplicans and synful men camen, and saten `at the mete with Jhesu and hise disciplis.

¹¹And Farisees sien, and seiden to hise disciplis, Whi etith youre maister with pupplicans and synful men?

¹²And Jhesus herde, and seide, A leche is not nedeful to men that faren wel, but to men that ben yuel at ese.

¹³But go ye, and lerne what it is, Y wole merci, and not sacrifice; for I cam, not to clepe riytful men, but synful men.

¹⁴Thanne the disciplis of Joon camen to hym, and seiden, Whi we and Farisees fasten ofte, but thi disciplis fasten not?

¹⁵And Jhesus seide to hem, Whether the sones of the spouse moun morne, as long as the spouse is with hem? But daies schulen come, whanne the spouse schal be takun a wei fro hem, and thanne thei schulen faste.

¹⁶And no man putteth a clout of buystous clothe in to an elde clothing; for it doith awey the fulnesse of the cloth, and a wers breking is maad.

¹⁷Nethir men putten newe wyne in to elde botelis, ellis the botels ben to-broke, and distried, and the wyn sched out. But men putten newe wyne in to newe botels, and bothe ben kept.

¹⁸Whiles that Jhesus spak thes thingis to hem, lo! a prince cam, and worschipide hym, and seide, Lord, my douyter is now deed; but come thou, and putte thin hond on hir, and she schal lyue.

¹⁹And Jhesus roos, and `hise disciplis, and sueden hym.

²⁰And lo! a womman, that hadde the blodi flux twelue yere, neiyede bihynde, and touchide the hem of his cloth.

²¹For sche seide with ynne hir self, Yif Y touche oonli the cloth of hym, Y schal be saaf.

²²And Jhesus turnede, and say hir, and seide, Douytir, haue thou trist; thi feith hath maad thee saaf. And the womman was hool fro that our.

²³And whanne Jhesus cam in to the hous of the prince, and say mynstrallis, and the puple makynge noise,

²⁴he seide, Go ye a wei, for the damysel is not deed, but slepith. And thei scornyden hym.

²⁵And whanne the folc was put out, he wente in, and helde hir hond; and the damysel roos.

²⁶And this fame wente out in to al that loond.

²⁷And whanne Jhesus passide fro thennus, twei blynde men criynge sueden hym, and seiden, Thou sone of Dauid, haue merci on vs.

²⁸And whanne he cam in to the hous, the blynde men camen to hym; and Jhesus seide to hem, What wolen ye, that I do to you? And thei seiden, Lord, that oure iyen be opened. And Jhesus seide, Bileuen ye, that Y mai do this thing to you? Thei seien to him, Yhe, Lord.

²⁹Thanne he touchide her iyen, and seide, Aftir youre feith be it doon to you.

³⁰And the iyen of hem were opened. And Jhesus thretenede hem, and seide, Se ye, that no man wite.

³¹But thei yeden out, and diffameden hym thorou al that lond.

³²And whanne thei weren gon out, loo! thei brouyten to hym a doumbe man, hauynge a deuel.

³³And whanne the deuel was cast out, the doumb man spak. And the puple wondride, and seide, It hath not be say thus in Israel.

³⁴But the Farisees seiden, In the prince of deuelis he castith out deuelis.

³⁵And Jhesus wente `aboute alle the `citees and castels, techinge in the synagogis of hem, and prechynge the gospel of the kyngdom, and helynge euery langour and euery sijknesse.

³⁶And he siy the puple, and hadde reuthe on hem; for thei weren trauelid, and liggynge as scheep not hauynge a scheepherde.

³⁷Thanne he seide to hise disciplis, Sotheli there is myche ripe corn, but fewe werk men.

³⁸Therfor preye ye the lord of the ripe corn, that he sende werke men in to his ripe corn.

Matthew 9

¹And he entered into a ship, and passed over, and came into his own city.

²And, behold, they brought to him a man sick of the palsy, lying on a bed: and Jesus seeing their faith said unto the sick of the palsy; Son, be of good cheer; thy sins be forgiven thee.

³And, behold, certain of the scribes said within themselves, This man blasphemeth.

⁴And Jesus knowing their thoughts said, Wherefore think ye evil in your hearts?

⁵For whether is easier, to say, Thy sins be forgiven thee; or to say, Arise, and walk?

⁶But that ye may know that the Son of man hath power on earth to forgive sins, (then saith he to the sick of the palsy,) Arise, take up thy bed, and go unto thine house.

⁷And he arose, and departed to his house.

⁸But when the multitudes saw it, they marvelled, and glorified God, which had given such power unto men.

⁹And as Jesus passed forth from thence, he saw a man, named Matthew, sitting at the receipt of custom: and he saith unto him, Follow me. And he arose, and followed him.

¹⁰And it came to pass, as Jesus sat at meat in the house, behold, many publicans and sinners came and sat down with him and his disciples.

¹¹And when the Pharisees saw it, they said unto his disciples, Why eateth your Master with publicans and sinners?

¹²But when Jesus heard that, he said unto them, They that be whole need not a physician, but they that are sick.

¹³But go ye and learn what that meaneth, I will have mercy, and not sacrifice: for I am not come to call the righteous, but sinners to repentance.

¹⁴Then came to him the disciples of John, saying, Why do we and the Pharisees fast oft, but thy disciples fast not?

¹⁵And Jesus said unto them, Can the children of the bridechamber mourn, as long as the bridegroom is with them? but the days will come, when the bridegroom shall be taken from them, and then shall they fast.

¹⁶No man putteth a piece of new cloth unto an old garment, for that which is put in to fill it up taketh from the garment, and the rent is made worse.

¹⁷Neither do men put new wine into old bottles: else the bottles break, and the wine runneth out, and the bottles perish: but they put new wine into new bottles, and both are preserved.

¹⁸While he spake these things unto them, behold, there came a certain ruler, and worshipped him, saying, My daughter is even now dead: but come and lay thy hand upon her, and she shall live.

¹⁹And Jesus arose, and followed him, and so did his disciples.

²⁰And, behold, a woman, which was diseased with an issue of blood twelve years, came behind him, and touched the hem of his garment:

²¹For she said within herself, If I may but touch his garment, I shall be whole.

²²But Jesus turned him about, and when he saw her, he said, Daughter, be of good comfort; thy faith hath made thee whole. And the woman was made whole from that hour.

²³And when Jesus came into the ruler’s house, and saw the minstrels and the people making a noise,

²⁴He said unto them, Give place: for the maid is not dead, but sleepeth. And they laughed him to scorn.

²⁵But when the people were put forth, he went in, and took her by the hand, and the maid arose.

²⁶And the fame hereof went abroad into all that land.

²⁷And when Jesus departed thence, two blind men followed him, crying, and saying, Thou Son of David, have mercy on us.

²⁸And when he was come into the house, the blind men came to him: and Jesus saith unto them, Believe ye that I am able to do this? They said unto him, Yea, Lord.

²⁹Then touched he their eyes, saying, According to your faith be it unto you.

³⁰And their eyes were opened; and Jesus straitly charged them, saying, See that no man know it.

³¹But they, when they were departed, spread abroad his fame in all that country.

³²As they went out, behold, they brought to him a dumb man possessed with a devil.

³³And when the devil was cast out, the dumb spake: and the multitudes marvelled, saying, It was never so seen in Israel.

³⁴But the Pharisees said, He casteth out devils through the prince of the devils.

³⁵And Jesus went about all the cities and villages, teaching in their synagogues, and preaching the gospel of the kingdom, and healing every sickness and every disease among the people.

³⁶But when he saw the multitudes, he was moved with compassion on them, because they fainted, and were scattered abroad, as sheep having no shepherd.

³⁷Then saith he unto his disciples, The harvest truly is plenteous, but the labourers are few;

³⁸Pray ye therefore the Lord of the harvest, that he will send forth labourers into his harvest.