Matthew 10

¹And whanne his twelue disciplis weren clepid togidere, he yaf to hem powere of vnclene spiritis, to caste hem out of men, and to heele eueri langour, and sijknesse.

²And these ben the names of the twelue apostlis; the firste, Symount, that is clepid Petre, and Andrew, his brothir; James of Zebede, and Joon, his brothir; Filip, and Bartholomeu;

³Thomas, and Matheu, pupplican; and James Alfey, and Tadee;

⁴Symount Chananee, and Judas Scarioth, that bitrayede Crist.

⁵Jhesus sente these twelue, and comaundide hem, and seide, Go ye not `in to the weie of hethene men, and entre ye not in to the citees of Samaritans;

⁶but rather go ye to the scheep of the hous of Israel, that han perischid.

⁷And go ye, and preche ye, and seie, that the kyngdam of heuenes shal neiye;

⁸heele ye sike men, reise ye deede men, clense ye mesels, caste ye out deuelis; freeli ye han takun, freli yyue ye.

⁹Nyle ye welde gold, nether siluer, ne money in youre girdlis, not a scrippe in the weie,

¹⁰nether twei cootis, nethir shoon, nether a yerde; for a werkman is worthi his mete.

¹¹In to what euere citee or castel ye schulen entre, axe ye who therynne is worthi, and there dwelle ye, til ye go out.

¹²And whanne ye goon in to an hous, `grete ye it, and seyn, Pees to this hous.

¹³And if thilk hous be worthi, youre pees schal come on it; but if that hous be not worthi, youre pees schal turne ayen to you.

¹⁴And who euere resseyueth not you, nethir herith youre wordis, go ye fro that hous or citee, and sprenge of the dust of youre feet.

¹⁵Treuly Y seie to you, it shal be more suffrable to the loond of men of Sodom and of Gommor in the dai of iugement, than to thilke citee.

¹⁶Lo! Y sende you as scheep in the myddil of wolues; therfor be ye sliy as serpentis, and symple as dowues.

¹⁷But be ye war of men, for thei schulen take you in counseilis, and thei schulen bete you in her synagogis;

¹⁸and to meyris, or presidentis, and to kyngis, ye schulen be lad for me, in witnessyng to hem, and to the hethen men.

¹⁹But whanne thei take you, nyle ye thenke, hou or what thing ye schulen speke, for it shal be youun `to you in that our, what ye schulen speke;

²⁰for it ben not ye that speken, but the spirit of youre fadir, that spekith in you.

²¹`And the brother shal take the brother in to deeth, and the fader the sone, and sones schulen rise ayens fadir and modir, and schulen turmente hem bi deeth.

²²And ye schulen be in hate to alle men for my name; but he that shall dwelle stille in to the ende, shal be saaf.

²³And whanne thei pursuen you in this citee, fle ye in to anothir. Treuli Y seie to you, ye schulen not ende the citees of Israel, to for that mannus sone come.

²⁴The disciple is not aboue the maistir, ne the seruaunt aboue hys lord;

²⁵it is ynowy to the disciple, that he be as his maistir, and to the seruaunt as his lord. If thei han clepid the hosebonde man Belsabub, hou myche more his houshold meyne?

²⁶Therfor drede ye not hem; for no thing is hid, that schal not be shewid; and no thing is priuey, that schal not be wist.

²⁷That thing that Y seie to you in derknessis, seie ye in the liyt; and preche ye on housis, that thing that ye heeren in the ere.

²⁸And nyle ye drede hem that sleen the bodi; for thei moun not sle the soule; but rather drede ye hym, that mai lese bothe soule and bodi in to helle.

²⁹Whether twei sparewis ben not seeld for an halpeny? and oon of hem shal not falle on the erthe with outen youre fadir.

³⁰`And alle the heeris of youre heed ben noumbrid. Therfor nyle ye drede; ye ben betere than many sparewis.

³¹Therfor euery man that schal knouleche me bifore men, Y schal knouleche hym bifor my fadir that is in heuenes.

³³But he that shal denye me bifor men, and I shal denye him bifor my fadir that is in heuenes.

³⁴Nile ye deme, that Y cam to sende pees in to erthe; Y cam not to sende pees, but swerd.

³⁵For Y cam to departe a man ayens his fadir, and the douytir ayens hir modir, and the sones wijf ayens the housbondis modir;

³⁶and the enemyes of a man ben `thei, that ben homeli with him.

³⁷He that loueth fadir or modir more than me, is not worthi to me. And he that loueth sone or douyter ouer me, is not worthi to me.

³⁸And he that takith not his croos, and sueth me, is not worthi to me.

³⁹He that fyndith his lijf, shal lose it; and he that lesith his lijf for me, shal fynde it.

⁴⁰He that resseyueth you, resseyueth me; and he that resseyueth me, resseyueth hym that sente me.

⁴¹He that resseyueth a prophete in the name of a prophete, shal take the mede of a prophete. And he that resseyueth a iust man in the name of a iust man, schal take the mede of a iust man.

⁴²And who euer yyueth drynke to oon of these leeste a cuppe of coolde watir oonli in the name of a disciple, treuli Y seie to you, he shal not leese his mede.

Matthew 10

¹And when he had called unto him his twelve disciples, he gave them power against unclean spirits, to cast them out, and to heal all manner of sickness and all manner of disease.

²Now the names of the twelve apostles are these; The first, Simon, who is called Peter, and Andrew his brother; James the son of Zebedee, and John his brother;

³Philip, and Bartholomew; Thomas, and Matthew the publican; James the son of Alpheus, and Lebbeus, whose surname was Thaddeus;

⁴Simon the Canaanite, and Judas Iscariot, who also betrayed him.

⁵These twelve Jesus sent forth, and commanded them, saying, Go not into the way of the Gentiles, and into any city of the Samaritans enter ye not:

⁶But go rather to the lost sheep of the house of Israel.

⁷And as ye go, preach, saying, The kingdom of heaven is at hand.

⁸Heal the sick, cleanse the lepers, raise the dead, cast out devils: freely ye have received, freely give.

⁹Provide neither gold, nor silver, nor brass in your purses,

¹⁰Nor scrip for your journey, neither two coats, neither shoes, nor yet staves: for the workman is worthy of his meat.

¹¹And into whatsoever city or town ye shall enter, enquire who in it is worthy; and there abide till ye go thence.

¹²And when ye come into an house, salute it.

¹³And if the house be worthy, let your peace come upon it: but if it be not worthy, let your peace return to you.

¹⁴And whosoever shall not receive you, nor hear your words, when ye depart out of that house or city, shake off the dust of your feet.

¹⁵Verily I say unto you, It shall be more tolerable for the land of Sodom and Gomorrha in the day of judgment, than for that city.

¹⁶Behold, I send you forth as sheep in the midst of wolves: be ye therefore wise as serpents, and harmless as doves.

¹⁷But beware of men: for they will deliver you up to the councils, and they will scourge you in their synagogues;

¹⁸And ye shall be brought before governors and kings for my sake, for a testimony against them and the Gentiles.

¹⁹But when they deliver you up, take no thought how or what ye shall speak: for it shall be given you in that same hour what ye shall speak.

²⁰For it is not ye that speak, but the Spirit of your Father which speaketh in you.

²¹And the brother shall deliver up the brother to death, and the father the child: and the children shall rise up against their parents, and cause them to be put to death.

²²And ye shall be hated of all men for my name’s sake: but he that endureth to the end shall be saved.

²³But when they persecute you in this city, flee ye into another: for verily I say unto you, Ye shall not have gone over the cities of Israel, till the Son of man be come.

²⁴The disciple is not above his master, nor the servant above his lord.

²⁵It is enough for the disciple that he be as his master, and the servant as his lord. If they have called the master of the house Beelzebub, how much more shall they call them of his household?

²⁶Fear them not therefore: for there is nothing covered, that shall not be revealed; and hid, that shall not be known.

²⁷What I tell you in darkness, that speak ye in light: and what ye hear in the ear, that preach ye upon the housetops.

²⁸And fear not them which kill the body, but are not able to kill the soul: but rather fear him which is able to destroy both soul and body in hell.

²⁹Are not two sparrows sold for a farthing? and one of them shall not fall on the ground without your Father.

³⁰But the very hairs of your head are all numbered.

³¹Fear ye not therefore, ye are of more value than many sparrows.

³²Whosoever therefore shall confess me before men, him will I confess also before my Father which is in heaven.

³³But whosoever shall deny me before men, him will I also deny before my Father which is in heaven.

³⁴Think not that I am come to send peace on earth: I came not to send peace, but a sword.

³⁵For I am come to set a man at variance against his father, and the daughter against her mother, and the daughter in law against her mother in law.

³⁶And a man’s foes shall be they of his own household.

³⁷He that loveth father or mother more than me is not worthy of me: and he that loveth son or daughter more than me is not worthy of me.

³⁸And he that taketh not his cross, and followeth after me, is not worthy of me.

³⁹He that findeth his life shall lose it: and he that loseth his life for my sake shall find it.

⁴⁰He that receiveth you receiveth me, and he that receiveth me receiveth him that sent me.

⁴¹He that receiveth a prophet in the name of a prophet shall receive a prophet’s reward; and he that receiveth a righteous man in the name of a righteous man shall receive a righteous man’s reward.

⁴²And whosoever shall give to drink unto one of these little ones a cup of cold water only in the name of a disciple, verily I say unto you, he shall in no wise lose his reward.