Matthew 8

¹But whanne Jhesus was come doun fro the hil, mych puple suede hym.

²And loo! a leprouse man cam, and worschipide hym, and seide, Lord, if thou wolt, thou maist make me clene.

³And Jhesus helde forth the hoond, and touchide hym, and seide, Y wole, be thou maad cleene. And anoon the lepre of him was clensid.

⁴And Jhesus seide to hym, Se, seie thou to no man; but go, shewe thee to the prestis, and offre the yift that Moyses comaundide, in witnessyng to hem.

⁵And whanne he hadde entrid in to Cafarnaum, `the centurien neiyede to him, and preiede him,

⁶and seide, Lord, my childe lijth in the hous sijk on the palesie, and is yuel turmentid.

⁷And Jhesus seide to him, Y schal come, and schal heele him.

⁸And the centurien answeride, and seide to hym, Lord, Y am not worthi, that thou entre vndur my roof; but oonli seie thou bi word, and my childe shal be heelid.

⁹For whi Y am a man ordeyned vndur power, and haue knyytis vndir me; and Y seie to this, Go, and he goith; and to another, Come, and he cometh; and to my seruaunt, Do this, and he doith it.

¹⁰And Jhesus herde these thingis, and wondride, and seide to men `that sueden him, Treuli Y seie to you, Y foond not so greet feith in Israel.

¹¹And Y seie to you, that many schulen come fro the eest and the west, and schulen reste with Abraham and Ysaac and Jacob in the kyngdom of heuenes;

¹²but the sones of the rewme schulen be cast out in to vtmer derknessis; there schal be wepyng, and grynting of teeth.

¹³And Jhesus seide to the centurioun, Go, and as thou hast bileuyd, be it doon to thee. And the child was heelid fro that hour.

¹⁴And whanne Jhesus was comun in to the hous of Symount Petre, he say his wyues modir liggynge, and shakun with feueris.

¹⁵And he touchide hir hoond, and the feuer lefte hir; and she roos, and seruede hem.

¹⁶And whanne it was euen, thei brouyten to hym manye that hadden deuelis, and he castide out spiritis bi word, and heelide alle that weren yuel at ese;

¹⁷that it were fulfillid, that was seid by Ysaie, the profete, seiynge, He took oure infirmytees, and bar oure siknessis.

¹⁸And Jhesus say myche puple aboute him, and bade hise disciplis go ouer the watir.

¹⁹And a scribe neiyede, and seide to hym, Maistir, Y shal sue thee, whidir euer thou schalt go.

²⁰And Jhesus seide to hym, Foxis han dennes, and briddis of heuene han nestis, but mannus sone hath not where `he schal reste his heed.

²¹Anothir of his disciplis seide to him, Lord, suffre me to go first, and birie my fader.

²²But Jhesus seide to hym, Sue thou me, and lete deed men birie her deede men.

²³And whanne he was goon vp in to a litil schip, his disciplis sueden hym.

²⁴And loo! a greet stiring was maad in the see, so that the schip was hilid with wawes; but he slepte.

²⁵And hise disciplis camen to hym, and reysiden hym, and seiden, Lord, saue vs; we perischen.

²⁶And Jhesus seide to hem, What ben ye of litil feith agaste? Thanne he roos, and comaundide to the wyndis and the see, and a greet pesibilnesse was maad.

²⁷And men wondriden, and seiden, What maner man is he this, for the wyndis and the see obeischen to him?

²⁸And whanne Jhesus was comun ouer the watir in to the cuntre of men of Gerasa, twey men metten hym, that hadden deuelis, and camen out of graues, ful woode, so that noo man myyte go bi that weie.

²⁹And lo! thei crieden, and seiden, What to vs and to thee, Jhesu, the sone of God? `art thou comun hidir bifore the tyme to turmente vs?

³⁰And not fer fro hem was a flocke of many swyne lesewynge.

³¹And the deuelis preyeden hym, and seiden, If thou castist out vs fro hennes, sende vs in to the droue of swyne.

³²And he seide to hem, Go ye. And thei yeden out, and wenten in to the swyne; and loo! in a greet bire al the droue wente heedlyng in to the see, and thei weren deed in the watris.

³³And the hirdis fledden awey, and camen in to the citee, and telden alle these thingis, and of hem that hadden the feendis.

³⁴And lo! al the citee wente out ayens Jhesu; and whanne thei hadden seyn hym, thei preieden, that he wolde passe fro her coostis.

Matthew 8

¹When he was come down from the mountain, great multitudes followed him.

²And, behold, there came a leper and worshipped him, saying, Lord, if thou wilt, thou canst make me clean.

³And Jesus put forth his hand, and touched him, saying, I will; be thou clean. And immediately his leprosy was cleansed.

⁴And Jesus saith unto him, See thou tell no man; but go thy way, shew thyself to the priest, and offer the gift that Moses commanded, for a testimony unto them.

⁵And when Jesus was entered into Capernaum, there came unto him a centurion, beseeching him,

⁶And saying, Lord, my servant lieth at home sick of the palsy, grievously tormented.

⁷And Jesus saith unto him, I will come and heal him.

⁸The centurion answered and said, Lord, I am not worthy that thou shouldest come under my roof: but speak the word only, and my servant shall be healed.

⁹For I am a man under authority, having soldiers under me: and I say to this man, Go, and he goeth; and to another, Come, and he cometh; and to my servant, Do this, and he doeth it.

¹⁰When Jesus heard it, he marvelled, and said to them that followed, Verily I say unto you, I have not found so great faith, no, not in Israel.

¹¹And I say unto you, That many shall come from the east and west, and shall sit down with Abraham, and Isaac, and Jacob, in the kingdom of heaven.

¹²But the children of the kingdom shall be cast out into outer darkness: there shall be weeping and gnashing of teeth.

¹³And Jesus said unto the centurion, Go thy way; and as thou hast believed, so be it done unto thee. And his servant was healed in the selfsame hour.

¹⁴And when Jesus was come into Peter’s house, he saw his wife’s mother laid, and sick of a fever.

¹⁵And he touched her hand, and the fever left her: and she arose, and ministered unto them.

¹⁶When the even was come, they brought unto him many that were possessed with devils: and he cast out the spirits with his word, and healed all that were sick:

¹⁷That it might be fulfilled which was spoken by Esaias the prophet, saying, Himself took our infirmities, and bare our sicknesses.

¹⁸Now when Jesus saw great multitudes about him, he gave commandment to depart unto the other side.

¹⁹And a certain scribe came, and said unto him, Master, I will follow thee whithersoever thou goest.

²⁰And Jesus saith unto him, The foxes have holes, and the birds of the air have nests; but the Son of man hath not where to lay his head.

²¹And another of his disciples said unto him, Lord, suffer me first to go and bury my father.

²²But Jesus said unto him, Follow me; and let the dead bury their dead.

²³And when he was entered into a ship, his disciples followed him.

²⁴And, behold, there arose a great tempest in the sea, insomuch that the ship was covered with the waves: but he was asleep.

²⁵And his disciples came to him, and awoke him, saying, Lord, save us: we perish.

²⁶And he saith unto them, Why are ye fearful, O ye of little faith? Then he arose, and rebuked the winds and the sea; and there was a great calm.

²⁷But the men marvelled, saying, What manner of man is this, that even the winds and the sea obey him!

²⁸And when he was come to the other side into the country of the Gergesenes, there met him two possessed with devils, coming out of the tombs, exceeding fierce, so that no man might pass by that way.

²⁹And, behold, they cried out, saying, What have we to do with thee, Jesus, thou Son of God? art thou come hither to torment us before the time?

³⁰And there was a good way off from them an herd of many swine feeding.

³¹So the devils besought him, saying, If thou cast us out, suffer us to go away into the herd of swine.

³²And he said unto them, Go. And when they were come out, they went into the herd of swine: and, behold, the whole herd of swine ran violently down a steep place into the sea, and perished in the waters.

³³And they that kept them fled, and went their ways into the city, and told every thing, and what was befallen to the possessed of the devils.

³⁴And, behold, the whole city came out to meet Jesus: and when they saw him, they besought him that he would depart out of their coasts.