Matthew 7

¹Nile ye deme, `that ye be not demed; for in what doom ye demen,

²ye schulen be demed, and in what mesure ye meten, it schal be meten ayen to you.

³But what seest thou a litil mote in the iye of thi brother, and seest not a beem in thin owne iye?

⁴Or hou seist thou to thi brothir, Brothir, suffre I schal do out a mote fro thin iye, and lo! a beem is in thin owne iye?

⁵Ipocrite, `do thou out first the beem of thin iye, and thanne thou schalt se to do out the mote of the iye of thi brothir.

⁶Nile ye yyue hooli thing to houndis, nethir caste ye youre margaritis bifore swyne, lest perauenture thei defoulen hem with her feet, and the houndis be turned, and al to-tere you.

⁷Axe ye, and it schal be youun to you; seke ye, and ye schulen fynde; knocke ye, and it schal be openyd to you.

⁸For ech that axith, takith; and he that sekith, fyndith; and it schal be openyd to hym, that knockith.

⁹What man of you is, that if his sone axe hym breed, whethir he wole take hym a stoon?

¹⁰Or if he axe fische, whether he wole take hym an edder?

¹¹Therfor if ye, whanne ye ben yuele men, kunnen yyue good yiftis to youre sones, hou myche more youre fadir that is in heuenes schal yyue good thingis to men that axen hym?

¹²Therfor alle thingis, what euere thingis ye wolen that men do to you, do ye to hem, for this is the lawe and the prophetis.

¹³Entre ye bi the streyt yate; for the yate that ledith to perdicioun is large, and the weie is broode, and there ben many that entren bi it.

¹⁴Hou streit is the yate, and narwy the weye, that ledith to lijf, and ther ben fewe that fynden it.

¹⁵Be ye war of fals prophetis, that comen to you in clothingis of scheep, but withynneforth thei ben as wolues of raueyn;

¹⁶of her fruytis ye schulen knowe hem. Whether men gaderen grapis of thornes, or figus of breris?

¹⁷So euery good tre makith good fruytis; but an yuel tre makith yuel fruytis.

¹⁸A good tre may not make yuel fruytis, nethir an yuel tre make good fruytis.

¹⁹Euery tre that makith not good fruyt, schal be kyt doun, and schal be cast in to the fier.

²⁰Therfor of her fruytis ye schulen knowe hem.

²¹Not ech man that seith to me, Lord, Lord, schal entre in to the kyngdom of heuenes; but he that doith the wille of my fadir that is in heuenes, he schal entre in to the kyngdoom of heuenes.

²²Many schulen seie to me in that dai, Lord, Lord, whether we han not prophesied in thi name, and han caste out feendis in thi name, and han doon many vertues in thi name?

²³And thanne Y schal knouleche to hem, That Y knewe you neuere; departe awei fro me, ye that worchen wickidnesse.

²⁴Therfor ech man that herith these my wordis, and doith hem, schal be maad lijk to a wise man, that hath bildid his hous on a stoon.

²⁵And reyn felde doun, and flodis camen, and wyndis blewen, and russchiden `in to that hous; and it felde not doun, for it was foundun on a stoon.

²⁶And euery man that herith these my wordis, and doith hem not, is lijk to a fool, that hath bildid his hous on grauel.

²⁷And reyn cam doun, and floodis camen, and wyndis blewen, and thei hurliden ayen that hous; and it felde doun, and the fallyng doun therof was greet.

²⁸And it was doon, whanne Jhesus hadde endid these wordis, the puple wondride on his techyng;

²⁹for he tauyte hem, as he that hadde power, and not as the scribis `of hem, and the Farisees.

Matthew 7

¹Judge not, that ye be not judged.

²For with what judgment ye judge, ye shall be judged: and with what measure ye mete, it shall be measured to you again.

³And why beholdest thou the mote that is in thy brother’s eye, but considerest not the beam that is in thine own eye?

⁴Or how wilt thou say to thy brother, Let me pull out the mote out of thine eye; and, behold, a beam is in thine own eye?

⁵Thou hypocrite, first cast out the beam out of thine own eye; and then shalt thou see clearly to cast out the mote out of thy brother’s eye.

⁶Give not that which is holy unto the dogs, neither cast ye your pearls before swine, lest they trample them under their feet, and turn again and rend you.

⁷Ask, and it shall be given you; seek, and ye shall find; knock, and it shall be opened unto you:

⁸For every one that asketh receiveth; and he that seeketh findeth; and to him that knocketh it shall be opened.

⁹Or what man is there of you, whom if his son ask bread, will he give him a stone?

¹⁰Or if he ask a fish, will he give him a serpent?

¹¹If ye then, being evil, know how to give good gifts unto your children, how much more shall your Father which is in heaven give good things to them that ask him?

¹²Therefore all things whatsoever ye would that men should do to you, do ye even so to them: for this is the law and the prophets.

¹³Enter ye in at the strait gate: for wide is the gate, and broad is the way, that leadeth to destruction, and many there be which go in thereat:

¹⁴Because strait is the gate, and narrow is the way, which leadeth unto life, and few there be that find it.

¹⁵Beware of false prophets, which come to you in sheep’s clothing, but inwardly they are ravening wolves.

¹⁶Ye shall know them by their fruits. Do men gather grapes of thorns, or figs of thistles?

¹⁷Even so every good tree bringeth forth good fruit; but a corrupt tree bringeth forth evil fruit.

¹⁸A good tree cannot bring forth evil fruit, neither can a corrupt tree bring forth good fruit.

¹⁹Every tree that bringeth not forth good fruit is hewn down, and cast into the fire.

²⁰Wherefore by their fruits ye shall know them.

²¹Not every one that saith unto me, Lord, Lord, shall enter into the kingdom of heaven; but he that doeth the will of my Father which is in heaven.

²²Many will say to me in that day, Lord, Lord, have we not prophesied in thy name? and in thy name have cast out devils? and in thy name done many wonderful works?

²³And then will I profess unto them, I never knew you: depart from me, ye that work iniquity.

²⁴Therefore whosoever heareth these sayings of mine, and doeth them, I will liken him unto a wise man, which built his house upon a rock:

²⁵And the rain descended, and the floods came, and the winds blew, and beat upon that house; and it fell not: for it was founded upon a rock.

²⁶And every one that heareth these sayings of mine, and doeth them not, shall be likened unto a foolish man, which built his house upon the sand:

²⁷And the rain descended, and the floods came, and the winds blew, and beat upon that house; and it fell: and great was the fall of it.

²⁸And it came to pass, when Jesus had ended these sayings, the people were astonished at his doctrine:

²⁹For he taught them as one having authority, and not as the scribes.