1Nile thou for a freend be maad enemye to the neiybore; for whi an yuele man schal enherite vpbreidyng and dispisyng, and ech synnere enuyouse and double tungid.stylus2Enhaunse thee not in the thouyt of thi soule, as a bole doith; lest thi vertu be hurtlid doun bi foli,stylus3and it ete thi leeues, and leese thi fruytis, and thou be left as a drye tree in deseert.stylus4Forsothe a wickid soule schal leese hym that hath it, and it yyueth hym in to the ioie of the enemye, and it schal leede forth in to the part of wickid men.stylus5A swete word multiplieth frendis, and swagith enemyes; and a tunge wel graciouse schal be plenteuouse in a good man.stylus6Many pesible men be to thee, and oon of a thousynde be a counselour to thee.stylus7If thou hast a frend, haue hym in temptacioun, and bitake not liytli thi silf to hym.stylus8For ther is a frend bi his time, and he schal not dwelle in the dai of tribulacioun.stylus9And ther is a frend which is turned to enemytee; and ther is a freend, that schal schewe opynli hatrede, and chiding, and dispisyngis.stylus10Forsothe ther is a frend, felowe of table, and dwellith not in the dai of nede.stylus11If a frend dwellith stidfast, he schal be as a man euene with thee, and he schal do tristili in thi meyneal thingis.stylus12If he mekith hym silf bifore thee, and hidith hym fro thi face, thou schalt haue good frendschip of oon acord.stylus13Be thou departid fro thin enemyes, and take heede of thi frendis.stylus14A feithful frend is a strong defendyng; forsothe he that fyndith him, fyndith tresour.stylus15No comparisoun is to a feithful frend; weiyng of gold and of siluer is not worthi ayens the goodnesse of his feithfulnesse.stylus16A feithful frend is medicyn of lijf, and of vndeedlynesse; and thei that dreden the Lord, schulen fynde hym.stylus17He that dredith the Lord, schal haue euenli good frendschip; for whi his frend schal be at the licnesse of hym.stylus18Sone, fro thi yongthe take thou doctryn, and til to hoor heeris thou schalt fynde wisdom.stylus19As he that erith, and that sowith, neiye thou to it, and abide thou the goode fruytis therof.stylus20For thou schalt trauele a litil in the werk therof, and thou schalt ete soone of the generaciouns therof.stylus21Wisdom is ouer scharp to vntauyt men, and an hertles man schal not dwelle there ynne.stylus22As the vertu of a stoon, preuyng schal be in hem; and thei schulen not tarie to caste awei it.stylus23Forsothe the wisdom of techyng is bi the name therof, and it is not opyn to many men; but it dwellith with hem, of whiche it is knowun, til to the siyt of God.stylus24Sone, here thou, and take the counsel of vndurstondyng, and caste thou not awei my counsel.stylus25Set in thi foot in to the stockis therof, and thi necke in to the bies therof.stylus26Make suget thi schuldir, and bere it, and be thou not anoied in the boondis therof.stylus27In al thi wille go to it, and in al thi vertu kepe the weies therof.stylus28Enquere thou it, and it schal be maad opyn to thee; and thou made holdinge wisdom forsake not it.stylus29For in the laste thingis thou schalt fynde reste ther ynne, and it schal turne to thee in to deliting.stylus30And the stockis therof schulen be to thee in defence of strengthe, and the foundementis of vertu, and the bie therof in a stoole of glorie.stylus31For whi the fairnesse of lijf is in wisdom, and the boondis therof ben heelful byndyng.stylus32Thou schalt `were it as a stoole of glorie, and thou schalt sette on thee a coroun of thankyng.stylus33Sone, if thou takist heede to me, thou schalt lerne wisdom; and if thou yyuest thi wille, thou schalt be wijs.stylus34If thou bowist doun thin eere, thou schalt take teching; and if thou louest for to here, thou schalt be wijs.stylus35Stonde thou in the multitude of prudent preestis, and be thou ioyned of herte to the wisdom of hem; that thou maist here ech telling of God, and the prouerbis of preisyng fle not awey fro thee.stylus36And if thou seest a wijs man, wake thou to hym, and thi foot trede on the greeces of his doris.stylus37Haue thou thouyt in the comaundementis of God, and be thou most bisi in his heestis; and he schal yyue to thee herte, and coueitise of wisdom schal be youun to thee.stylus
