1The fyue and nyntithe salm hath no title. Singe ye a newe song to the Lord; al erthe, synge ye to the Lord.

stylus

2Synge ye to the Lord, and blesse ye his name; telle ye his heelthe fro dai in to dai.

stylus

3Telle ye his glorie among hethene men; hise merueilis among alle puplis.

stylus

4For the Lord is greet, and worthi to be preisid ful myche; he is ferdful aboue alle goddis.

stylus

5For alle the goddis of hethene men ben feendis; but the Lord made heuenes.

stylus

6Knouleching and fairnesse is in his siyt; hoolynesse and worthi doyng is in his halewing.

stylus

7Ye cuntrees of hethene men, brynge to the Lord, bringe ye glorye and onour to the Lord;

stylus

8bringe ye to the Lord glorie to hys name. Take ye sacrificis, and entre ye in to the hallis of hym;

stylus

9herie ye the Lord in his hooli halle. Al erthe be moued of his face;

stylus

10seie ye among hethene men, that the Lord hath regned. And he hath amendid the world, that schal not be moued; he schal deme puplis in equite.

stylus

11Heuenes be glad, and the erthe make ful out ioye, the see and the fulnesse therof be moued togidere; feeldis schulen make ioye,

stylus

12and alle thingis that ben in tho. Thanne alle the trees of wodis schulen make ful out ioye, for the face of the Lord, for he cometh;

stylus

13for he cometh to deme the erthe. He schal deme the world in equite; and puplis in his treuthe.

stylus