1The title of the thre and eiytetithe salm. The salm of the sones of Chore.

stylus

2Lord of vertues, thi tabernaclis ben greetli loued;

stylus

3my soule coueitith, and failith in to the porchis of the Lord. Myn herte and my fleische; ful out ioyeden in to quyk God.

stylus

4For whi a sparewe fyndith an hous to it silf; and a turtle fyndith a neste to it silf, where it `schal kepe hise bryddis. Lord of vertues, thin auteris; my king, and my God.

stylus

5Lord, blessid ben thei that dwellen in thin hous; thei schulen preise thee in to the worldis of worldis.

stylus

6Blessid is the man, whos help is of thee; he hath disposid stiyngis in his herte,

stylus

7in the valei of teeris, in the place which he hath set.

stylus

8For the yyuer of the lawe schal yyue blessyng, thei schulen go fro vertu in to vertu; God of goddis schal be seyn in Sion.

stylus

9Lord God of vertues, here thou my preier; God of Jacob, perseyue thou with eeris.

stylus

10God, oure defender, biholde thou; and biholde in to the face of thi crist.

stylus

11For whi o dai in thin hallis is bettere; than a thousynde. I chees to be `an out cast in the hous of my God; more than to dwelle in the tabernaclis of synneris.

stylus

12For God loueth merci and treuthe; the Lord schal yyue grace and glorie.

stylus

13He schal not depriue hem fro goodis, that gon in innocence; Lord of vertues, blessid is the man, that hopith in thee.

stylus