1The title of the two and eiytetithe salm. The song of the salm of Asaph.

stylus

2God, who schal be lijk thee? God, be thou not stille, nether be thou peesid.

stylus

3For lo! thin enemyes sowneden; and thei that haten thee reisiden the heed.

stylus

4Thei maden a wickid counsel on thi puple; and thei thouyten ayens thi seyntis.

stylus

5Thei seiden, Come ye, and leese we hem fro the folk; and the name of Israel be no more hadde in mynde.

stylus

6For thei thouyten with oon acord;

stylus

7the tabernaclis of Ydumeys, and men of Ismael disposiden a testament togidere ayens thee. Moab, and Agarenus, Jebal, and Amon, and Amalech;

stylus

8alienys with hem that dwellen in Tyre.

stylus

9For Assur cometh with hem; thei ben maad in to help to the sones of Loth.

stylus

10Make thou to hem as to Madian, and Sisara; as to Jabyn in the stronde of Sison.

stylus

11Thei perischiden in Endor; thei weren maad as a toord of erthe.

stylus

12Putte thou the prynces of hem as Oreb and Zeb; and Zebee and Salmana. Alle the princis of hem, that seiden;

stylus

13Holde we bi eritage the seyntuarie of God.

stylus

14My God, putte thou hem as a whele; and as stobil bifor the face of the wynde.

stylus

15As fier that brenneth a wode; and as flawme brynnynge hillis.

stylus

16So thou schalt pursue hem in thi tempeste; and thou schalt disturble hem in thin ire.

stylus

17Lord, fille thou the faces of hem with schenschipe; and thei schulen seke thi name.

stylus

18Be thei aschamed, and be thei disturblid in to world of world; and be thei schent and perische thei.

stylus

19And knowe thei, that the Lord is name to thee; thou aloone art the hiyeste in ech lond.

stylus