1The titil of the fyue and sixtithe salm. To the victorie, the song of salm.

stylus

2Al the erthe, make ye ioie hertli to God, seie ye salm to his name; yyue ye glorie to his heriyng.

stylus

3Seie ye to God, Lord, thi werkis ben dredeful; in the multitude of thi vertu thin enemyes schulen lie to thee.

stylus

4God, al the erthe worschipe thee, and synge to thee; seie it salm to thi name.

stylus

5Come ye and se ye the werkis of God; ferdful in counseils on the sones of men.

stylus

6Which turnede the see in to drie lond; in the flood thei schulen passe with foot, there we schulen be glad in hym.

stylus

7Which is Lord in his vertu withouten ende, hise iyen biholden on folkis; thei that maken scharp be not enhaunsid in hem silf.

stylus

8Ye hethen men, blesse oure God; and make ye herd the vois of his preising.

stylus

9That hath set my soule to lijf, and yaf not my feet in to stiryng.

stylus

10For thou, God, hast preued vs; thou hast examyned vs bi fier, as siluer is examyned.

stylus

11Thou leddist vs in to a snare, thou puttidist tribulaciouns in oure bak;

stylus

12thou settidist men on oure heedis. We passiden bi fier and water; and thou leddist vs out in to refreschyng.

stylus

13I schal entre in to thin hous in brent sacrifices; Y schal yelde to thee my vowis,

stylus

14which my lippis spaken distinctly. And my mouth spake in my tribulacioun;

stylus

15Y shal offre to thee brent sacrificis ful of merowy, with the brennyng of rammes; Y schal offre to thee oxis with buckis of geet.

stylus

16Alle ye that dreden God, come and here, and Y schal telle; hou grete thingis he hath do to my soule.

stylus

17I criede to hym with my mouth; and Y ioyede fulli vndir my tunge.

stylus

18If Y bihelde wickidnesse in myn herte; the Lord schal not here.

stylus

19Therfor God herde; and perseyuede the vois of my bisechyng.

stylus

20Blessid be God; that remeued not my preyer, and `took not awei his merci fro me.

stylus